என்றும் ஒரு தகவல்

பத்தும் பறந்து போகும் !

2012-02-17T12:18:00.000-08:00

' பத்தும் பறந்து பொகும்....எப்போது ? ' எனக் கேட்டால், ' பசி வந்தால் ' என பதில் வரும் . ' நமச்சிவாய ' என்று சொன்னாலும் கூட பத்தும் பறந்து விடும் .
திருப்புகழில் அருணகிரியார்
" ஆவியீர் ஐந்தை அபரத்தே வைத்தோதில்
ஆவி ஈரைந்தை அகற்றலாம் " என்கிறார் .
" உலகமக்களே ! ஐந்தெழுத்து மந்திரமான ' சிவாயநம ' என்பதை மனதில் ஓதினால் ' ஆவி பத்தும் ' பறந்து விடும் .
அதென்ன ' ஆவி பத்து ! '
' ஆ ' என்ற எழுத்துடன் பத்தைச் சேர்த்தால் ' ஆபத்து ' . ' வி ' யுடன் சேர்த்தால் ' விபத்து '. ஆபத்து உடலுக்கு வரும் கஷ்டத்தையும், விபத்து உயிருக்கு வரும் துயரையும் குறிக்கும் . உடலுக்கு பசி, நோய் முதலிய துன்பங்களும், உயிருக்கு பிறப்பு, இறப்பு என்னும் துன்பங்களும் வருகிறது . இதனால்தான் ' சிவாயநம ' என்று சிந்தித் திருப்போருக்கு அபாயம் ஒருநாளும் இல்லை ' என்கிறார்கள் ஆன்மிக அறிஞர்கள் .
--- தினமலர் , பக்தி மலர் , 6 . 3 . 2011 . ( திருச்செந்தூர் ).

11 வகுத்தல் டெக்னிக் !

2012-02-16T23:12:00.000-08:00

ஒரு எண் 11 ஆல் வகுபடுமா என்பதைக் கண்டுபிடிக்க ஒரு ஈஸி டெக்னிக் இருக்கிறது .
2 இலக்க எண்கள் : இவை 11 - ஆல் வகுபடுமா என்பதைப் பார்த்ததுமே சொல்லிவிடலாம் . இரண்டு இலக்கங்களும் ஒன்றாகவே ( 11, 22, 99 ) இருக்கும் !
3 இலக்க எண்கள் : இந்த எண்களில் முதல் எண்ணையும் 3 வது எண்ணையும் கூட்டி, அதிலிருந்து மத்தியில் உள்ள எண்ணைக் கழிக்க வேண்டும் . விடை 0 அல்லது 11 வந்தால், அந்த எண் 11 ஆல் வகுபடும் !
உதாரணம் : அ ) 198 ... ( 1 + 8 ) கழித்தல் 9 . = 0;
ஆ 759 ... ( 7 + 9 ) கழித்தல் 5 ; = 11. எனவே இந்த இரு எண்களும் 11 ஆல் வகுபடும் .
அதிக இலக்க எண்கள் : இந்த எண்களிலும் மேற்குறித்த வகையிலேயே ஒரு எண்ணை விட்டு ஒரு எண் என்ற வரிசையில் கூட்டி, கூட்டுத்தொகை வித்தியாசம் 0 அல்லது 11 வருகிறதா என்று பார்த்தால் போதும் !
உதாரணம் : .அ ) 2574... ( 2 + 7 ) ; கழித்தல் ( 5 + 4 ) = 0 ;
ஆ ) 58432... ( 5 + 4 + 2 ) ; கழித்தல் ( 8 + 3 ) = 0 .எனவே, இவை 11 ஆல் வகுபடும் !
--- தினமலர் ,டிசம்பர் 24 ,. 2011 .

தெரிந்ததும் தெரியாததும் !

2012-02-15T23:00:00.000-08:00

* அத்திரிமுனிவரின் மனைவி -- அனுசூயா .
* ராவணன் -- கரனின் தம்பி .
* அழகியாக மாறிய சூர்ப்பனகையின் பெயர் -- காமவல்லி .
* சூரியனின் அம்சமாகப் பிறந்த குரங்கு மன்னன் -- சுக்ரீவன் .
* தேவலோகத்தில் பணிசெய்யும் தலைமைத்தச்சர் -- மயன் .
* வினதைக்குப் பிள்ளையாக அவதரித்த பறவை -- கருடன் .
* பிரம்மாவின் அம்சமான கரடி இனத்தலைவர் -- ஜாம்பவான் .
* ஆதிகவி என்று சிறப்பிக்கப்படும் வேடன் -- வால்மீகி .
* தசரத்ருக்கு அந்திமக்கிரியை செய்த பிள்ளை -- சத்ருக்கனன் .
* அனுமனுக்கு ' சிரஞ்சீவி ' பட்டம் அளித்தவள் -- சீதாதேவி .
--- தினமலர் , பக்தி மலர் , 6 . 3 . 2011 . ( திருச்செந்தூர் ).

2 மேஜிக் !

2012-02-14T22:57:00.000-08:00

நண்பரிடம் இப்படிச் சொல்லுங்கள் :
1 . ஏதாவது ஒரு எண்ணை நினைத்துக்கொள் .
2 . அதை இரு மடங்காக்கு .
3 . வரும் விடையுடன் 4 - ஐ கூட்டு .
4 . வரும் விடையை 2 - ஆல் வகு .
5 . வரும் விடையைச் சொல் ... நீ நினைத்த எண்ணைச் சொல்கிறேன் .
அவர் சொல்லும் எண்ணிலிருந்து 2 - ஐ கழித்துச் சொல்லுங்கள் ... ' அடடே ! ' என்று அசந்துவிடுவார் .
ஒரு உதாரணம் : நண்பர் நினைத்த எண் = 15 ; இரு மடங்காக்கினால் 30 ; 4 - ஐக் கூட்டினால் 34 ; 2 ஆல் வகுத்தால் 17 ; இதில் நீங்கள் 2 -ஐ கழித்தால் , நண்பர் நினைத்த எண் 15 .
--- தினமலர் . 4 .3 .2011 .

கண்டுபிடிப்பு !

2012-02-13T22:55:00.000-08:00

இந்து சமய குறியீடுகள் கண்டுபிடிப்பு !
வட அமெரிக்கா அரிசோனா மாநிலத்தில் பலாட்க்கி என்ற சிகப்பு நிறமுடைய மலைப்பகுதியில் ஜாக் அண்ட்ரூஸ் என்பவராலும், மற்றொரு குறியீடு தென்னாப்பிரிக்கா பூம்பலாசில் உள்ள சுபாஸ் சந்திரபோஸ் சதுக்கத்தில் ரோப் மில்லன் என்பவராலும் இந்த ஓம் குறியீடுகள் கண்டறியப்பட்டுள்ளன .
அமெரிக்காவில் கண்டுபிடிக்கப்பட்ட ஓம் குறியீடு மாறுபட்ட வடிவில், அதாவது 90 டிகிரி திரும்பியது போல் கருஞ்சிவப்பு நிறத்தில் வரையப்பட்டுள்ளது . தென்னாப்பிரிக்காவில் கண்டுபிடிக்கப்பட்ட ஓம் குறியீடு பாறை மீது பொறிக்கப்பட்டுள்ளது . அதில் தசமகா வித்யாக்களின் பத்து பெண் தெய்வங்களில் ஒன்றான ஸ்ரீதாராவின் இருபத்தோரு அம்சங்களை குறிப்பிடும் இருபத்தோரு கோடுகள், ஒளி ரேகைகள் போலும், ஸ்தூல, சூட்சும, காரண நிலைகளை குறிப்பிடும் மூன்று வட்டங்களும், அடுத்து பிரபஞ்ச குறியீடும், அதற்கு நடுவே இமயமலையில் உள்ள ஓம் பர்வதம் எனும் மலையில் காணப்படும் ஓம் - வடிவம் போன்றும், அதனைச் சுற்றிலும் ஒளி ரேகைகளுடன் தீர்க்க பிரணவ மந்திரமாகிய ஓம் குறியீடும் காணப்படுகின்றது . இந்த குறியீட்டில் காணப்படும் பிரபஞ்ச குறியீட்டின் வடிவத்தை தமிழகத்தின் பெரும்பான்மையான கோயில்களில் காணலாம் . இதேபோல் குறியீடு நாமக்கல் மாவட்டம் சேந்தமங்கலத்தில் உள்ள பெருமாள் கோயில் மகாமண்டபத்தின் வடபுற வாயில் படிக்கட்டில் பொறிக்கப்பட்டுள்ளது .
இந்தியாவின் ஆன்மிகத் தத்துவங்களும், தீர்க்க பிரணவ மந்திரமான ஓம் குறியீடும் பல்வேறு நாடுகளை சென்றடைந்துள்ளது என்பதற்கு இந்த 2 குறியீடுகள் மிகச்சிறந்த சான்றுகளாகும் .
--- தினமலர் ,18 . 3. 2011 .

' புது ' கொசு விரட்டி !

2012-02-12T22:51:00.000-08:00

போலந்தின் சில பகுதிகளில் பயங்க்ர வெள்ளப் பெருக்கு . லட்சக்கணக்கில் கொசுக்கள் பெருகியதில் பல பகுதிகளிலும் தொற்றுநோய் பாதிப்பு . அரசு ' ரூம் போட்டு யோசித்து ' அமல்படுத்திய ஒரு புதிய யுக்தியில் கொசுத் தொல்லைக்கு ' குட்பை ' !
அந்த யுக்தி ?
கொசு பாதிப்பு அதிகமாக உள்ள பகுதிகளில் வீட்டுக்கு ஒரு வவ்வால் வழங்கியது அரசு . அவை கொசுக்களை விழுங்கியதில், தீர்ந்தது தலைவலி !
வவ்வால்களின் உதவியில் ஒரு நாளைக்கு சராசரியாக இரண்டாயிரம் கொசுக்கள் பரலோகம் போவதாக குஷி அறிக்கை வெளியிட்டிருக்கிறது அரசு !
--- தினமலர் இணைப்பு , 6 . 3 . 2011

6 -- 7 மேஜிக் !

2012-02-11T07:47:00.000-08:00

6 x 7 = 42
66 x 67 = 4422
666 x 667 = 444222
6666 x 6667 = 44442222
66666 x 66667 = 4444422222
666666 x 666667 = 444444222222
6666666 x 6666667 = 44444442222222
66666666 x 66666667 = 4444444422222222
666666666 x 666666667 = 444444444222222222

கதை -- நீதி !

2012-02-10T07:45:00.000-08:00

அலெக்சாண்டரை அடிமை ஆக்க ஆசையா ? !
கதை : இந்தியா மீது படையெடுக்க அலெக்சாண்டர் ஆயத்தமானபோது, அவரது மனைவி தனது ஆசை என்று இப்படிக் கூறினார் , ' இந்தியாவில் ' ரிஷி'கள் எனப்படும் முனிவர்கள் தவ வலிமையால் அதீத புத்திசாலித்தனத்துடன் இருப்பார்கள் . அப்படி ஒரு ' ரிஷி'யை இந்தியாவில் இருந்து வரும்போது எனக்காகக் கொண்டுவாருங்கள் ! ' படையெடுப்பு முடிந்ததும், பிரபலமான ஒரு ரிஷியைக் கண்டுபிடித்துத் தன்னொடு வருமாறு பணித்தார் அலெக்சாண்டர் . ரிஷி நிர்தாட்சன்யமாக மறுத்துவிட்டார் . அதுவரை அலெக்சாண்டரின் வார்த்தைக்கு யாரும் மறு வார்த்தை பேசியது இல்லை . உச்சகட்ட கோபத்தில் இருந்து தன் வாளை உருவினார் அலெக்சாண்டர் . அதைப் பார்த்ததும் ரிஷி முகத்தில் பிரகாசமான புன்னகை . அதுவரை அலெக்சாண்டரின் வாளைப் பார்த்ததும் யாரும் சிரித்ததும் இல்லை . கோபத்தையும் தாண்டி ஆச்சர்யத்தில் வளைந்தன அலெக்சாண்டரின் புருவங்கள் . ' நீ ஏன் சிரிகிறாய் ? நான் இப்போது உன்னைக் கொல்லப் போகிறேன் தெரியுமா....' என்றார் அலெக்சாண்டர் .
" நீ உன் வாளைப் பயன்படுத்தும் முன் இரண்டு விஷயங்களைப் புரிந்துகொள் . அந்த வாளால் நீ என்னைக் கொல்ல முடியாது என்பது முதல் சங்கதி . இரண்டாவது, நீ எனது அடிமைக்கு அடிமையாக இருக்கிறாய் ! "
புரியாமல் விளக்கம் கேட்டார் அலெக்சாண்டர் . " அந்த வாளால் என் உடலைத்தான் உன்னால் வெட்டி வீச முடியும் . ஆனால், ' நான் ' என்பது இந்த உடல் கிடையாது ! "
ஏதோ புரிந்தும் புரியாமல் தலை அசைத்த அலெக்சாண்டர், " ஆனால், நான் இந்த உலகத்தின் பேரரசன் . என்னை எப்படி உனது அடிமையின் அடிமை என்றாய் ? " என்று கேட்டார் . " ஆசை, கோபம் என்ற இரண்டு குணங்களையும் நான் கட்டுப்படுத்தி எனக்கு அடிமையாக வைத்திருக்கிறேன் . நான் எப்போதும் அவற்றின் கட்டுப்பாட்டுக்குள் செல்ல மாட்டேன் .
மாறாக, அவைதான் எப்போதும் என் கட்டுப்பாட்டில் இருக்கும் . ஆனால், உன்னைப் பொறுத்தவரை, என்னிடம் அடிமையாக இருக்கும் ஆசை, கோபம் என்ற அடிமைகளிடம் நீ அடிமையாக இருக்கிறாய் . அப்படியானால் நான் சொன்னது உண்மைதானே ! '' என்பது ரிஷியின் பதில் .
நீதி : எப்போதும் அடிமைக்கு அடிமை ஆகாதீர்கள் !
--- கி.கார்த்திகேயன் . ஆனந்த விகடன் , 9 . 3 .2011

சிங்கப்பூரின் அதிசயம் !

2012-02-09T07:38:00.000-08:00

உலகின் சுற்றுலா செல்லமாக இருக்கும் சிங்கப்பூரின் லேட்டஸ்டு கலர்ஃபுல் கவர்ச்சி ' மெரினா பே சண்ட்ஸ் ! '
மெரினா பே சாண்ட்ஸ் என்ற கட்டடம்... கட்டுமானக் கலையின் புதிய உச்சம் . 55 மாடிகள், 2,561 ஹோட்டல் அறைகள், உலகத்தின் அத்தனை வகை உணவுகளையும் பரிமாறும் 50 வித உணவகங்கள், எஸ்கலேட்டர்களில் பயணித்து மாடி மாடியாகச் சென்றாலும் விரிந்துகொண்டே இருக்கும் ஷாப்பிங் சென்டர்கள், எண்ணிக்கையில் அடங்காத சினிமா தியேட்டர்கள், கார்ப்பரேட் கம்பெனிகள் மாநாடு நடந்துகொண்டே இருக்கும் விழா மண்டபங்கள்.... இவை எல்லாம் போதாது என்று மூன்று கோபுரங்களின் உச்சிகளையும் இணைத்து அந்தரத்தில் அமைந்து இருக்கும் நீச்சல் குளம் ! உச்சியில் சுகந்த மணம் பரப்ப ஒரு தொங்கும் தோட்டம் . இத்தனை அழகையும் கண்டு ரசிக்க அவ்வப்போது மேகப் பஞ்சுப் பொதிக்ளே மெரினா பெ சண்ட்ஸின் மொட்டை மாடியில் தடம் பதித்துத் தவழ்கின்றன . இவ்வளவு செயற்கை அலங்காரங்களுக்கு மத்தியில் 250 மரங்கள் பச்சைப் பசேலெனத் தலையாட்டி இயற்கைக்கு மரியாதை செய்கின்றன .
' சுற்றுலாதான் தனது நாட்டின் சுவாசம் ! ' என்பதை உணர்ந்திருக்கும் சிங்கப்பூர் அரசு... நகரின் மையப் பகுதியில் இருக்கும் தனது பூமி, ஆறு, வானம் ஆகியவற்றை மெரினா பே நிர்வாகத்திடம் ஒப்படைத்து, ' உங்களால் எத்தனை லட்சம் சுற்றுலா பயணிகளைக் கொண்டுவர முடியும் ? ' என்று கேட்டது . பதிலாக, வார்த்தையில் எதுவும் ' கமிட் ' செய்துகொள்ளாமல் கிரகப்பிரவேசம் முடிந்த ஒன்பது மாத காலத்துக்குள் ஒரு கோடியே பத்து லட்சம் சுற்றுலாப் பயணிகளை ஈர்த்து அசத்தியது மெரினா பே .
மெரினா பே எதிரே இருக்கும் தடாகத்தின் மத்தியில் தாமரையின் வடிவில் விரிந்திருக்கும் அருங்காட்சியகத்தின் திறப்பு விழாவில் ஐந்து கண்டங்களில் இருந்து வந்திருந்த ஏழு சமையல்காரர்கள் நடத்திய ' சமையல் சுற்றுலா ' அதுவரை நம் நாக்கின் சுவை மொட்டுகள் உணராத சுவையை எல்லாம் உணரவைத்தது .
இரவு லெசர் ஷோ !
' நீர், ஒளி, ஒலி இவற்றைக்கொண்டு என்னவெல்லாம் வர்ண ஜாலம் காட்டலாம் என்று கற்பனைக்குச் சவால்விடும் நிகழ்ச்சி அது . கட்டடங்களின் உச்சி, ஆற்றின் ஆழத்தில் இருந்து... என்று நினைத்தே பார்க்க முடியாத இடங்களில் இருந்தெல்லாம் புறப்பட்ட ஒளிக்கற்றைகள் கண்ணுக்குத் தெரியாத நீர்த்திரைகளில் படர்ந்து பரவி சாகசம் செய்தன . வெற்றுவெளியில் சிறுமி சிரிக்கிறாள், நாய்க்குட்டி குரைக்கிறது, குபீரென நீச்சலுடையில் தாவி வரும் பெண் தடாகத்துக்குள் பாய்கிறாள்... பொழுதுபோக்கின் அதீத நீள அகலங்கள் ஆச்சர்யப்படுத்துகின்றன . தீப்பொறி இல்லாத வாணவேடிக்கை, வானத்தையே வெள்ளித்திரை ஆக்கிய கொண்டாட்டம் என சிங்கப்பூர்.... சிங்கப்பூர்தான் !
--- பி. ஆரோக்கியவேல் . ஆனந்த விகடன் , 9 . 3 .2011 .

' சன் ஸ்க்ரீன் லோஷன் '

2012-02-08T07:32:00.000-08:00

சன் ஸ்கிரீன் லோஷன்களில் ஆயிலி ( எண்ணெய்ப் பசை ) மற்றும் மேட் ஃபினிஷ் என இரண்டு வகை உண்டு . வரண்ட சருமம் உள்ளவர்கள் ஆயிலி லோஷனைப் பயன்படுத்தலாம் . எண்ணெய்ப் பசை சருமம் உள்ளவர்கள் ஆயிலி லோஷனைப் பயன்படுத்தினால், லோஷன் தடவிய உடனேயே வியர்க்க துவங்கிவிடும் . அவ்வகை சருமம் உள்ளவர்கள், மேட் ஃபினிஷ் சன் ஸ்கிரீன் லோஷனை உபயோகிக்கலாம் .
அனைத்து வகை சன் ஸ்கிரீன் லோஷன்களிலும் SPF ( sun protection factor ) என்ற ஓர் அளவு குறிக்கப்பட்டு இருக்கும் . ஒவ்வோர் அளவீட்டுடனும் ஐந்தைப் பெருக்கினால் வரும் நேரம் வரைதான் அந்த சன் ஸ்கிரீன் லோஷன் வேலை செய்யும் . SPF அளவுகள பத்தில் இருந்து கடைகளில் கிடைக்கிறது . குறிப்பிட்ட நேரத்துக்கு மேல் சன் ஸ்கிரீன் லோஷன்கள் அதன் செயல்பாட்டை நிறுத்திவிடும் . அதனால், குறிப்பிட்ட நேரத்துக்குப் பிறகு லோஷன் தடவிய இடங்ககளைத் தண்ணீரால் கழுவிவிடுங்கள் !
--- வசுந்தரா , அழகுக் கலை நிபுணர் . ஆனந்த விகடன் , 9 . 3 .2011 .

சதாபிஷெகம் !

2012-02-07T07:30:00.000-08:00

இன்னல்கள் தீர இறைவனை நாம் வணங்குகிறோம் . அந்த இறைவன் சிலரை வணங்குகிறானாம் . சகஸ்ர சந்ர தர்சீ, நித்யாக்னி ஹோத்ரி, அஸ்வத்த சேவி முதலியவர்கள் அவர்கள் .
இவர்களுள் சகஸ்ர சந்ர தர்சீ என்றால் ஆயிரம் பிறை கண்டவர் என்று அர்த்தம் . அதாவது 80 வயது மூத்தவர் என்று பொருள் .
--- தினமலர் , இனைப்பு . மார்ச் 10, 2011 .

டிப்ஸ்...டிப்ஸ்...

2012-02-06T05:04:00.000-08:00

* சப்பாத்தி, போளி...இதற்கெல்லாம் மாவு பிசையும்போது, தண்ணீர் மற்றும் பால் சேர்க்காமல கண்டென்ஸ்டு மில்க் ( மில்க் மெய்டு போன்ற ) விட்டுப் பிசைந்து தயாரித்தால்... சுவை அருமையாக இருக்கும் . இதேமுறையில் கோதுமை மாவைப் பயன்படுத்தி சிப்ஸ்கூட தயாரிக்கலாம் .
* உளுந்து இல்லாமல்கூட தோசை வார்க்கலாம் . அரிசியை நன்றாகக் கழுவி, அதில் ஒன்றரை மடங்கு புளிப்பான மோர் ஊற்றி, 2 டீஸ்பூன் வெந்தயம் சேர்த்து, முந்தைய நாள் இரவே ஊற வைக்கவும் . மறுநாள், அந்த மோருடன் சேர்த்தே நைஸாக அரைத்து, தோசையாக வார்த்து, சூடாகப் பரிமாறுங்கள் . கல்லில் ஒட்டாமல் அருமையாகவும் தோசை வரும்
* வாயில் போட்டதும் கரையக்கூடிய முறுக்கு வேண்டுமா ... ஒரு ஐடியா ! மாவில் தண்ணீர் விட்டுப் பிசைவதற்கு முன், இரண்டு டீஸ்பூன் உலர்ந்த மாவை ஒரு டம்ளர் தண்ணீரில் கரைத்து அடுப்பில் வைத்து அரை நிமிடம் கிளறி இறக்கவும் . ஆறியதும் மீதி மாவில் அதைக் கொட்டி பிசையவும் . பிறகு, அச்சில் பிழிந்தால்... நொடியில் கரையக்கூடிய கரகர முறுக்கு தயார் !
* பொரித்த ஒரு அப்பளத்தை நொறுக்கி, இரண்டு டீஸ்பூன் துருவிய தேங்காய், கறிவேப்பிலை, புளி, ஒன்றிரண்டு பச்சை மிளகாய், உப்பு சேர்த்து மிக்ஸியில் அரையுங்கள் . அசத்தலான அப்பளத் துவையல் ரெடி !
* இஞ்சி முற்றிப் போனால், துருவது கஷ்டமாக இருக்கும் . இஞ்சியைக் கழுவி, தோல் சீவி, துண்டுகளாக வெட்டிக்கொள்ளுங்கள் . இந்த துண்டுகளை சின்ன மிக்ஸியில் போட்டுச் சுற்றுங்கள் . இஞ்சித் துருவல் எளிதில் தயார் .
* எண்ணெய் பாத்திரத்தைத் தேய்க்க பொடுகிறீர்களா ? ஒரு துணியால் எண்ணெயை ஒட்ட துடைத்து எடுத்துவிட்டால், கழுவுவதற்கு எளிதாக இருக்கும் . அந்தத் துணியை அப்படியே தூக்கி வீசாமல்... தாழ்ப்பாள், கிரில், கிணற்று ராட்டினம் என எண்ணெய் தேவைப்படும் கருவிகளில் தேய்க்கலாம் . எண்ணெய் கீழே சிந்தாமல் சுத்தமாகத் துடைத்தது போலவும் இருக்கும்...'க்ரீச் க்ரீச்' சத்தத்தையும் இல்லாமல் செய்யலாம் !
--- அவள் விகடன் . 11 . 3 . 2011 .
--- இதழ் உதவி : N. கிரி , நியூஸ் ஏஜென்ட், திருநள்ளாறு . ( கொல்லுமாங்குடி ) .

100 மேஜிக் !

2012-02-05T04:55:00.000-08:00

எத்தனை நண்பர்களை வேண்டுமானாலும் அழைத்துக் கொள்ளுங்கள் . அவர்கள் பார்க்காத வகையில் சில துண்டு காகிதங்களில் 100 என்று எழுதி நன்றாக மடித்து ஒவ்வொருவரிடமும் ஒரு காகிதத்தைக் கொடுங்கள் . " இதை இப்போது திறந்து பார்க்கக் கூடாது; நான் செய்யச் சொல்லும் கணக்கின்பொது எந்த எண்ணையும் என்னிடம் கூற வேண்டாம் " என்று கூறிவிட்டு இப்படி கணக்கு செய்யச் சொல்லுங்கள் :
1 ஒன்று முதல் 9 வரையிலான எந்த எண்ணியும் நினைத்துக்கொள்ளுங்கள் .
2 .அதோடு 7 - ஐ கூட்டுங்கள் .
3 . வரும் விடையில் இருந்து 2 - ஐ கழியுங்கள் .
4 . வரும் விடையில் இருந்து, முதலில் நீங்கள் நினைத்த எண்ணைக் கழியுங்கள் .
5 . வரும் விடையை 20 -ஆல் பெருக்குங்கள் .
இப்படி முடித்துவிட்டு, ' இனி நான் தந்த பேப்பரை எடுத்துப் பாருங்கள் . உங்களுக்கு வந்த விடை இருக்கும் ! ' என்று அசத்துங்கள் . ' அடடே ! ' என்று அசந்துபோவார்கள் !
ஒரு உதாரணம் :
நண்பர் நினைத்த எண் 1; 7 -ஐ கூட்டினால் 8; 2 -ஐ கழித்தால் 6; நினத்த எண் 1 ஐ கழித்தால் 5; 20 -ஆல் பெருக்கினால் 100 ! ( எந்த எண் என்றாலும் 100 தான் விடையாக வரும் !
--- தினமலர் இணைப்பு , 17 .12 . 2011 .
எத்தனை நண்பர்களை வேண்டுமானாலும் அழைத்துக் கொள்ளுங்கள் . அவர்கள் பார்க்காத வகையில் சில துண்டு காகிதங்களில் 100 என்று எழுதி நன்றாக மடித்து ஒவ்வொருவரிடமும் ஒரு காகிதத்தைக் கொடுங்கள் . " இதை இப்போது திறந்து பார்க்கக் கூடாது; நான் செய்யச் சொல்லும் கணக்கின்பொது எந்த எண்ணையும் என்னிடம் கூற வேண்டாம் " என்று கூறிவிட்டு இப்படி கணக்கு செய்யச் சொல்லுங்கள் :
1 ஒன்று முதல் 9 வரையிலான எந்த எண்ணியும் நினைத்துக்கொள்ளுங்கள் .
2 .அதோடு 7 - ஐ கூட்டுங்கள் .
3 . வரும் விடையில் இருந்து 2 - ஐ கழியுங்கள் .
4 . வரும் விடையில் இருந்து, முதலில் நீங்கள் நினைத்த எண்ணைக் கழியுங்கள் .
5 . வரும் விடையை 20 -ஆல் பெருக்குங்கள் .
இப்படி முடித்துவிட்டு, ' இனி நான் தந்த பேப்பரை எடுத்துப் பாருங்கள் . உங்களுக்கு வந்த விடை இருக்கும் ! ' என்று அசத்துங்கள் . ' அடடே ! ' என்று அசந்துபோவார்கள் !
ஒரு உதாரணம் :
நண்பர் நினைத்த எண் 1; 7 -ஐ கூட்டினால் 8; 2 -ஐ கழித்தால் 6; நினத்த எண் 1 ஐ கழித்தால் 5; 20 -ஆல் பெருக்கினால் 100 ! ( எந்த எண் என்றாலும் 100 தான் விடையாக வரும் !
--- தினமலர் இணைப்பு , 17 .12 . 2011 .

தெரியுமா ? தெரியுமே !

2012-02-04T04:53:00.000-08:00

* பிரான்ஸ் நாட்டினர்தான் டென்னிஸில் அதிக ஆர்வம் காட்டியவர்கள் . அவர்கள், இந்த விளையாட்டின் ஆரம்ப கட்டத்தை ( இரு அணிகளுக்கும் ஸ்கோர் இல்லாத நிலவரத்தை ) ஸ்கோர் போர்டில் முட்டைகள் வடிவில் குறித்தனர் . முட்டைக்கு, பிரெஞ்சு மொழியில் ' லோவ் '. இதனால், விளையாட்டு துவங்கிய வேளையில், ' லோவ் ஆல் ' என்று குரல் எழுப்பினர் ! இந்த வார்த்தையை வேகமாகச் சொல்லும்போது, ' லவ் ஆல் ' என்பது போல் ஒலிக்கும் . நாளடைவில், எல்லோருமே ' லவ் ஆல் ' என்று குறிப்பிட ஆரம்பித்துவிட்டனர் !

பெருக்கல் !

2012-02-03T04:50:00.000-08:00

ஈஸி 11 பெருக்கல் !
எவ்வளவு பெரிய எண்ணாக இருந்தாலும் அதை 11 - ஆல் பெருக்குவதற்கு ஈஸி வழி : முதலில் அந்த எண்ணின் கடைசியில் ' 0 ' சேருங்கள் . பிறகு இதோடு அந்த எண்ணைக் கூட்டுங்கள் !
ஒரு உதாரணம் :
12345 என்ற எண்ணை 11 - ஆல் பெருக்க வேண்டும் ...
முதலில் இதோடு ' 0 ' சேர்ப்போம் : 123450 .
பிறகு இதோடு அந்த எண்ணைக் கூட்டுவோம் : 123450 + 12345 = 135795 !
--- தினமலர் இணைப்பு , 25 . 2 . 2011 .

மூளைக்கு கரன்ட் போனால்....

2012-02-02T04:46:00.000-08:00

மூளைக்கு கரன்ட் போனால் கற்பனைத்திறன் பெருகும் !
ஆஸ்திரேலியாவைச் சேர்ந்த சிட்னி பல்கலைக்கழகப் பேராசிரியர் ஆலன்சிண்டர் தலைமையிலான குழு உருவாக்கியிருக்கும் thinking cap என்ற சிறு கருவியைக் கண்டு விஞ்ஞான உலகமே வியக்கிறது .
மூளைக்குள் ' கொஞ்சூண்டு ' மின்சாரத்தைச் செலுத்துவதன் மூலம் கற்பனைத் திறனையும் படைப்பாற்றலையும் உருவாக்க முடியும் என உறுதி செய்வதற்கான தொடக்கமே இக்கருவி . இதைப் பொருத்திக்கொண்டு, குறிப்பிட்ட ஒரு தேர்வில் பங்கேற்ற 60 பேர் பிரமாதமான ரிசல்ட் பெற்றிருக்கிறார்கள்.
சரி....இதனால் என்ன பயன் ? விபத்து போன்ற காரணங்களால் இடதுபக்க மூளை பாதிக்கப்பட்டவர்களுக்கு இந்த ஆராய்ச்சி ஓர் வரப்பிரசாதம் . கலை, பிரச்னைகளுக்குத் தீர்வு காணுதல் போன்ற விஷயங்களிலும் இது பயனுள்ளதாக அமையும் .
இன்றைய வெற்றி, மூளை உலகின் முதல் படிதான் . ஆராய்ச்சி அடுத்த கட்டங்களில் பயணம் செய்யும்போது நிகழவிருக்கும் அற்புதங்களுக்கு அளவே இல்லை . எதிர்காலதில் நம் மூளையை எப்படி வேண்டுமோ அப்படி தூண்டிக்கொள்ளலாம் . அதற்கு பத்து ரூபாய் பேட்டரி போதும் என்றால், நம்புவீர்களா ?
--- தினகரன் , 27 . 2 . 2011 இதழில் வள்ளி .
--- இதழ் உதவி : செல்லூர் கண்னன் .

*' VOWELS '

2012-02-01T03:17:00.000-08:00

a, e, i , o, u ஆகிய அனைது vowels -ம் வரும் வார்த்தைகள் Education மற்றும் Evaluation . ஐந்து vowels -ம் உள்ள ( ஒரே ) வார்த்தைகளும் உண்டு . abstemious , facetious என்று ! (முதலாவதன் அர்த்தம் -- மிகவும் எச்சரிக்கையாக, குறைவாக உணவு -- மது -- கேளிக்கைகளில் ஈடுபடுவது . இரண்டாவது, -- ஜாலியாக, ' ஜோக் ' கடித்துப் பேசுவது ! ) இந்த வாக்கியத்தின் தனித்தன்மை -- The quick brown fox jumps over a lazy dog !
விடை : இந்த வாக்கியத்தில் A to Z அத்தனை ஆங்கில எழுத்துக்களும் அடங்கி இருக்கின்றன ! இப்படி எல்லா எழுத்துக்களும் வரும் வாக்கியத்துக்கு பான்க்ராம் ( Pangram ) என்று பெயர்

மாயத் தோற்றம் !

2012-01-31T03:14:00.000-08:00

" ' நாம் எதைச் செய்தாலும் உலகம் நமக்கு எதிராகவே இருக்கிறதே' என்ற எண்னம் சமயங்களில் ஏற்படுகிறதே ? "
" அது ஒரு மாயத் தோற்றம் . உண்மையிலேயே உலகம் முழுவதும் நமக்கு எதிராக இருந்தாலும்கூட, நான் வாழ்ந்துதானே ஆக வேண்டும் . தஸ்லீமா நஸ்ரினின் கவிதை ஒன்று...
' மனித சுபாவம் அப்படி
நீங்கள் உட்கார்ந்தால்
அவர்கள் சொல்வார்கள்
உட்காராதே.
நின்றால் சொல்வார்கள்
உனக்கு என்ன பிரச்னை
நடக்கக் கூடாதா ?
நடந்தால் சொல்வார்கள்
அவமானம்
உட்கார் நீ .
நீங்கள் தாள முடியாமல்
படுத்தால் சொல்வார்கள்
எழுந்து நில்,
நீங்கள்
படுக்கவில்லையானால் சொல்வார்கள்
கொஞ்சம் படுக்கலாமில்லையா ?
விழிப்பதும் தூங்குவதுமாக என் வாழ்வை
நான் வீணாக்கிக்கொண்டிருக்கிறேன்
நான் இக்கணமே இறந்துபோனால்
அவர்கள் சொல்வார்கள்
நீ வாழ வேண்டும் .
நான் வாழ்வதைப் பார்த்தார்களானால்
யாருக்குத் தெரியும்
அவர்கள் சொல்வார்கள்
நீ இருப்பதே அவமானம்
செத்துத் தொலை .
அதீத பயத்துடன்
ரகசியமாக
நான் தொடர்ந்து
வாழ்ந்துகொண்டிருக்கிறேன் ! '
தஸ்லீமாவின் சொந்த வாழ்க்கையை இந்தக் கவிதை பிரதிபலிப்பதாக இருந்தாலும் கவிதையின் உள்ளடக்கம் எல்லோருக்குமானதே ! "
--- மாணிக்கவாசகம் , மதுரை. ஆனந்தவிகடன் . 9 . 2. 2011 .

தெரியுமா ? தெரியுமே !

2012-01-30T03:11:00.000-08:00

* ஆஸ்திரேலியாவில் பெண்கள் கங்காரு ' பை ' யை ( Pouch ) அப்படியே கத்தரித்து எடுத்து, அதில் குழந்தையை உட்காரவைத்துத் தோளில் மாட்டிக்கொண்டு செல்வார்கள் .
* கனவு மூலம்கூட ஒருவர் SEX பரவச நிலையை அடைந்தது இல்லை என்றால்... எங்கோ, பிறப்பிலேயே பெரிய தவறு நிகழ்ந்திருக்கிறது என்று அர்த்தம் .
* மாபெரும் விஞ்ஞான மேதை ஐஸக் நியூட்டன் 85 வயது வரை வாழ்ந்தார் . வாழ்நாளில் அவர் செக்ஸ் அனுபவித்தது இல்லை என்று தீர்மானமாக பல புத்தகங்கள் தெரிவிக்கின்றன.
* சிறுவர்களுக்கான கதைகள் எழுதிய லூயி கரோல் ( Levis Carrol ), இசை மேதை சோப்பின், முதலாம் எலிசபெத் மகாராணி, இலக்கிய மேதை ரஸ்கின் என்று செக்ஸ் அனுபவிக்காதவர்களின் பட்டியல் உண்டு .
* நடுக்கடலில் அலைகள் காணப்படுவது இல்லை . பின் எங்கிருந்து, எவ்வாறு உருவாகின்றன . நியூட்டன் விதிதான் ! Every action has a reaction . நிலம் தோன்ற, முதன்முறையாகக் கடல் அதோடு மோத, ஒரே ஒரு முதல் அலை உருவானது . அது பின்னோக்கிப் போனபோது, நீரோடு மோதி இரண்டாவது அலையை உருவாக்கியது . நிலம் இல்லாமல், குறிப்பாகக் கரை இல்லாமல் அலை இல்லை . அடுத்த பிரளயம் ஏற்பட்டு, அத்தனை நிலமும் கடலில் மூழ்கிய பிறகு அலைகளும் நின்றுவிடும் !

செல்போன் சேவை... மாற்றுவது எப்படி ?

2012-01-29T02:55:00.000-08:00

" மொபைல் போர்டடபிலிட்டி திட்டத்தின்படி செல்போன் எண்ணை மாற்றாமல் மொபைல் சேவை நிறுவனத்தை மட்டும் மாற்றும் நடைமூறைகள் என்னென்ன ? "
" நீங்கள் எந்த நிறுவன சிம்கார்டினை உபயோகப்படுத்திக்கொண்டு இருந்தாலும், வேறு நிறுவன சேவைக்கு மாறவிரும்பினால், உங்கள் மொபைலில் ' PORT ' என்று டைப் செய்து, ஸ்பேஸ் விட்டு, உங்கள் மொபைல் எண்ணையும் டைப் செய்து 1900 என்ற எண்ணுக்கு எஸ்.எம்.எஸ் அனுப்புங்கள் . உங்கள் கோரிக்கை பதிவாகிவிட்டதற்கான அத்தாட்சியாக, உங்களுக்கான பிரத்யேக எண் ஒன்று எஸ்.எம்.எஸ்ஸில் வரும் . இந்த நடைமுறை முடிந்ததில் இருந்து 15 நாட்களுக்குள் நீங்கள் விரும்பிய நிறுவனத்தின் சேவைக்கு விண்ணப்பிக்க வேண்டும் . நீங்கள் ஒப்படைக்கும் சான்றிதழ்களைச் சரி பார்த்த பிறகு, பழைய எண்ணிலேயே புதிய சிம்கார்டு வழங்கப்படும் . போஸ்டு -- பெய்டு சிம் வைத்து இருப்பவர்கள் கடைசி பில் தொகை வரை செலுத்த வேண்டியது அவசியம் . ஃபிரீ -- பெய்டு வாடிக்கையாளர்கள் தங்கள் அக்கவுன்டில் மீதமிருக்கும் தொகை முழுவதையும் பயன்படுத்திவிடுவது நல்லது . புதிய சிம்மில் பழைய பேலன்ஸ் தொகை சேராது . மிக முக்கியமான விஷயம், பழைய சிம் எவர் பெயரிலான அடையாளச் சான்றிதழ் கொடுத்துப் பெறப்பட்டதோ, அவர்தான் இந்த சேவைக்கு விண்ணப்பிக்க முடியும் ! "
--- வி.விஜயா , மக்கள் தொடர்பு மேலாளர், பி.எஸ்.என்.எல் . ஆனந்தவிகடன் . 9 . 2. 2011 .

சொல்வனம் !

2012-01-28T02:52:00.000-08:00

கொட்டும் மழையும்
குட்டிப் பெண்ணும் ...
குட்டிப் பெண்
பாட்டியிடம் கேட்டாள்
' மழை எப்படி வருது பாட்டி ? '
' அதுவா ... வானத்தில் நின்னு
கடவுள் குளிக்கிறாரு அதான் '
என்றாள் பதிலுக்குப் பாட்டி .
குட்டிப் பெண் சிரித்தாள்
'ஒரு ஆளு இவ்வளவு தண்ணியில குளிச்சா
ஊர்ல தண்ணிப் பஞ்சம் வராம
வேறென்ன செய்யும் > '
--- பாஸ்கோ பெர்னாண்டஸ் , ஆனந்தவிகடன் . 9 . 2. 2011 .

கொசுவுக்கு வில்லி !

2012-01-27T02:50:00.000-08:00

கற்பூரவல்லி...கொசுவுக்கு வில்லி !
பூந்தொட்டியில் வளர்க்கும் கற்பூரவல்லி இலைகளையும், சோற்றுக் கற்றாழையையும் பறித்து மிக்சியில் அரைத்து, சாறு எடுத்து, அதை வீடு முழுவதும் தெளித்தால் கொசுக்கள் மாயமாய் மறைந்து விடும் . மேலும், சாம்பிராணி கோன்கள் வாங்கி, அவற்றை இந்த கற்றாழை -- கற்பூரவல்லி சாற்றில் ஊற வைத்து, வெயிலில் காய வைத்து எடுத்து, அதை தினமும் இரவு ஏற்றி வைத்தால் கொசுக்கள் வராது . கொசு விரட்டிச் சுருளில் வரும் புகையினால் ஏற்படும் மூச்சு இரைப்புத் தொல்லையும் இருக்காது .
--- ஆர்த்தி , சென்னை - 4 . அவள் விகடன் .25 . 2 . 2011 . இதழ் உதவி : N .கிரி , நியூஸ் ஏஜென்ட், திருநள்ளாறு . ( கொல்லுமாங்குடி ) .

கடையில வாங்கினதா ?

2012-01-26T02:47:00.000-08:00

இந்த மாவு கடையில வாங்கினதா ?
ஒரு நிமிடம்..... இந்த மாவு கடையில வாங்கினதா ?
" ரெடிமேட் இட்லி -- தோசை மாவில் மனிதன் மற்றும் மிருகங்களின் குடல் பகுதியில் காணப்படும் ' ஈகோலி ' எனப்படும் ஒருவித பாக்டீரியா கலந்திருக்கிறது . இது மனிதனுக்கு நோய்களை வரவழைக்கக் கூடியது .
மனிதர்கள் மற்றும் மிருகங்களோட குடல் பகுதிகளில இருக்கிற ' கோலிஃபார்ம் ' ( Coliform ) பாக்டீரியா, இந்த மாவுகள்ல இருக்கிறது தெரிஞ்சுது . இதுக்குக் காரணம், சரியா பராமரிக்கப்படாத கிரைண்டர், மாசுபட்ட தண்ணீர், மாவை ஸ்டோர் செஞ்சு வைக்கற பாத்திரம்னு சுகாதாரமற்ற சூழல்தான் . அந்த மாவை வாங்கி நாம உபயோகப்படுத்தும்போது அது நமக்கு வாந்தி, பேதி, வயிறு மற்றும் குடல் வலின்னு பல பாதிப்புகளை ஏற்படுத்தலாம் " என்று தகவல்களை அடுக்கி அதிர வைக்கிறார், சென்னையை சேர்ந்த ' கான்சர்ட் ' ( GONCERT ) நிறுவன அமைப்பின் டைரக்டர் சந்தானராஜ் .
--- ம.பிரியதர்ஷினி , அவள் விகடன் .25 . 2 . 2011 . இதழ் உதவி : N .கிரி , நியூஸ் ஏஜென்ட், திருநள்ளாறு . ( கொல்லுமாங்குடி )

டிப்ஸ்...டிப்ஸ்...

2012-01-25T02:39:00.000-08:00

* அப்பளம் பொரிக்கப் போகிறீர்களா .... ஒரு நிமிடம் . அப்பளத்தில் ஒரு பக்கம் மட்டும் எண்ணெய் தடவி, நான்கு ஐந்து அப்பளங்களை ஒன்றன் மீது ஒன்றாக அடுக்கி, ' மைக்ரோவேன் அவன்'ல ஒன்று முதல் ஒன்றரை நிமிடம் வரை வைத்து எடுங்கள் . பொரித்த அப்பளம் போல சுவையாக இருக்கும் . ஒரேசமயத்தில் நிறைய அப்பளங்களை பொரித்த திருப்தியும் கிடைக்கும் .
* கேரட், பீட்ரூட், மாங்காய் போன்ற காய்களை எளிதில் துருவ ஒரு வழி இருக்கிறது . காய்களின் தோலை சீவியதும், தண்ணீரில் கழுவி, துணியால் நன்றாகத் துடைத்துவிட்டு, பிறகு துருவுங்கள் . கையிலிருந்து வழுக்காமல் இருக்கும் . கொழகொழப்பில்லாமல் சுலபமாகத் துருவ முடியும் .
* அப்பளம், சிப்ஸ், வடாம், வத்தல் போன்றவற்றைப் பொரிக்கிறீர்களா.... அடுப்பை அணைத்த பிறகு, எண்ணெய் சூடாக இருக்கும்போதே கைப்பிடி கறிவேப்பிலையைப் போடுங்கள் . நன்றாகப் பொரிந்துவிடும் . பொரித்த பலகாரங்களில் அந்த கறிவேப்பிலையையும் தூவி வைத்தால், பரிமாற எடுக்கும்போது நல்ல வாசனையாக இருக்கும் .
--- அவள் விகடன் .25 . 2 . 2011 . இதழ் உதவி : N .கிரி , நியூஸ் ஏஜென்ட், திருநள்ளாறு . ( கொல்லுமாங்குடி ) .

எரிகல் .

2012-01-24T02:33:00.000-08:00

பூமியை தாக்க வரும் எரிகல் .
பூமியின் மீது மோதுவதற்காக அசுர வேகத்தில் அபோபிஸ் என்ற எரிகல் வந்துகொண்டிருப்பதாக ஆஸ்திரேலிய நாட்டு விண்வெளி அறிஞர்கள் கண்டுபிடித்து உள்ளனர் .
இந்த எரிகல் சுமார் 300 மீட்டர் அகலம் கொண்டது என மதிப்பிடபட்டுள்ளது . பூமியில் இருந்து பல கோடி ஒளி ஆண்டு தூரத்துக்கு அப்பால் இருக்கும், அபோபிஸ் எரிகல் இப்போது இயங்கும் வேகத்தில் பூமியை நோக்கி வந்தால், வரும் 2029ம் ஆண்டு ஏப்ரல் 13 ம் தேதியன்று பூமிக்கு 37 ஆயிரம் முதல் 38 ஆயிரம் கிலோமீட்டர் தொலைவுக்கு வந்துவிடும் . அதன்பிறகு அந்த எரிகல் மெதுவாக நகர்ந்து பூமியின் வளிமண்டலத்துக்குள் நுழைந்து 2036 ம் ஆண்டு ஏப்ரல் 13 ம்தேதி, பூமியின் மீது விழுந்து நொருங்கும் என்று ஆய்வாளர்கள் தெரிவித்துள்ளனர் .
அந்த எரிகல் மோதும்போது, பல்லாயிரம் இடிகள் ஒரே நேரத்தில் விழும்போது எவ்வளவு வெப்பம் வருமோ அந்த அளவு வெப்பம் உருவாக வாய்ப்பு உள்ளது . அதனால் மனிதர்கள் உட்பட ஒரு கோடி உயிரினங்கள் அழியும் வாய்ப்பு இருப்பதாக அமெரிக்க விஞ்ஞானிகளும் எச்சரிக்கை செய்துள்ளனர் .
--- தினமலர் பிப்ரவரி 11 , 2011 .

தூங்காவிட்டால்...

2012-01-23T23:56:00.000-08:00

6 மணிநேரம் தூங்காவிட்டால்...
தினமும் 6 மணிநேரம் தூங்காவிட்டால் ஆபத்து !
இன்றைய வேகமான உலகத்தில் மாரடைப்புதான் பலரின் உயிருக்கு உலை வைக்கும் முக்கிய நோய் . மன அழுத்தம்,
அதிக கொழுப்புள்ள உணவுகளை சாப்பிடுவது, ரத்த அழுத்தம் போன்ற பல காரணங்களால் மாரடைப்பு வருவதாக சொல்கின்றனர் . சரியான தூக்கம் இல்லாவிட்டாலும் மாரடைப்பு வரும் என்று சமீபத்திய ஆய்வு தெரிவிக்கிறது .
தினமும், 6 மணி நேரத்துக்கும் குறைவாக தூங்குகிறவர்களுக்கு, ரத்தத்தில் லெப்டின் என்ற வேதிபொருளின் அளவு குறைந்துவிடும் . இதனால் சாப்பிடும் அளவு குறைந்து நாளடைவில் உடல் பலவீனமாகி மாரடைப்பு வருகிறது என்று இங்கிலாந்தின் வார்விக் பல்கலைக்கழக ஆய்வாளர்கள் கண்டுபிடித்துள்ளனர் .
--- தினமலர் பிப்ரவரி 11 , 2011 .

ஐ. நா. சபை !

2012-01-22T23:54:00.000-08:00

நைல் நதிக்கரை ஓரம் முதலைகள் வாய் திறந்து படுத்திருக்கும் . அப்படி வாய் திறந்து எவ்வளவு காற்றைத் தன் சுவாசப் பையில் சேமித்துக்கொள்கிறதோ, அதற்கேற்ப நீருக்குள் அமிழ்ந்திருக்கும் . முதலை வாய் திறக்கும் சமயம், அதன் பல் இடுக்குகளில் ஒட்டி இருக்கிற உணவுத் துகள்களைக் கொத்தித் தின்ன ஒரு பறவை வரும் . முதலையும் விட்டுவிடும் . காரணம், பல் இடுக்குகளில் சிக்கியிருக்கும் உணவுத் துகள்கள் சுத்தம் செய்யப்பட்டால்தான் அடுத்த முறை இரை உண்ணும்போது தடை ஏற்படாமல் இருக்கும் .அதே சமயம், முதலைக்கு பசி ஏற்படுகிறபோது அந்தப் பறவையையே தின்றுவிடும் . அப்படி வல்லரசுகள் தரும் நிதியைக்கொண்டு தன்னைக் காப்பாற்றிக்கொள்ளும் நிலையில்தான் ஐ.நா. இருக்கிறது .
--- பாரதிகிருஷ்ணகுமார் , ஆனந்த விகடன் 2 . 2 .2011 .

கவனிக்க வேண்டிய விஷயம் !

2012-01-21T23:51:00.000-08:00

பேச்சிலே கவனிக்க வேண்டிய விஷயம் !
பேச்சிலே கவனிக்க வேண்டிய விஷயம் சமயோசிதம் . நீங்கள் ஒரு கருத்தைச் சொல்கிறீர்கள் . அதற்கு இன்னொருவர் எதிர்க் கருத்து தெரிவிக்கிறார் . அவருக்கு நீங்கள் பதில் சொல்லும்போது அவர் மனம் புண்படாமல் நாசுக்காகக் கருத்தைப் பதிவு செய்ய வேண்டும் . அண்ணா உலகத் தமிழ் மாநாடு நடத்தினார் . அப்போது ஊர்வலத்தில் யாருக்கு எல்லாம் சிலை வைக்கலாம் என்று ஆலோசித்தார்கள் . ஒவ்வொருவரும் தங்கள் எண்ணத்தைச் சொன்னார்கள் . இறுதியாக, தவ்த்திரு குன்றக்குடி அடிகளார் எழுந்து, ' நீங்கள் வள்ளுவன், கம்பன், இளங்கோ ஆகியோருக்கு எல்லாம் சிலை வைக்கிறீர்கள் . அப்பர் ( திருநாவுக்கரசர் ) எனும் சிவனடியாருக்கும் சிலை வையுங்கள் ' என்றார் . அண்ணாவோ நாத்திகர் . இவர் வைக்கச் சொல்வதோ தெய்வத்தின் சிலை . அவர் மனதைப் புண்படுத்தாமல் அண்ணா இப்படிச் சொன்னார், ' அரசு வணங்கத் தக்கவர்களுக்குத்தான் சிலை வைக்கிறதே தவிர, வழிபடத் தக்கவர்களுக்கு அல்ல ! '. என்ன ஒரு நாசுக்கு பாருங்கள் . மேடைப் பேச்சில் இந்த ' ஸ்பான்டேனியஸ் ஸ்பார்க் ' அதாவது, மின்னல் தெறிப்பது போன்ற சமயோசிதம்தான் வெற்றியைக் கொடுக்கும்... மக்களைக் கவரும் ! .
--- ந. வினோத்குமார் , ஆனந்த விகடன் 2 . 2 .2011 .

மனம் கவர்ந்த கவிதை

2012-01-20T23:48:00.000-08:00

ஒரு மரம் பாடுவதாக பால்டிமோர் குரோட்டோ என்ற கவிஞர் எழுதிய கவிதை :
.' இந்தக் கானகத்திலிருந்து
எதையாவது எடுத்துச் செல்ல
விரும்பினால்
அதை உங்கள்
கேமரா சுருளுக்குள்
எடுத்துச் செல்லுங்கள் .
இங்கு எதையாவது
விட்டுச் செல்ல வேண்டும் என
ஆதங்கப்பட்டால்
உங்கள் காலடித் தடத்தை மட்டும்
விட்டுச் செல்லுங்கள் .
எதையாவது கழித்தேயாக
வேண்டும் என
விரும்பினால் உங்களது பொன்னான
நேரத்தை இங்கே கழியுங்கள் ! '
--- அ. யாழினி பர்வதம் , சென்னை - 78. ஆனந்த விகடன் 2 . 2 .2011 .

வெப்பமான கிரகம் .

2012-01-19T23:45:00.000-08:00

மிகமிக வெப்பமான கிரகம் .
3,200 டிகிரி செல்சியஸ் . மிகமிக வெப்பமான கிரகம் கண்டுபிடிப்பு .
நம்மால் 40 டிகிரி வெப்பத்தையே தாங்க முடியவில்லை . இந்நிலையில், 3,200 டிகிரி செல்சியஸ் வெப்பம் கொளுத்தும் கிரகம் ஒன்றை விஞ்ஞானிகள் கண்டுபிடித்துள்ளனர் . விண்ணில் வெப்பமான கிரகமாக இது கருதப்படுகிறது .
இங்கிலாந்தின் ஸ்டாபோர்டுஷயரில் உள்ள கீலே பலகலைக்கழக பேராசிரியர் அலெக்சிஸ் ஸ்மித் தலைமையிலான குழுவினரின் ஆராய்ச்சியில் கண்டுபிடிக்கப்பட்டுள்ளது இந்த கிரகம் டபிள்யூ ஏஎஸ்பி -- 33பி அல்லது எச்டி15082 என்று அழைக்கப்படுகிறது . இதன் வெப்பநிலையை தற்போது உறுதி செய்து உள்ளனர் . இது ஜுபிடர் கிரகத்தைப் போல நான்கரை மடங்கு பெரியது .
380 ஒளியாண்டு தொலைவில் இது உள்ளது . இது தன்னைத்தானே சுற்றிவர 29.5 மணி நேரம் ஆகிறது . இது 3,200 டிகிரி வெப்பநிலயைக் கொண்டிருந்தாலும், நட்சத்திரங்களின் வெப்பநிலையான 7,100 டிகிரியைவிடவும், சூரியனின் வெப்பநிலையான 5,600 டிகிரி வெப்பநிலையை விடவும் குறைவுதான் .
--- தினகரன் . ஜனவரி 29 , 2011 .

மேஜிக் ' 3 ' !

2012-01-18T23:43:00.000-08:00

33 2 = 1089
333 2 = 110889
33332 = 1110889
333332 = 1111088889
3333332 = 111110888899
ஒவ்வொரு எண்ணுக்கும் பல அதிசயக் குணங்கள் உண்டு . மேற்கண்ட கணக்கும் இதற்கு ஒரு உதாரணம் .
இதை நன்கு கவனியுங்கள்... வெறும் ' 3 ' மட்டுமே கொண்ட எத்தனை பெரிய எண்ணின் வர்க்கத்தையும் ஈஸியாகக் கண்டுபிடிக்கும் ' ஷார்ட் கட் ' புரிந்துவிடும் !
--- தினமலர் இணப்பு , ஜனவரி 21 .2011

முடிகள் !

2012-01-17T00:20:00.000-08:00

இரண்டு விதமான முடிகள் மனிதனுக்கு உண்டு . மெல்லிய ( பூனை ! ) Vellus முடி , அடர்த்தியான ' terminal ' முடி . உடலின் குறிப்பிட்ட இடங்களில் ' டெர்மினல் ' முடி இருப்பினும், உடல் முழுவதும் மனிதனுக்கு ' வெல்லஸ் ' முடி உண்டு . மார்பில் முடி இல்லாத ஆண்களும் உண்டு . ( குறிப்பாக கீழ்த் திசை நாடுகளில் ) . குழந்தைக்கு இடைஞ்சல் இல்லாமல் பால் தர வசதியாக பெணகளுக்கு மார்பில் முடியில்லாமல் போய்விட்டது . -- Evolution ! முடி என்பது குளிரில் இருந்து ஒரு பாதுகாப்பு . ஸ்வெட்டர் என்பது ' முடி'தான் ! உடலில் முடியே இல்லாத இடங்கள் -- தொப்புள், உதடுகள், முலைக்காம்பு, உள்ளங்கை -- கால் !
--- ஹாய் மதன் , ஆனந்தவிகடன் . 19 . 1 . 2011 .

கொழுப்பு குறைவது தெரியும் !

2012-01-16T00:17:00.000-08:00

மூச்சு விட்டால் போதும் கொழுப்பு குறைவது தெரியும் !
உடம்பை குறைக்க நம்மில் பலரும் டிரட்மில், வாக்கிங், ஜிம்முக்கு சென்று உடற்பயிற்சி செய்வது என்று பல வகையிலும் முயற்சி செய்கிறோம் . ஆனாலும், நம் உடலில் உள்ள கொழுப்பு குறைந்துள்ளதா என்பதை நம்மால் அறிய முடிவதில்லை . இந்தக் குறையைப் போக்க புதிய கருவி வந்துள்ளது . உடற்பயிற்சிக்கு முன் உங்கள் உடலில் எவ்வளவு கொழுப்பு இருந்தது . உடற்பயிற்சியால் எவ்வளவு கொழுப்பு குறைந்துள்ளது என்பதை இந்தக் கருவி சொல்லிவிடும் . இந்த அருமையான கருவியை பிரிட்டிஷ் விஞ்ஞானிகள் கண்டுபிடித்துள்ளனர் . அதற்கு ' பீரித் அன்லைசர் ' என்று பெயர் சூட்டியுள்ளனர் .
உடற்பயிற்சி முடிந்ததும் இந்த கருவியை முகத்தின் அருகே வைத்து மூச்சு விட்டால் போதும் . உடம்பில் எவ்வளவு கொழுப்பு கரைக்கப்பட்டுள்ளது என்பது தெரிந்துவிடும் . சுவாசத்தின்போது வெளிவிடும் காற்றில் அசிட்டோன் என்ற பொருளும் கலந்து வரும் . கொழுப்பு எரிக்கப்படுவதால் வெளியாகும் பொருள்தான் அசிட்டோன் . எவ்வளவு அசிட்டோன் வருகிறதோ, அவ்வளவுக்கு உங்கள் உடலில் கொழுப்பு குறைந்துள்ளது என்பதை இந்தக் கருவி ஒரு நிமிடத்தில் கணக்கிட்டு சொல்லிவிடும் .
--- தினமலர் . ஜனவரி 25 , 2011 .

மாரடைப்புக்கு காரணம் .

2012-01-15T00:14:00.000-08:00

மாரடைப்புக்கு காரணம் ஒரு வகை சிறுநீரக ஜீன்
மனித வாழ்க்கையை திடீரென்று முடிவுக்கு கொண்டுவந்து சுபம்போடும் கொடிய நோய் எது என்று கேட்டால் ' மாரடைப்பு ' என்று சட்டென சொல்லிவிடலாம் . மாரடைப்பு வருவதற்கு முக்கிய காரணம் மனிதனின் சிறுநீரக ஜீன்தான் என்ற அதிர்ச்சித் தகவல் இப்போது வெளியாகியுள்ளது .
மனித உடற்கூறின் முக்கிய அம்சம் டி.என்.ஏ. எனப்படும் மரபணு . இதில்தான் மனிதத்தன்மையையும் உடல் செயல்பாடுகளையும் தீர்மானிக்கும் ஜீன்கள் உறைந்துள்ளன . மனிதன் மனிதனாக செயல்படுவதற்கு இலக்கணமானவை இந்த ஜீன்கள்தான் ...
மனித உறுப்புகள் ஒவ்வொன்றின் செயல்பாட்டையும் கட்டுப்பாட்டுடன் வைத்திருப்பதும் ஜீன்கள்தான் . எனவே, ஜீன்கள் இல்லையேல் மனிதன் இல்லை என்பது ஏற்கனவே உறுதிசெய்யப்பட்ட உண்மை . இதனால்தான் ஜீன்கள் பற்றிய ஆராய்ச்சி உலக அளவில் நடந்துகொண்டிருக்கின்றன .
மனிதனின் இதயநோய்களுக்கு, மனிதனின் சிறுநீரகத்தில் காணப்படும் ஒருவகை ஜீன்தான் முக்கிய காரணம் என்ற உண்மை தெரியவந்துள்ளது . இந்த சிறுநீரக ஜீனில் புரோட்டின் அமைப்பு சீரற்று இருக்குமாம் . இதற்கு சி.எல்.சி.என்.கே., என்று பெயர் சூட்டப்பட்டுள்ளது .
இந்த ஜீனுக்கும் இதயத்தின் செயல்பாட்டுக்கும் கொஞ்சமும் சம்பந்தம் இல்லை . என்றாலும் இதயத்துக்கு செல்லும் ரத்தத்துடன் சிறுநீரக ஜீன் இதயத்தில் செல்லும்போது அதில் ஏற்படும் திடீர் மாற்றங்கள், இதயத்தில் ரத்த ஓட்டத்தை தடுத்து நிறுத்துகிறது என்று விஞ்ஞானிகள் கண்டுபிடித்துள்ளனர் .
--- தினமலர் . ஜனவரி 20 , 2011 .

ஓட்டல் !

2012-01-14T00:11:00.000-08:00

122 வது மாடியில் ஓட்டல் !
துபாய் புர்ஜ் கலிபா கட்டடத்தின் 122 வது மாடியில் ஓட்டல் ஒன்று நேற்று திறக்கப்பட்டது உலகிலேயே உயரமான இடத்தில் உள்ள ஓட்டல் என்ற பெருமையை இது பெறுகிறது .
வளைகுடா நகரமான துபாயில் புர்ஜ் கலிபா என்ற மிக உயரமான கட்டடம் உள்ளது . 828 மீட்டர் உயரமுள்ள இந்த கட்டடம் சுற்றுலா பயணிகளை கவர்ந்திழுக்கும் மையமாக திகழ்கிறது .
இந்நிலையில் இந்த கட்டடத்தின் 122 வது மாடியில் ' அட்மாஸ்பியர் ' என்ற பெயரில் ஓட்டல் திறக்கப்பட்டுள்ளது . கடல் மட்டத்தில் இருந்து 442 மீட்டர் உயரத்தில் அமைந்துள்ள இது உலகிலேயே உயரமான இடத்தில் அமைந்துள்ள ஓட்டல் என்ற பெருமையை பெறுகிறது . இங்கு உட்கார்ந்து சாப்பிட்டால் துபாய் நகரின் அழகுத்தோற்றம் பளிச்சென தெரியுமாம் .
ஒரே நேரத்தில் 210 பேர் சாப்பிடலாம் . இந்த ஓட்டல் மட்டுமல்ல... இங்கு விலைகளும் ' உயரமாகத்தான் ' உள்ளது . உள்ளே நுழைவதற்கே தனிக்கட்டணம் . இதற்கு ரூ. ஆயிரத்து 200 தர வேண்டும் . சாப்பாடு ரூ. 8 ஆயிரம் என்ற அளவில் உள்ளது . மற்ற உணவு ஐட்டங்களூம் இதே ரேஞ்சில்தான் உள்ளது .
--- தினமலர் . ஜனவரி 25 , 2011 .

பழம் பாடல் ,

2012-01-13T00:08:00.000-08:00

ஒரு பழம்பாடல் :
' வால் நீண்ட கரிக்குருவி
வலமிருந்து இடம் போனால்
--கால்நடையாய்ச்
சென்றவர்தாம்
கனக் தண்டிகை ஏறுவரே ! '
--- கனக தண்டிகை என்றால், தங்கப்பல்லக்கு . கரிக்குருவி என்பது ' வல்லியன் ' எனும் பறவை . இதைத்தான் ஆண்டாள் ' ஆனைச் சாத்தான் ' எனத் திருப்பாவையில் பாடுகிறாள் .
இந்த கரிக்குருவி -- இடம் இருந்து வலம் போனால் -- கனக் தண்டிகை ஏறியோர் கால்நடையாய்ச் செல்லக்கூடும் எனப் பொருள் கொள்ள வேண்டும் !
--- நினைவு நாடாக்கள் ஒரு rewind , தொடரில் வாலி . ஆனந்தவிகடன் 19 . 1 . 2011 .

அசத்தல் கணக்கு !

2012-01-12T07:14:00.000-08:00

உன் நண்பனை மூன்று இலக்க எண் ஒன்றை நினைத்து, அதை எழுதச் சொல்லவும் . பிறகு, அதன்பக்கத்தில் அதே மூன்று இலக்க எண்ணை மறுபடியும் எழுதச் சொல்லவும் . இப்பொழுது அது ஆறு இலக்க எண்ணாக மாறிவிட்டதா என்று கேளுங்கள் ! உன் நண்பனிடம் அதை ஏழால் வகுக்கச் சொல்லவும் . அடுத்து, பதினொன்றால் வகுத்த பின்பு 13 ஆல் வகுக்கச் சொல்லவும் . இதில் கிடைக்கும் ஈவுதான் நீ முதலில் நினைத்த எண் என்று சொல்லி அசத்துங்கள் !
---- ஸ்ரீகோகுல், சேலம் . சுட்டி விகடன் 31 . 01 . 2011 .

அட....அப்படியா ?

2012-01-11T07:12:00.000-08:00

* மனிதர்களுக்கு ஒரு கண்ணில் ஒரு லென்ஸ் மட்டுமே உள்ளது . ஆனால், தட்டான் பூச்சிகளுக்கு ஒரே கண்ணில் 30 ஆயிரம் லென்ஸ்கள் உண்டு !
* தேனீக்கு மொத்தம் 5 கண்கள் . இரண்டு கூட்டுக் கண்கள் . மூன்று ஒற்றைக் கண்கள் . ஒற்றைக் கண்களால் அருகில் உள்ள பொருள்களைக் காணலாம் . கூட்டுக் கண்கள் தொலைவில் உள்ள பொருள்களின் தன்மையை அறியப் பயன்படுகின்றன .
* நம் கண்களின் மேல் இமையில் 90 முதல் 160 முடிகளும், கீழ் இமையில் 75 முதல் 80 முடிகளும் இருக்கும் . இமை முடி வளர 30 நாட்களாகும் . வாழ்நாள் வெறும் 5 மாதங்கள்தான் .
-- - சுட்டி விகடன் 31 . 01 . 2011 .

ஒரு டம்ளர் தண்ணீர் !

2012-01-10T07:10:00.000-08:00

* ஒரு டம்ளர் தண்ணீரை காலையில் கண் விழித்து எழுந்ததும் அருந்தினால், உடலின் உள் உறுப்புகள் அனைத்தும் சுறுசுருப்பாக இயங்கும் .
* ஒரு டம்ளர் நீரை உணவு உண்பதற்கு 30 நிமிடங்களுக்கு முன் பருகினால், அது உணவை விரைவாக செரிக்க உதவும் .
* ஒரு டம்ளர் நீரை குளிப்பதற்கு அரை மணி நேரத்துக்கு முன் குடித்தால், ரத்த அழுத்தத்தைக் குறைக்கும் .
* ஒரு டம்ளர் நீரை உறங்கச் செல்லும் முன் அருந்தினால், நரம்புத் தளர்ச்சியையும் மாரடைப்பையும் கட்டுப்படுத்தும் .
--- மு. நவீனா , சுட்டி விகடன் 31 . 01 . 2011 .

சூப்பர் (நோவா ) !

2012-01-09T07:06:00.000-08:00

கனடாவைச் சேர்ந்த பத்து வயது பெண் கேத்ரீன் அரோரா கிரே, சூப்பர் நோவா ஒன்றைக் கண்டுபிடித்து இருக்கிறார் . உலகிலேயே மிக இளம் வயதில் இந்தச் சாதனையைச் செய்தவர் இந்தச் சுட்டிதான் .
சூப்பர் நோவா என்றால் என்ன ?
அண்டவெளியில் சூரியனுக்கும் அப்பால் பல லட்சம் ஒளி ஆண்டுகளைத் தாண்டி சூரியனைவிட மிகப் பெரிய நட்சத்திரங்கள் இருக்கின்றன . அவைகள் ஒன்றோடு ஒன்று மோதி வெடிக்கும்போது ( Steller Explosion ) வானில் வர்ண ஜாலங்கள் நிகழும் . இதில் ஆச்சர்யப்படவைக்கும் விஷயம்... இந்த சூப்பர் நோவா ஒரு வார காலத்துக்கும் குறைவான காலத்திலேயே சூரியன் தன் வாழ்நாள் முழுவதும் வெளிப்படுத்தும் சக்தியை வெளிப்படுத்துகிறது .
' SN2010 lt ' என்று பெயரிடப்பட்டிருக்கும் இந்த சூப்பர் நோவா, பூமியில் இருந்து 240 மில்லியன் ஒளி ஆண்டுகள் தூரத்தில் உள்ளது .
இவரது சாதனையை அங்கீகரித்திருக்கும் ராயல் அஸ்ட்ரானமிக்கல் சொஸைட்டி ஆஃப் கனடா , ( RASC ) " விண்வெளி ஆராய்ச்சியில் சாதிக்க விரும்பும் மாணவர்களுக்கு கேத்தரின் ஒரு முன்னோடி " என்று பாராட்டி உள்ளது .
--- மோ. அருண் ரூப பிரசாந்த் , சுட்டி விகடன் 31 . 01 . 2011 .

உடல் எடை குறைய.....

2012-01-08T02:43:00.000-08:00

உடல் எடை குறைய. உதவும் பாக்டீரியா .
காலம் கெட்டுப்போச்சு என்று சொல்லும் அளவுக்கு உலகத்தில் நாளூக்கு நாள் புதிய கண்டுபிடிப்புகள் வந்த வண்ணம் உள்ளன . அவற்றில் சில கண்டுபிடிப்புகள் மனிதனுக்கு மிகவும் உதவும் வகையில் உள்ளன . அதில் ஒன்றுதான் நட்பு பாக்டீரியா .
அயர்லாந்து நாட்டில் உள்ள, வேளாண் மற்றும் உணவு மேம்பாட்டு ஆணையம் என்ற அமைப்பைச் சேர்ந்த ஆய்வுக்குழுவினரும் கார்க் பல்கலைக்கழக விஞ்ஞானிகளும் இணைந்து இந்த நட்பு பாக்டீரியாவை கண்டுபிடித்துள்ளனர் . யோகர்ட் மற்றும் மனித உடம்பில் இந்த நட்பு பாக்டீரியாக்கள் உள்ளன . கண்ணுக்கு புலப்படாத ஒருவகை துகள்கள் இந்த பாக்டீரியாக்களில் சுரக்கின்றன . இந்த துகள்கள், உடல் செல்களில் உள்ள கொழுப்புகளை கரைக்கிறது இதனால், உடல் எடை குறைகிறது . யோகர்ட் என்று சொல்லப்படும் பால்சார்ந்த உணவுப்பொருளில் இந்த வகை நன்மை பாக்டீரியாக்கள் அதிகம் உள்ளதால், இவற்றை எளிதாக உற்பத்தி செய்துவிட முடியும் என்று விஞ்ஞானிகள் நம்புகிறார்கள் . மனிதர்கள் எளிதில் சாப்பிட வசதியாக இந்த வகை நட்பு பாக்டீரியாக்களை குளிர்பானத்திலேயோ, பாலிலோ கலந்து விற்பனை செய்யலாம் என்றும் விஞ்ஞானிகள் யோசனை தெரிவித்துள்ளனர் .
ஏற்கனவே மனிதர்களின் உடலில் லேக்டோபேசில்லஸ் என்ற பாக்டீரியா உள்ளது . இந்த பாக்டீரியாக்கள் மனித உடலில் கொழுப்பு அமிலங்களை சுரக்கச் செய்ய உதவுகிறது . இனி இந்த நட்பு பாக்டீரியாக்களையும் உள்ளே செலுத்தினால், அவற்றின் உதவியால் மனித உடம்பில் உள்ள அதிகப்படியான கொழுப்பு கரைந்து உடம்பு மெலிந்துவிடும் என்று விஞ்ஞ்ஞானிகள் ஆதாரத்துடன் கூறியுள்ளனர்
--- தினமலர் . ஜனவரி 19 , 2010 .

ஏ.சி. உஷார் !

2012-01-07T02:38:00.000-08:00

ஏ.சி. மெஷினை எப்பொதுமே 23 டிகிரிக்கு அதிகபட்ச வெப்பத்தில் இயக்ககூடாது . அந்த வெப்பநிலைக்கு மெஷின் சூடாகும்போது, அதன் பாகங்கள் அனைத்தும் அதிகப் பயன்பாட்டுக்கு உட்படுத்தப்படும் . கம்ப்ரஸர், காயில், மெஷினுக்கு உள்ளே செல்லும் ஒயர்கள் என அனைத்துப் பகுதிகளும் அந்த வெப்பநிலையில் மிக அதிகமாக சூடாகும் . அதைத் தாக்குபிடிப்பதற்கு ஏற்ப அவை வடிவமைக்கப்படாததால் மிக விரைவிலேயே அவை பழுதாவதற்கான வாய்ப்புகள் அதிகம் . மிக நீண்ட நேரம் அந்த வெப்பநிலையில் இயங்கினால் சமயங்களில் தீப்பிடிக்கவும் வாய்ப்பு இருக்கிறது . அதே சமயம் எக்காரணம் கொண்டும் 16 டிகிரிக்குக் குறைந்த குளிர்நிலையில் ஏ.சி. இயங்கக் கூடாது . அதுவும். அலர்ட் வேண்டிய ஆபத்துதான் !
ஃப்ரிஜ் பத்திரம் !
ஃப்ரிஜை ஆஃப் செய்துவிட்டு உடனடியாக மீண்டும் ஆன் செய்யக்கூடாது . ஃப்ரிஜ் குளிர் இயக்கத்துக்கு அதன் உள்ளே நிரப்பப்பட்டு இருக்கும் கேஸ் மிக முக்கியக் காரணி . ஃப்ரிஜை ஆஃப் செய்த உடன் குழாயில் கேஸ் அடைத்துக்கொள்ளும் . அப்போது குழாயில் காற்றும் செல்லாது . எனவே, குறைந்தது மூன்று நிமிடங்க்களுக்குப் பிறகுதான் ஃப்ரிஜை ஆன் செய்ய வேண்டும் . அப்போதுதான் இயல்பான நிலையில் ஃப்ரிஜ் இயங்கத் தொடங்கும் !
---- விகடன் தீபாவளி மலர் 2010 .

புத்திசாலி குழந்தை வேண்டுமா ?

2012-01-06T02:35:00.000-08:00

புத்திசாலி குழந்தை வேண்டுமா ? தாய்ப்பால் நிறைய கொடுங்க !
தாய்ப்பால் கொடுப்பதுதான் குழந்தைகளுக்கு நல்லது என்பதை உணர்த்தும், அருமையான கண்டுபிடிப்பை வெஸ்டர்ன் ஆஸ்திரேலிய பல்கலைக்கழக விஞ்ஞானிகள் தெரிவித்துள்ளனர் . அதாவது தாய்ப்பால் குடித்து வளரும் குழந்தைகள், 10 வயதிலேயே புத்திசாலி குழந்தைகளாக மாறுகின்றனர் என்பதுதான் அந்த ஆய்வு செய்தி . அதிலும் தாய்ப்பால் குடித்து வளர்ந்த பிள்ளைகளில் பெண்குழந்தைகளைவிட ஆண் குழந்தைகள் படிப்பில் படுசுட்டியாக இருக்கிறதாம் . பெண் குழந்தைகளுக்கு, அவர்களுக்கே உரிய ஹார்மோண்கள் சுரப்பதால், அவர்களின் புத்திசாலித்தனம் கொஞ்சம் மந்தமாக உள்ளதாம் . ஆண் குழந்தைகளுக்கு அத்தகைய ஹார்மோன்கள் சுரப்பதில்லை என்பதால், ஆண் குழந்தைகளின் மூளை மிகவும் சிறப்பாக செயல்படுகிறதாம் . இதனால் அவர்கள் படு புத்திசாலித்தனமாக இருப்பதாக அந்த ஆய்வுத்தகவல் தெரிவிக்கிறது . இவ்வளவு தகவலை கொடுத்துள்ள ஆய்வாளர்கள் குழந்தைகளுக்கு எத்தனை மாதம் தாய்ப்பால் கொடுக்க வேண்டும் என்ற தகவலையும் சொல்லாமல் விடவில்லை , குறைந்தது 6 மாதமாவது தொடர்ந்து தாய்ப்பால் கொடுக்க வேண்டும் . ஒரு வருடம் வரை விடாமல் தாய்ப்பால் கொடுத்தால் சிறப்பான பலனை காணலாம் என்று அந்த ஆய்வுத்தகவல் கூறுகிறது .
ஆனால், இன்றைய நாகரிக மங்கைகள் தாய்ப்பால் கொடுத்தால், தனது அழகு குறைந்துவிடும் என்று நினைத்து குழந்தைகளுக்கு புட்டிப்பால் கொடுக்கிறார்கள் . இது தாய், குழந்தை இருவரின் ஆரோக்கியத்துக்கும் கேடு விளைவிக்கும் என்று டாக்டர்கள் எச்சரித்துள்ளனர் .
--- தினமலர் . டிசம்பர் 22 , 2010 .

சாப்பிடாதீங்க ...

2012-01-05T12:07:00.000-08:00

* பசி இல்லாதபோது ...
* உடலுக்கு பொருந்தாத உணவை...
* களைப்பாக இருக்கும்போது...
* வேலை நிறைய இருக்கும்போது...
* கோபமாக உள்ளபோது...
* உடல் நலம் இல்லாதபோது...
* அவசரமாக...
* கெட்டுப் போன பழையதை...
* கண்ட நேரங்கள் / கண்ட இடங்களில்...
* காய்கறி இல்லாமல்...
* மசாலா போட்ட உணவை...
* டால்டா சேர்ந்துள்ளதை ...
* கொழுப்பு கலந்த நெய் ( மாட்டுக் கொழுப்பு ) ...
* மாலை 5.30 லிருந்து 6.30 மணிக்குள்...
* காலையில் சூரிய உதயத்துக்கு முன்பு...
--- ஆர். உஷா , புதுவிளாங்குடி.
--- மங்கையர் மலர் . ஜூலை 2011 .

தெய்வம் !

2012-01-04T03:17:00.000-08:00

தெய்வம் என்ற வார்த்தை, திவ்யம் என்ற சொல்லில் இருந்து பிறந்தது . ' ஒளிமயமானது ' என்று அர்த்தம் . இதனால்தான் தெய்வ தரிசனத்தை திவ்யதரிசனம் என்கிறோம் ; தெய்வத் திருத்தலங்களை திவ்யஷேத்திரம் என்கிறோம் .
' தெய்வீகமானது ' என்பதை ஆங்கிலத்தில் ' டிவைன் ' ( Divine ) என்கிறார்கள் . இந்த வார்த்தை, நமது சமஸ்கிருத மொழியின் ' திவ்ய ' என்ற சொல்லில் இருந்துதான் பிறந்திருக்கிறது . எல்லா மதங்களிலும், ஒளிக்கு பிரதான இடம் அளிக்கப்பட்டுள்ளது . எல்லா மதங்களும், சொர்க்கத்தை ஒளிமயமான இடமாகவும் சித்தரிக்கின்றன .
ஒவ்வொரு மதத்திலும், ' இருளில் இருக்கும் எங்களை ஒளிமயமாக மாற்றுவாயாக ! ' என்ற பிரார்த்த்னை இடம்பெற்றிருக்கிறது . இதன் உட்பொருள் : ' மனிதப்பிறவி எடுத்தவர்கள், தெய்வமாக முன்னேற வேண்டும் ! '.
ஒளி, பஞ்சபூதத்தில் ஒன்றான நெருப்பில் இருந்து பிறக்கிறது . நெருப்பின் விசேஷ தன்மை : இது மட்டுமே, மேல் நோக்கி எழும்பும் ! இதனால்தான் ஒவ்வொரு மதத்திலும் ஒளியேற்றி வழிபடும் பாரம்பரியம் இருந்து வருகிறது . ' மனிதத்தன்மை என்ற கீழ்நிலையில் இருந்து மேல் நோக்கி முன்னேறுங்கள் ' என்பதே ஒளிவழிபாட்டின் உட்பொருள் .
-- பூஜ்யா - தினமலர் . இனைப்பு 23 . 7 . 2011 .

புதுமையான போக்குவரத்து !

2012-01-03T12:03:00.000-08:00

பிரிட்டன் தலைநகர் லண்டன் ஹூத்ரு விமான நிலையத்தில் ஒரு அதிசயமான வாகனத்தைப் பார்க்க முடியும் . தரையிலிருந்து 3, 4 மீட்டர் உயரத்தில் மேம்பாலம்போல இருக்கும் பாதையில் குட்டி வாகனங்கள் மின்னல் வேகத்தில் அங்கும் இங்கும் சென்று கொண்டிருக்கும் . சிறிய கண்ணாடி அறைபோல காட்சியளிக்கும் அந்த வாகனத்தில்4 முதல் 8 பேர் வரை அமர முடியும் . ரப்பர் டிராக்கில் அந்த வாகனங்கள் ஓடுவதால், சத்தம் அறவே இருக்காது . கம்ப்யூட்டர் மூலம் அவை இயக்கப்படுவதால், குறிப்பிட்ட இடங்க்ளில் மட்டுமே நிற்கும் . அந்த இடங்களில் மட்டுமே அந்த வாகனத்தின் கதவுகள் திறக்கும் .
நாள் ஒன்றுக்கு பல ஆயிரம் விமானங்கள் இயக்கப்படும் ஹூத்ரு விமான நிலையத்தில் இந்த வாகனங்களின் சேவை முக்கிய இடத்தைப் பிடிக்கிறது . மேம்பாலத்தில் பயணிப்பதால், போக்குவரத்து நெரிசல் கிடையாது . குறிப்பிட்ட தூரத்தை குறிப்பிட்ட நேரத்தில் கடந்துவிடும் . எளிதாக ஏராளமானோர் பயணம் செய்ய முடியும் .
இந்த பயண முறைக்கு, பி.ஆர்.டி. என்று பெயர் . அதாவது, ' பெர்சனல் ராபிட் டிரான்சிட்' என்று அர்த்தம் . ஏராளமானோர் இல்லாமல், நான்கைந்து பேர்களாக இந்த வாகனங்களில் பயணிக்க முடியும் . இந்த வாகனங்களுக்கு அல்ட்ரா என்று பெயர் . இருபுறமும் ஒரே நேரத்தில் 20, 30 குட்டி அல்ட்ராக்களை இயக்க முடியும் என்பதும், நிறைய பேர் பயணிக்க முடியும் .
இந்தியாவில், அமிர்தசரஸ் நகரில் முதலில் இந்த அல்ட்ரா வாகனங்கள் பயன்படுத்த உள்ளது . நம்ம ஊர்களிலும் விரைவில் இந்த திட்டம் அறிமுகம் ஆகும் காலம் அதிக தூரத்தில் இல்லை என்று நம்புவோம் !
--- தினமலர் . 17 . 7. 2011 .

ஆஹா ...!

2012-01-02T11:58:00.000-08:00

* மார்பில் வலி என்று ஒருவர் கூறினால், அது மாரடைப்பாகக் கூட இருக்க முடியும் . அந்த வலி வந்த முதல் ஒரு மணி நேரத்துக்கு ' கோல்டன் அவர் ' என்று பெயர் . அந்தச் சமயத்தில் வலி இருக்கும் நபரின் நாக்கு அடியில் ' சார்பிட்ரேட் ' மாத்திரையை வைத்து, அவரை குலுக்காமல் கார் ( அ ) டாக்ஸி போன்றவற்றில் வைத்து ( ஆட்டோ கண்டிப்பாக
வேண்டாம் ) அருகிலுள்ள மருத்துவமனைக்குக் கொண்டு சென்றால் மருத்துவர்கள் காப்பாற்ற ஏதுவாக இருக்கும் . அந்த சமயத்தில் குடிக்க, சாப்பிட எதுவும் கொடுக்கக் கூடாது . விரைந்து செயல்படுவதே முக்கியம் . வலி உள்ள நபரின் முன் அழுவது போன்றவற்றைத் தவிர்த்தால் அவரது இரத்த அழுத்தம் எகிறாது .
* குதிகால் வலியால் அவதிப்படுவதைத் தடுக்க, ஒரு பெரியவர் சொன்னது : சாம்பார் வெங்காயச் சாற்றுடன் கடுகு எண்ணெய்யைக் கலந்து வலி உள்ள குதிகாலில் தடவி வெந்நீர் ஒத்தடம் கொடுக்கலாம் .
* பஜ்ஜி பண்ணுவதற்கு மாவு கரைக்கிறீர்களா ? எண்ணெய் காய்ந்தயுடன் அந்த எண்ணெயை ஒரு சின்னக் கரண்டியால் எடுத்து பஜ்ஜி மாவில் விட்டுக் கலந்து பஜ்ஜி தோய்த்துப் போட்டுப் பாருங்கள் . பஜ்ஜி உப்பிக் கொண்டு, நல்ல கலராகவும், மொறுமொறுவென்றும் இருக்கும் .
* தினமும் காலை மாலை வயிற்றுப் பகுதியை, நமது கைகளினால் செல்ஃப் மசாஜ் செய்து வந்தால் தொப்பை குறையும் . இடுப்பு உறுதிபடும் . ரத்த ஓட்டம் அதிகமாகி சருமம் மினுமினுக்கும் .
* மாங்காய்த் தொக்கு செய்ய முதலில் முழு மாங்காயையும் குக்கரில் ஒரு விசில் வைத்து வேகவைத்து , தோலுரித்து, மசித்து எப்போதும்போல் எண்ணெயில் வதக்கித் தொக்கு போட்டால் எண்ணெயும் ஆகாது . ருசியும் அல்வா மாதிரி வரும் !
* பருப்பே வேண்டாம் . அரிசியை நல்ல கைபொறுக்கும் சூட்டில் வறுக்கவும் . எண்ணெயில் எல்லாம் தாளித்து உப்பு சேர்த்து, கொதித்ததும் அரிசியைக் களையாமல் போட்டுப் பொங்கல் செய்யவும் . சூப்பர் டேஸ்ட் !
----மங்கையர் மலர் . ஜூலை 2011 .

ஜனவரி முதல் நாளில்.....

2012-01-01T22:43:00.000-08:00

ஜனவரி முதல் நாளில் நடந்த நிகழ்ச்சிகள் !
1 . 1. 1772 -- பயணிகள் காசோலை லண்டனில் அறிமுகமானது .
1 . 1. 1862 -- மணியார்டர் அனுப்பும் முறை தொடங்கப்பட்டது .
1 . 1 . 1883 -- முதன் முதலாக லண்டனில் தீ அணைக்கும் படை உருவானது .
1 . 1 . 1862 -- கறுப்பு அடிமைகளுக்கு அமெரிக்க அதிபர் லிங்கன் விடுதலை அளித்தார் .
1 . 1 . 1909 -- லண்டனில் முதன் முதலாக வயதானவர்களுக்கு ஓய்வூதியம் அளிக்கப்பட்டது .
1 . 1 . 1923 -- சோவியத் குடியரசு தோன்றியது .
1 . 1 . 1942 -- ஐ. நா. சபை அமைக்கப்பட்டது .
காலணடர் பெயர்க்காரணம் .
காலண்டர் என்ற பெயர் காலணடசு என்ற லத்தீன் மொழியிலிருந்து வந்தது . காலண்டர் என்றால் மாதத்தின் முதல் நள் என்பது பொருள் .
--- எஸ்.விஜயா சீனிவாசன் , திருவெறும்பூர் .
--- தினமலர் இணைப்பு , 1 . 1 . 2012 .

போன் குறியீட்டு எண் .

2012-01-01T04:10:00.000-08:00

போன் குறியீட்டு எண் தரும் தளம் .
தொலை தொடர்பு இணைப்பு என்பது இன்று சொடுக்குப் போடும் விநாடிகளில் ஏற்படுத்தப்படும் ஒரு செயலாக மாறிவிட்டது . எந்த நாட்டிலிருந்தும் எந்த நாட்டிற்கும் தொலைபேசி மூலம் தொடர்பினை மேற்கொண்டு தகவல்களைத் தெரிவிக்கலாம் . ஒவ்வொரு நாடும் தனக்கென ஒரு குறியீட்டு எண்ணைக் கொண்டுள்ளன . இந்தியாவிற்கு 91 என்பது அனைவரும் அறிந்த ஒன்று . ஆனால் அனைத்து நாடுகளின் குறியீட்டு எண்ணை எப்போதும் நினைவில் கொள்ள முடியாதே . இந்த தேவையை நிறைவு செய்திட , இணையத்தில் ஒரு தளம் இயங்குகிறது . http;// www. Simplecountry codes.com. என்ற முகவரியில் உள்ள தளம் , அனைத்து நாடுகளுக்கான தொலைபேசி குறியீட்டு எண்ணைத் தருகிறது . இந்த தளம் சென்று, எந்த நாட்டிற்கு நீங்கள் அழைப்பை ஏற்படுத்த விரும்புகிறீர்கள் ? என்ற கேள்வியுடன் கட்டம் தரப்பட்டு, நாட்டினைத் தேர்ந்தெடுக்க ஒரு நீள் கட்டமும் தரப்படும் . இதில் நாம் தொடர்பு கொள்ள விரும்பும் நாட்டினைத் தேர்ந்தெடுக்கலாம் .
--- தினமலர் , 28 . 6 . 2011 .

அரசுப் பள்ளி பாழல்ல....

2011-12-31T04:05:00.000-08:00

அரசுப் பள்ளி பாழல்ல....அன்னைத் தமிழும் பாழல்ல !
மாட்டுக் கொட்டகை ஒரு வருடம்
கோயில் திண்ணை மறு வருடம்
கோணிப் பையே குடையாக
செருப்பே இல்லா நடைப் பயணம்
என்றே வளர்ந்தது என் கல்வி
முழுதாய்க் கற்றது கோவையில் தான
எல்லாம் அரசுப் பள்ளியில்தான்
இருந்தும் நிலவில் நீர் கண்டேன்
அகிலம் பார்த்து மெச்சியது
எப்படி என்று பலர் கேட்டார்
தாய்மொழிக் கல்வியின் பலனென்று
வாய்மொழி கொண்டு நானுரைத்தேன்
நானிலமெல்லாம் அதைச் சொன்னேன்
அந்தோ இன்று எனதூரில்
அங்கோர் தாயும் மடிந்தாளே
அவளது மகனைப் பள்ளியிலே
ஆங்கிலக் கல்வியில் கற்பிக்க
அவளது ஏழ்மை துரத்தியதால்
தீயில் கருகி செத்தாளாம்
சேதியைக் கேட்டு நான் நொந்தேன் .
ஏழ்மை என்பது பணத்தாலா ?
அறியா மனதின் நிலையாலா ?
அரசுப் பள்ளி பாழல்ல
அன்னைத் தமிழும் பாழல்ல
அறியா மனமே பாழென்பேன்
இதை
அனைவரும் உணரும் வகையாக
விகடன் வழியாக
வீடுகள் தோறும் சேர்த்திடுவோம்
இனியொரு தாய் வேகும் முன்னே
அறியா நிலையைத் தீயிட்டழிப்போம் !
--- கவிதை : மயில்சாமி அண்ணாதுரை ,
--- ஆனந்த விகடன் , 8 . 6 . 2011 .

மருந்து கம்பெனிகள் !

2011-12-30T04:56:00.000-08:00

ஒரு புதிய மருந்து சந்தையை வந்தடைய சராசரியாக ரூ .3,600 கோடி வரை செலவாகிறது . இந்த ஆராய்ச்சியில் மிக முக்கியமான கட்டம், மனிதர்கள் மீதான பரிசோதனை . புதிதாக உருவாக்கப்படும் மருந்து மனிதர்கள் மீது எத்தகைய பாதிப்புகளை ஏற்படுத்துகிறது என்று சோதிக்கவேண்டும் .
வளர்ந்த நாடுகளில், இந்த பரிசோதனைகளை மேற்கொள்வதற்குக் கடுமையான சட்ட திட்டங்கள் உண்டு . தவிர, நோயாளிகளின் பாதுபாப்புக்கான செலவும் அதிகம் . மூன்றாம் உலக நாடுகளில் இந்தச் சோதனைகளை நடத்தும்போது, செலவில் 60 சதவிகிதம் வரை குறையும் . மேலும், ஏழை மக்களின் அறியாமை, எளிதில் வளையக்கூடிய சட்ட விதிகள், அரசின் கண்காணிப்பு இன்மை ஆகியவற்றின் காரணமாக மூன்றாம் உலக நாடுகளில் இந்தப் பரிசோதனையை நடத்த ஆரம்பித்தன மருந்து கம்பெனிகள் .
இந்தப் பரிசோதனைகள் பெரும்பாலும் நோயாளிகளின் ஏழ்மையையும் அறியாமையையும் பயன்படுத்தி, அவர்களை ஏமாற்றியே மேற்கொள்ளப்படுகின்றன . இந்தப் பரிசோதனைகள் தொடர்பான விதிகள் இந்தியாவில் மாநிலத்துக்கு மாநிலம், நோயாளிகளுக்கு நோயாளி மாறுபடுகின்றன . இதனால், மருந்து நிறுவனங்களால் சட்டத்தில் இருந்து எளிதாகத் தப்ப முடிகிறது . ஆந்திர மாநிலம், கம்மம் மாவட்டத்தில் கருப்பை வாய் புற்று நோய் எதிர்ப்பு மருந்துப் பரிசோதனையின் ஒரு கட்டமாக மேற்கொள்ளப்பட்ட மருந்து ஆராய்ச்சியில், 14 ஆயிரம் சிறுமிகள் ஈடுபடுத்தப்பட்டனர் . அந்தச் சிறுமிகளில் பெரும்பான்மையினர் பழ்ங்குடியினர் . அவர்களுக்கோ, அவர்களுடைய பெற்றோருக்கோ இப்படி ஒரு பரிசோதனை மேற்கொள்ளப்படுவதே தெரியாது . இந்தக் குழந்தைகளில் 6 குழந்தைகள் உயிர் இழந்ததைத் தொடர்ந்து, இந்த விஷயம் வெளிச்சத்துக்கு வந்தது .
நாட்டின் மிக உயர்ந்த மருத்துவ நிறுவனமாகக் கருதப்படும் அகில இந்திய மருத்துவ விஞ்ஞானக் கழகத்தில் ( எய்ம்ஸ் ) இப்படி நடத்தப்பட்ட மருத்துவப் பரிசோதனைகளில் 49 குழந்தைகள் உயிர் இழந்தது கடந்த ஆண்டு தெரியவந்தது . சோதனைக்கு உள்ளாக்கப்பட்ட 4,142 குழந்தைகளில் 2,728 குழந்தைகள் ஒரு வயதுக்கும் உட்பட்டவர்கள் .
புதிய மருந்துகளைக் கண்டுபிடிக்க இந்தியா உள்ளிட்ட மூன்றாம் உலக நாடுகளைச் சேர்ந்த குழந்தைகள் மீது மருந்துப் பரிசோதனைகள் நடத்த அனுமதி அளித்துள்ளது அமெரிக்க அரசு . இனி, இந்தியாவில் உள்ள குழந்தைகள் மீதான மருந்துப் பரிசோதனைகளில் முழு அளவில் பன்னாட்டு மருந்து நிறுவனங்கள் களம் இறங்கப்போகின்றன என்பதே இதன் நேரடியான பொருள் !
எத்தகைய அற உனர்வு நம்முடைய ஆராய்ச்சியாளர்களையும், ஆட்சியாளர்களையும் வழி நடத்துகிறது !
--- சமஸ் , ஆனந்த விகடன் . 29 . 6 . 2011 .

ஈஸி பெருக்கல் 50 .

2011-12-29T04:52:00.000-08:00

மூன்று இலக்க எண்களை 50 -ஆல் பெருக்க ஈஸியான வழி :
* பெருக்க வேண்டிய எண் ஒற்றைப்படை எண் என்று வைத்துக்கொள்ளுங்கள் . உதாரணம் : 323 .
1 . இதை 2 -ஆல் வகுக்க வேண்டும் . 323 வகுத்தல் 2 = 161 ; மீதி 1 .
2 . மீதியை விட்டுவிட்டு, வகுத்து வரும் விடையுடன் 50 -ஐ சேருங்கள் . அதுதான் விடை ! 323 பெருக்கல் 50 = 16150 .
* பெருக்க வேண்டிய எண் இரட்டைப்படை எண் என்று வைத்துக்கொள்ளுங்கள் . உதாரணம் ; 128 .
1 .இதை 2 - ஆல் வகுக்க வேண்டும் . 128 வகுத்தல் 2 = 64 .
2 . இப்படி வகுத்து வரும் விடையுடன் இரண்டு பூஜ்யங்களைச் சேருங்கள் = 6400 . அதுதான் விடை ! 128 பெருக்கல் 50 = 6400 .
---தினமலர் இணைப்பு , 10 . 6 . 2011 .

டயாலிசிஸ் ?

2011-12-28T04:50:00.000-08:00

கிட்னி ஃபெயிலியரில் அக்யூட், கிரானிக்கில் என்று இரண்டு வகை . இதில் முதல் வகையை மருந்துகள் மூலம் கட்டுப்படுத்தி, குணப்படுத்தி விட முடியும் . குறிப்பிட்ட காலத்திற்கு டயாலிசிஸ் செய்தால் போதும் . ஆனால் கிரானிக்கில் அப்படி அல்ல . குணப்படுத்த முடியாது . மாறாக வாழ்நாள் முழுவதும் டயாலிசிஸ் சிகிச்சையை தொடரவேண்டும் .
உடலில் இருக்கும் ரத்தத்தை சுத்தப்படுத்த்ம் வேலையை கனக்கச்சிதமாகச் செய்வது கிட்னிதான் . அடிவயிற்றின் ஆழத்தில் அவரை விதைகள் போல் இருக்கும் இந்த உறுப்புகள் செயலிழந்து போக நிறைய காரணங்கள் உண்டு . அப்போது செயற்கையாக ரத்தத்தை சுத்திகரிக்கச் செய்யப்படுவதுதான் ' டயாலிசிஸ் '. சுருக்கமாக ' கிட்னி' யின் வேலையை, இயந்திரம் செய்வதுதான் டயாலிசிஸ் .
டயாலிசிஸ் இரண்டு வகை . ஒன்று... ' பெரிடோனியல் டயாலிசிஸ் '. சுருக்கமாக ( பி.டி . ) ' ஹீமோ டயாலிசிஸ் ' மற்றொன்று .
முதல் வகையில் வயிற்றுக்குள் இருக்கும் ஒருவித சவ்வினை ( மெம்ப்ரேன் ) பயன்படுத்துவார்கள் . அதன்படி, ரத்தத்தை செறிவு குறைந்த திரவ நிலையில் வெளியே எடுத்து, சவ்வூடு பரவல் முறையில் ( ஆஸ்மாசிஸ் ) சுத்தம் செய்து திருப்பி உள்ளே அனுப்புவார்கள் .
இரண்டாவது வகை சற்று சிரமமானது . அதன்படி, நோயாளியின் உடலிலிருந்து குழாய் மூலம் ரத்தத்தை முழுவதும் ( 5 லிட்டர் ) வேகமாக வெளியே எடுப்பார்கள் . பின்னர் அதே வேகத்தில் உடலுக்குள் செலுத்துவார்கள் .
இந்த இரண்டு முறைகளில் சிகிச்சை அளிக்கும்போது நோயாளி சற்று துவண்டு போவது உண்டு . ஆனால் அதனைச் சமாளிக்க மருந்துகளும் நடைமுறையில் இருக்கு .
--- எஸ். அன்வர் , குமுதம் 15 . 6 .2011 .

கம்ப்யூட்டரில்...

2011-12-27T04:45:00.000-08:00

ரூபாய், காசு புள்ளியுடன் எழுத .
எக்சல் ஒர்க் ஷீட்டில் கரன்சியான ரூபாய் எவ்வளவு என்று குறிப்பிடுகையில் சரியாகக் கணக்கிடும் வகையில் பைசாவையும் சேர்த்துக் குறிப்பிடுவொம் . ஆனால் ஒவ்வொரு முறையும் ரூபாய்க்கும் காசுக்கும் இடையே புள்ளி அமைப்பது சற்று சிரமமாக இருக்கும் . இதனை எக்சல் புரோகிராமே அமைக்கும்படி செட்செய்திடலாம் .
உதாரனமாக, நீங்கள் பண மதிப்பைக் குறிப்பிடுகையில் ரூபாய் காசு இணைந்த எண்ணை புள்ளி இடாமல் முதலில் அமைக்கவும் . உதாரணமாக 11245, 2345, 5693, 236798 என அமைப்பதாக வைத்துக்கொள்வோம் . நீங்கள் கீழ்காணும் முறையில் அமைத்துவிட்டால் இந்த எண்கள் 112.45, 23.45, 56.93, 2367.98 என அமைக்கப்படும் . நீங்கள் செட் செய்திட வேண்டிய முறை :
1 . Tools மெனு கிளிக் செய்து அதில் Options பிரிவைத் தேர்ந்தெடுக்கவும் .
2 . இனி கிடைக்கும் Options என்னும் பல டேப்கள் அடங்கிய விண்டோவில் Edit என்னும் டேபில் கிளிக் செய்திடவும் . இதில் Fixed decimal என்னும் பிரிவில் செக் செய்திடவும் . இப்போது Places என்னும் இடத்தின் முன்னால் 2 என அமைத்திடவும் . பின் ஓகே கிளிக் செய்து விண்டோவை மூடவும் . இனி நீங்கள் அமைத்திடும் எண்களின் இறுதி இரண்டு இலக்கங்களுக்கு முன்னால் புள்ளி தானே அமைக்கப்படும் . இந்த செயல்பாடு தேவையில்லை என்றால் Fixed decimal என்னும் பிரிவின் முன் உள்ள டிக் அடையாளத்தை எடுத்து விடவும் .
--- தினமலர் , 21 . 6. 2011 .

ஓவனில் ஒரு சிக்கல் .

2011-12-26T04:07:00.000-08:00

சமையலை விரைவுபடுத்தும் என்றாலும் மைக்ரோவேவ் ஓவனில் ஒரு ஆபத்தான சிக்கல் உண்டு . மைக்ரோஓவனைப் பயன்படுத்தி சமைக்கும் போது பிளாஸ்டிக் பாத்திரத்தை பயன்படுத்தக் கூடாது . அவ்வாறு செய்தால் பிளாஸ்டிக் பொருளை தயாரிக்க பயன்படுத்தப்படும் டையாக்சின் வெளியாகும் . அவை கேன்சர் நோயை உண்டாக்கும் .
தீர்வு : மைக்ரோவேவ் ஓவனில் கண்ணாடி அல்லது செராமிக் பொருட்களைத்தான் பயன்படுத்த வேண்டும் . ப்ரிட்ஜில் பிளாஸ்டிக் பாட்டில்களில் தண்ணீர் நிரப்பி வைக்கக் கூடாது . அதிக குளிர்ச்சியிலும் டையாக்சின் வெளியாகும் .
--- ராஜி வெங்கடேஷ் .
--- தினமலர் இணைப்பு , 18 . 6 . 2011 .

தெரியுமா ? தெரியுமே !

2011-12-25T03:57:00.000-08:00

பாலைவனம் !
' எந்த இடத்தில் ஒரு சில சிறப்புத் தாவரங்களைத் தவிர பொதுவான தாவரங்கள் வளர முடியாத வகையில் ஈரப்பதம் மிகக் குறைவாக இருக்கிறதோ, அந்த இடம்தான் பாலவனம் ' -- இதுதான், ' பாலைவனம் ' என்ற வார்த்தைக்கான அறிவியல் வரையறை . இந்த வரையறைப்படி, குளிர்நிறைந்த ஆர்க்டிக் துருவப்பகுதியும் பாலைவனம்தான் !
டி.பி. நோய் !
" Mycobacterium tuberculosis என்னும் பாக்டீரியா உடலில் இருந்தால்தான், பரிசோதனையில் டி.பி. பாசிட்டிவ் என்று ரிசல்ட் காண்பிக்கும் . உடலில் நோய் எதிர்ப்புச் சக்தி குறைவாக இருப்பவர்களுக்கு டி.பி. தொற்றிக்கொள்ளும் வாய்ப்பு அதிகம் "
பேப்பர் கப் !
அமெரிக்காவின் பாஸ்டன் பகுதியைச் சேர்ந்த லாரன்ஸ் லுலன் என்ற வழக்கறிஞர்தான் 1907 -ல் ஆண்டில் பேப்பர் கப்களைக் கண்டுபிடித்தார் . " ஒரே கப்பைப் பலரும் பயன்படுத்தும்போது கிருமி தொற்று பாதிப்பு ஏற்பட வாய்ப்பு உண்டு . அதைத் தடுக்கவே இதைக் கண்டுபிடித்தேன் " என்று குறிப்பிட்ட அவர், தனது கண்டுபிடிப்புக்கு ' ஹெல்த் கப் ' என்று பெயர் சூட்டினார் .
கொலாஜ் ஓவியம் !
காகிதங்கள் அல்லது மரத்துண்டுகளை வெட்டி ஒட்டி உருவாக்கப்படும் ஓவியத்தைத்தான் கொலாஜ் ஓவியம் என்கிறார்கள் . கொலே என்ற பிரெஞ்சு வார்த்தைக்கு ' பசை ' என்று அர்த்தம் . காகிதத் துண்டு அல்லது மரத்துண்டுகளை பசையால் ஒட்டி உருவாக்கும் ஓவியம் என்பதால்தான் ' கொலாஜ் ' என்ற பெயர் வந்தது .
பாப்கார்ன் !
சோளத்தில் இருந்துதான் சோளப்பொரி ( பாப்கார்ன் ) தயாரிக்கப்படுகிறது . சோளத்தைக் கவனியுங்கள் . அதன் மத்தியில் ஈரப்பதமும், அதைச் சுற்றிலும் கடினமான மாவுச்சத்தும் இருக்கிறது . சோளப்பொரியைத் தயாரிக்க, சோளத்தைச் சூடாக்குவார்கள் . அப்போது, அதன் மத்தியில் உள்ள ஈரப்பதம் விரைவில் வெப்பமடையும் . இதனால் உருவாகும் நீராவி, கடினமான மாவுச்சத்து பகுதியில் ஊடுருவி வெளியேறும் . இதன் விளைவாக, கடினமான மாவுச்சத்து வெந்து மென்மையாக மாறும் . நீராவி வளைந்து நெளிந்து வெளியேறும் என்பதால், அதற்கு ஏற்றபடி மாவுச்சத்து பகுதியும் வளைந்து நெளியும் . இந்த செயல்பாடுதான், சோளப்பொரியை பூ போல் விரிய வைக்கிறது .
யானை !
யானையின் பற்கள் விசித்திரமானவை . பிறந்த யானைக்குட்டிக்கு நான்கு பற்கள் இருக்கும் . அவை பலமிழந்து விழுந்ததும் மீண்டும் நான்கு பற்கள் முளைக்கும் . இப்படி யானையின் ஆயுளில் அதிகபட்சமாக 7 முறை பற்கள் முளைக்கும் . அதாவது, ஒரு யானையின் ஆயுளில் அதற்கு மொத்தம் 28 பற்கள் இருக்க வாய்ப்பு உண்டு . சராசரியாக, ஒரு பல்லின் எடை 4 கிலோ அளவில் இருக்கும் !
----தினமலர் பல இணைப்புகளிலிருந்து .

' சந்தேகக் கோடு '

2011-12-24T03:52:00.000-08:00

சந்தோஷம் எப்போது வரும் ?
பயம் இல்லாத வேளையில் !
பயம் எப்போது இல்லாமல் போகும் ?
சந்தேகம் இல்லாத வேளையில் !
சந்தேகம் எப்போது இல்லாமல் போகும் ?
ஒளிவு மறைவு இல்லாத வெளிப்படைத் தன்மை இருக்கும் வேளையில் !
இதனால்தான்
' சந்தேகக் கோடு சந்தோஷக் கேடு ' என்கிறார்கள் !
--- தினமலர் இணைப்பு . 18 . 6 . 2011 .

ஈஸி 101 பெருக்கல் !

2011-12-23T03:50:00.000-08:00

இரண்டு மற்றும் மூன்று இலக்க எண்களை 101 -ஆல் பெருக்கும் ஈஸி டெக்னிக் .
இரண்டு இலக்க எண்ணை 101 -ஆல் பெருக்குவது ரொம்ப ரொம்ப ஈஸி . வேறு எதுவும் செய்ய வேண்டாம் . அந்த இரண்டு இலக்க எண்ணை ஒருமுறை அதன் அருகில் எழுதிவிட்டால் போதும் !
உதாரணம் : 15 x 101 = 1515 ; 30 x 30 = 3030 ; 47 x 47 = 4747 .
மூன்று இலக்க எண்ணை 101 -ஆல் பெருக்கும் ஈஸி டெக்னிக் இதோ :
456 ஐ 101 ஆல் பெருக்க வேண்டும் ...
முதலில், 456 -ன் கடைசி இரு இலக்கங்களை அப்படியே எழுதுங்கள் ; 56 . இதை ' அ ' என்று குறித்துக் கொள்ளுங்கள்.
பின்னர், 456 லிருந்து முதல் இலக்க எண்ணுடன் 456 ஐ கூட்டுங்கள் . : 4 + 456 = 460 . இதை ' ஆ ' என்று குறித்துக் கொள்ளுங்கள் .
456 x 101 = B A ! அதாவது , 456 x 101 = 46056 .
இன்னொரு உதாரணம் : 338 x 101 = ?
அ = 38.
ஆ = 3 + 338 = 341 .
338 + 101 = ஆ அ = 34138 .
--- தினமலர் இணைப்பு , 27 . 5 . 2011 .

விமானம் !

2011-12-22T03:46:00.000-08:00

தேங்காய் எண்ணெயில் ஓடும் விமானம் !
உலகளவில், முன்னணி விமான நிறுவனமான ' வெர்ஜின் அட்லாண்டிக் ' நிறுவனம், தேங்காய் எண்ணெயை எரிபொருளாகக் கொண்டு விமானத்தை இயக்கி உள்ளது . பெட்ரோல், டீசல் விலை அதிகரித்து வரும் நிலையில், மாற்று எரிபொருளாக, பயோ எரி பொருளை பயன்படுத்துவது குறித்து ஆய்வு நடந்து வருகிறது . இதற்கான முயற்சியில், வெர்ஜின் அட்லாண்டிக் நிறுவனம் பல ஆண்டுகளாக ஈடுபட்டுள்ளது .
இதன் ஒரு கட்டமாக தேங்காய் எண்ணை மற்றும் தென் அமெரிக்காவில் அமேசான் காடுகளில் விளையும் ஒரு வகை பனை மரத்தின் கொட்டைகளில் இருந்து எடுக்கப்படும் பாபாசூ எண்ணையில் இருந்து உருவாக்கப்பட்ட புதிய எரிபொருளை, இந்நிறுவனம் பயன்படுத்தியது .
லண்டனில் உள்ள ஹீத்ரு விமான நிலையத்தில் இருந்து, நெதர்லாந்தில் உள்ள ஆம்ஸ்டர்டாம் விமான நிலையம் வரை, இந்த எரிபொருளை கொண்டு, போயிங் ரக ஜெட் விமானம் இயக்கப்பட்டது .
இந்த சோதனை ஓட்டம் வெற்றி பெற்றிருக்கிறது . விமானத்தில் நான்கு எரிபொருள் டாங்குகள் உள்ளன . அதில் ஒன்றில், புதிய எரிபொருள் நிரப்பப்பட்டு இருந்தது . இந்த விமானத்தில், பயணிகள் பயணம் செய்யவில்லை . பைலட்டுகளும், தொழில்நுட்ப நிபுணர்களும் மட்டுமே பயணம் செய்தனர் .
--- தினமலர் இணைப்பு , 29 . 1 . 2011 .

ஷாஜகான் எழுதிய கடிதம் !

2011-12-21T03:04:00.000-08:00

பதவி ஆசையால், பெற்ற தந்தை என்றும் பாராமல் முகலாயச் சக்கரவர்த்தி ஷாஜகானை சிறையில் அடைத்து தண்ணீர் கூட தராமல் கொடுமைப்படுத்தினான் ஔரங்கசீப் . அது குறித்து ஔரங்கசீப்புக்கு கடிதம் எழுதினார் ஷாஜகான் . அதில், ' ஔரங்கசீப்.... இந்துக்கள் சம்பிரதாயத்தில், தந்தை இறந்துவிட்டால், அவருடைய மகன் எள்ளையும், தண்ணீரையும் வழங்கி இறந்த தன் தந்தையின் ஆன்மாவுடைய பசியைத் தீர்ப்பான் . ஆனால், நீ உயிருடன் இருக்கும் எனக்கு தண்ணீர் கூட தர மறுத்து தவிக்க விட்டுள்ளாய் ' என்று வருத்தத்துடன் குறிப்பிட்டிருந்தார் .
--- தினமலர் இணைப்பு , 29 . 1 . 2011 .
ஒரு புதிர் !
ஆங்கிலத்தில் 5 என்ற எண்ணுக்கு நடுவில் 4 ம் எண்ணை எப்படி எழுதுவீர்கள் ?
---
விடை : F I V E . 15 . 6. 11 .
----

---

ஆணா, பெண்ணா ?

2011-12-20T02:59:00.000-08:00

செத்துப் போனவரோட மண்டை ஓட்டைப் பார்த்தே அவர் ஆணா, பெண்ணானு கண்டுபிடிக்க முடியும் !
ஆண்களின் கண் குழிவு முழுமையா, வட்டமா இருக்கும் . பெண்களோட கண் குழிவு முழு வட்டமா இருக்காது . தவிர, பெண்களோட மண்டை ஓடு சின்னதாக இருக்கும் . அதேசமயம், அவங்களோட இடுப்பு எலும்பு பகுதி பெரிசா இருக்கும் . இதையெல்லாம் கணக்கெடுத்தாலே ஒரு குறிப்பிட்ட மண்டை ஓடு ஆணுடையதா, பெண்ணுடையதானு தீர்மானிக்கலாம் .
சின்ன பசங்களோட குரல் வளர்ந்த உடனே மாறிடுதே அது ஏன் ?
குழந்தையா இருக்கும்போது நம்மளோட குரல்வளை சின்னதா இருக்கு . குரல்வளையில காத்து படும்போது, அதுல அதிர்வுகள் உண்டாகுது . அந்த அதிர்வுகள்தான் ஒலி அலைகளை ஏற்படுத்துது நாம் வளரும்போது குரல்வளைகளும் நீளமாகுது . சின்ன குரல்வளையில் காத்து சுலபமா நுழைஞ்சு வெளிவே வந்துடும் . ஆனா, நீளமான குரல்வளையால ஒலி எழுப்பணும்னா காற்றினுடைய அழுத்தத்தை அதிகமா குடுக்க வேண்டியிருக்கும் . அதனால அதிர்வுகளும் கொஞ்சம் அதிகமாகத்தான் இருக்கும் . பெண்களோட குரல்வளை நீளம்விட, ஆண்களோட குரல்வளை நீளம் அதிகம் . அதனாலதான் குரல்ல அவ்வளவு வித்தியாசம் இருக்கு .
--- தஞ்சம்மா... குஞ்சம்மா ! தொடரில் , ஜி. எஸ். எஸ் . .
---- அவள் விகடன் , டிசம்பர் 21 , 2007 .

அப்படியா சங்கதி .

2011-12-19T05:49:00.000-08:00

பப்பாளி
வீட்டில் ஒரு பப்பாளி மரமிருந்தால் நல்ல வைத்தியர் ஒருவர் வீட்டில் இருக்கிறார் என்று அர்த்தம் .
வைட்டமின் ஏ சத்து அதிகம் உள்ள பழம் பப்பாளி . தினமும் பப்பாளி பழம் உண்டால் கண் பார்வை தெளிவடையும் . மலச்சிக்கல் தீரும் . இப்பழத்தின் பெப்லின் என்ற திரவப் பொருள் உள்ளது . இதற்கு மலச்சிக்கலைப் போக்கும் தன்மை உள்ளது .
மூல நோய்
முடக்கத்தான் வேரை ஒரு கைப்பிடி எடுத்து, நன்றாகக் கழுவி, சிறிது சிறிதாக நறுக்கி ஒரு மண் சட்டியில் இட்டு சிறிது நீர்விட்டு சுண்டக் காய்ச்சி சுத்தமான துணியில் வடிகட்டி, காலை, மாலை என இருவேளை சாப்பிட்டு வந்தால் மூல நோயின் தாக்கம் குறையும் .
புழுவெட்டு நீங்க
சிலருக்கு தலையில் புழுவெட்டு காரணமாக தலைமுடி உதிர்ந்து போகும் . இவர்கள் செம்பருத்திப் பூவின் மொட்டை எடுத்து நன்கு மைபோல் அரைத்து புழுவெட்டு உள்ள பகுதிகளில் தொடர்ந்து பூசி வந்தால், புழுவெட்டு மறையும் . முடி உதிர்தல் நீங்கி, தலைமுடி அடர்த்தியாக வளரும் .
தூக்கம்
தூக்கம் வராமல் தவிப்பவர்களுக்கு ஆரஞ்சு பழத்தைப் பிழிந்து சாறெடுத்து சிறிது தேன் கலந்து தூங்கப்போவதற்கு அரை மணி நேரத்திற்கு முன் தினமும் கொடுத்து வந்தால் தூக்கம் நன்றாக வரும் .
பேன் தொல்லை
படுக்கும் போது தலையணையில் கருந்துளசி பரப்பி படுத்தால் பேன்கள் உதிர்ந்துவிடும் . கருந்துளசி இலையை காயவைத்து புகையிட்டு தலையைக் காட்டினாலும் பேன்கள் உதிர்ந்து விடும் .
--- ஹெல்த் சாய்ஸ் , மருத்துவ மாத இதழ் . ஏப்ரல் 2011 .
--- இதழ் உதவி : K.S .மாதவன் , நெற்குன்றம் . சென்னை 107

துணிகளில் ரத்தக் கறை !

2011-12-18T05:47:00.000-08:00

துணிகளில் படிந்துவிட்ட ரத்தக் கறையைப் போக்குவதற்கு ஏதாவது கெமிக்கல் இருக்கிறதா ?
' ரத்தக்கறை படிந்த துணியை முதலில் தண்ணீரில் நனைத்து ஈரமாக்கி, பின் நன்றாக பிழிந்துகொள்ளவும் . அதன்பின் கறை படிந்த புள்ளிகளில், இடங்களில் மட்டும் படும்படி ஹைட் ரஜன் பெர் ஆக்ஸைடு கரைசலை ஒரு சிறிய பிரஷ்ஷால் தொட்டு வைக்கவும் . வைத்த சிறிது நேரத்தில் அந்தக் கரைசல் நுரைக்கத் தொடங்கும் . அது நன்றாக நுரைத்தபின் அந்த இடத்தை பிரஷ் செய்து சுத்தமாக தண்ணீர்விட்டு அலசவும் . அப்பொழுதும் லேசாக ரத்தக்கறை தென்பட்டால் அது முற்றிலும் போகும்வரை ஹைட்ரஜன் பெர் ஆக்ஸைடு கரைசலால் அந்த இடத்தை மீண்டும் மீண்டும் சுத்தம் செய்யலாம் . எல்லாம் முடிந்தவுடன் கடைசியாக அந்த ஹைட்ரஜன் பெர் ஆக்ஸைடு கரைசல் துணியில் எங்கும் ஒட்டியிருக்காத அளவிற்கு நன்கு துவைத்து உலர்த்தி பயன்படுத்தவேண்டும் ."
வைரம் !
" பூமிக்கு அடியில் இருக்கும் கார்பன் படிமங்கள்தான் வைரமாக உருவாகிறது . கரியாக இருந்து வைரமாக மாறுவதற்கு குறைந்தபட்சம் 990,000,000 வருடங்கள் ஆகும் . இது குறைந்த பட்சம் . இதற்கு மேலும் ஆகலாம் . வைரங்களில் இளஞ்சிவப்பு, மஞ்சள், நீல நிறத்தில் உள்ள வைரங்கள் கொஞ்சம் காஸ்ட்லியானவை . அபூர்வமானவை .
செயற்கை வைரங்கள் கிரிஸ்டல், கிளாஸ் உட்பட பல்வேறு பொருட்களில் இருந்து உருவாக்கப்படுகிறது . செயற்கை வைரங்களில் கியூபிக் ஜிர்கோனியா மொஸானைட் என இரண்டுவித வைரங்கள் ஒரிஜினல் வைரங்கள் போலவே தோற்றமளிக்கும் . அதைப் பாகுபடுத்தி பார்ப்பது சிறிது கடினம்தான் ."
--- தகவல் தமயந்தி , குமுதம் . 14 . 4 . 2010 .

கனக்கு ஐக்யூ !

2011-12-17T05:30:00.000-08:00

8 x 473 = 3784 .
9 x 351 = 3159 .
15 x 93 = 1395 .
21 x 87 = 1287 .
27 x 81 = 2187 .
35 x 41 = 1435 .
இந்த பெருக்கல் சமன்பாடுகளில் ஒரு விசித்திர ஒற்றுமை இருக்கிறது ! அதாவது, பெருக்கப்படும் எண்களில் உள்ள எண்கள்தான் விடையிலும் உள்ளன !
--- .தினமலர் இணைப்பு . 25 . 3 . 2011 .

அப்படியா சங்கதி .

2011-12-16T05:27:00.000-08:00

நெய்யும் தயிரும் ஏன் ?
உணவு உண்ணும் ஆரம்பத்தில் பருப்புடன் நெய் சேர்த்து உண்பதால் துவரம் பருப்பின் உஷ்ணம், பழைய மலபந்தம், வாததோஷம் ஆகியவை நீங்கும் . ஞாபக சக்தி அதிகரிக்கும் . மேனிக்கு வனப்பும் கண்ணுக்கு ஒளியும் உண்டாகும் . உணவின் முடிவில் தயிரும் உப்பும் சேர்த்து சாப்பிட்டால் உண்ட உணவு நன்கு ஜீரணமாகும் .மலச்சிக்கல்
மலச்சிக்கல் வராமல் தடுக்கும் ஆசனங்கள் .
சர்வாங்காசனம், சிவலிங்காசனம், ஹலாசனம், ஏசபாத ஆசனம், பாத ஹஸ்தாசனம், யோக முத்ரா, நாடிசுத்தி .
வாய்ப்புண் குணமாக .
மனத்தக்காளி இலையைச் சுத்தம் செய்து வாயில் பொட்டு மென்று அதன் சாறை சிறிது நேரம் வாயில் ஊறவைத்து பின்னர் அதனை உமிழ்ந்துவிட வேண்டும் . இவ்வாறு ஒரு நாளைக்கு இரண்டு வேளை செய்தால் வாய்ப்புண் ஆறும் .
சுவையும் முக்குற்றமும் .
புளிப்பும் துவர்ப்பும் அதிகரித்தால் வாதம் அதிகரிக்கும் .
உப்பும் கசப்பும் அதிகரித்தால் பித்தம் அதிகரிக்கும் .
காரமும் இனிப்பும் அதிகரித்தால் கபம் அதிகரிக்கும் .
--- ஹெல்த் சாய்ஸ் , மருத்துவ மாத இதழ் . மே 2011 .
--- இதழ் உதவி : K.S .மாதவன் , நெற்குன்றம் . சென்னை 107 .

கத்தரிக்காய் !

2011-12-15T05:23:00.000-08:00

பி. டி . கத்தரிக்காய் !
பி. டி . கத்தரிக்காய் என்பது, மரபணு மாற்ற முறையில் தயாரிக்கப்பட்ட கத்தரிக்காய் .
பேசில்லஸ் துரின்சீன்ஸிஸ் என்பதின் சுருக்கம்தான் ' பி.டி ' . இந்த ' பி.டி ' பாக்டீரியாவின் மரபணுவை கத்தரி செடியின் மரபணுவில் இணைத்து ' பி. டி' கத்தரிக்காயை உருவாக்குகின்றனர் .
--- .தினமலர் இணைப்பு . 25 . 3 . 2011 .

இனிக்கும் கணக்கு !

2011-12-14T05:21:00.000-08:00

முதல் இலக்கம் ' 1 ' ஆக உள்ள இரு இரட்டை இலக்க எண்களை ஈஸியாகப் பெருக்கும் சூப்பர் பெருக்கல் டெக்னிக் .கீழே உள்ள இரு உதாரணங்களையும் நன்கு கவனித்து பயிற்சி செய்தால் நல்லது .
* உதாரணம் : 1 : 11 x 13 .
1 . கடைசி இரு இலக்கங்களைப் பெருக்குங்கள் : 1 x 3 = 3 . இதுதான் விடையின் கடைசி இலக்கம் .
2 . கடைசி இரு இலக்கங்களைக் கூட்டுங்கள் : 1 + 3 = 4 . இதுதான் விடையின் நடு இலக்கம் .
3 . பிறகு இந்த இரு இலக்கங்களுக்கு முன் ' 1' சேர்த்தால் விடை வந்துவிடும் . = 143 .
* உதாரணம் 2 : 12 x 18 .
1 . கடைசி இரு இலக்கங்களைப் பெருக்குங்கள் : 2 x 8 = 16 . இதன் கடைசி இலக்கம்தான் 12 x 18 -ன் விடையில் கடைசி இலக்கம் = 6 ; எஞ்சியுள்ள எண்ணை ( 1 ) அப்படியே வைத்துக்கொள்ளவும் .
2 . கடைசி இரு இலக்கங்களைக் கூட்டுங்கள் : 2 + 8 = 10 .இதோடு முன்னர் எஞ்சியுள்ள 1 - ஐ கூட்டவும் = 11 ; இதில் உள்ள கடைசி எண் ' 1 ' தான் 12 x 18 -ன் விடையின் நடு இலக்கம் = 1 ; எஞ்சியுள்ள எண்ணை ( 1 ) அப்படியே வைத்துக்கொள்ளவும் .
3 . முன்னர் எஞ்சியுள்ள எண் ( 1 ) உடன் ' 1 ' கூட்டினால், அதுதான் 12 x 18 - ன் விடையில் முதல் எண் ; அதாவது 1 + 1 = 2. எனவே, 12 x 18 = 216 .
---தினமலர் இணைப்பு . 25 . 3 . 2011 .

தொப்பை குறைக்கும் செல்போன் !

2011-12-13T03:07:00.000-08:00

ஜப்பானில் அதிரடி .
பேசுவதில் இருந்து சினிமா பார்ப்பது வரை பல வசதிகளை தரும் செல்போன்கள் அடுத்து உடலை ஸ்மார்ட் ஆக வைத்துக்கொள்ளவும் உதவப்போகின்றன . புதுமை படைப்புகளை உருவாக்கி வரும் ஜப்பானியர்கள்தான் இந்த அதிசயத்துக்கும் காரணம் . சாப்பிட உள்ள உணவு பதார்த்தங்களை இந்த செல்போனில் படம் பிடிக்க வேண்டும் .அதில் எவ்வளவு கலோரி இருக்கிறது என்பதை செல்போன் உடனடியாக காட்டிவிடும் . இதை வைத்து எதை, எவ்வளவு சாப்பிடலாம் என்பதை நாம் முடிவு செய்துகொள்ளலாம் . வரைமுறை இல்லாமல் வயிறு முட்ட சாப்பிட்டு தொப்பை விழுந்து அவஸ்தைப்படுபவர்களுக்கு இந்த செல்போன் ஒரு வரப்பிரசாதம் . ஜப்பானின் பிரபல தொலைத் தொடர்பு நிறுவனமான என் டிடி கம்யூனிகேஷன்ஸ் நிறுவனம் இந்த மாயாஜால போனை உருவாக்கியுள்ளது .

தாராள மனது !

2011-12-12T02:41:00.000-08:00

நார்வேகாரர் ஒருவர் விபத்தில் சிக்கினார் . அருகில் இருந்த நம்மூர்க்காரர் அவரை ஆஸ்பத்திரியில் சேர்த்து, ரத்தமும் கொடுத்து காப்பாற்றினார் . பிழைத்து எழுந்துவந்த நார்வேகாரர், நம்மூர்க்காரருக்கு ரோல்ஸ்ராய்ஸ் கார் ஒன்றைப் பரிசளித்தார் . துரதிருஷ்டம் பாருங்கள், ஆறு மாதம் கழித்து நார்வே மறுபடியும் விபத்தில் மாட்டியது . அதே நம்மூர் ஆசாமி மறுபடியும் காப்பாற்றினார் . ஆஸ்பத்திரியில் சேர்த்தார் . உயிர் பிழைத்து வந்த நார்வேகாரர், நம்மூருக்கு நன்றி சொல்லி அரை கிலோ திருநெல்வேலி அல்வா கொடுத்தாராம் .நம்மூர்க்காரர் ஏமாற்றமாகப் பார்க்க, நார்வே சொன்னதாம், 'ங்கொய்யால .... உன் ரத்தம்தான் எனக்குள்ள ஓடுது ! '
--- நாட்டாமை பதில்கள் . தினகரன் , இணைப்பு . 14 . 11 . 10 .

மூளை சுறுசுறுப்பாக இருக்க .

2011-12-11T03:05:00.000-08:00

மூளை சுறுசுறுப்பாக இருக்க மீன் எண்ணெய் சாப்பிடுங்க !.
மாரடைப்பு, பக்கவாதம் ஏற்படுவதற்கு மூளையில் ஏற்படும் பாதிப்பே காரணம் . மூளை பாதிக்கப்படுவதால் உடல் உறுப்புகள் செயல் இழக்கின்றன . இந்த பிரச்னைக்கு தீர்வு சொல்லியிருக்கிறார் லூசியானா பலகலைக்கழக டாக்டர் நிக்கோலஸ் பசான் . மூளை பாதிக்கப்பட்டு பக்கவாதம் ஏற்பட்ட 5 மணி நேரத்துக்குள், நோயாளிக்கு மீன் எண்ணெய் கொடுத்தால் நிவாரணம் கிடைக்கும் என்கிறார் டாக்டர் நிக்கோலஸ் .
மீன் எண்ணெயில் இருக்கும் டோகோசாக் ஷாயினிக் அமிலம் என்ற வேதிப்பொருள்தான் மூளையை சேதத்தில் இருந்து பாதுகாக்க உதவுகிறதாம் . பக்கவாதம் ஏற்பட்ட 5 மணி நேரத்துக்குள் மீன் எண்ணெய் கொடுத்தால் உடனடி நிவாரணம் கிடைக்கும் என்றும், 5 மணி நேரம் கழித்து மீன் எண்ணெய் சாப்பிட்டால் தாமதமாகத்தான் நிவாரணம் கிடைக்கும் என்றும் ஆய்வு முடிவு தெரிவிக்கிறது .
மீன் எண்ணெய்யில் இருக்கும் நல்ல கொழுப்பு அமிலமான ஒமேகா 3, என்ற பொருளும் இதயத்தையும் மூளையையும் பாதுகாக்க உதவுகிறதாம் . குறிப்பாக ஒமேகா 3 அதிகம் சாப்பிட்டால் இதயபாதிப்பு மிகவும் குறையும் என்றும் ஆய்வுத்தகவல் சொல்கிறது .
--- தினமலர் .. நவம்பர் 12 .2010 .

வலி மாத்திரை வேண்டாம் .

2011-12-10T02:47:00.000-08:00

கர்ப்பிணிகளே உஷார்.... வலி மாத்திரை வேண்டாம் !
வலி நிவாரண மாத்திரைகளை கர்ப்பிணிப் பெண்கள் அதிகம் சாப்பிட்டால், அது அவர்கள் வயிற்றில் இருக்கும் ஆண் குழந்தைக்கு மலட்டுத்தன்மையை ஏற்படுத்தும் என்று லண்டனை சேர்ந்த ஒரு ஆய்வு நிறுவனம் ஆதாரத்துடன் அதிர்ச்சித் தகவலை வெளியிடுள்ளது .
உலகில் உள்ள கர்ப்பிணி பெண்களில் 50 சதவிகிதம் பேர் ' பெயின்கில்லர் '. என்று சொல்லப்படும் வலி நிவாரண மாத்திரைகளை எடுத்துக்கொள்வதாக அந்த ஆய்வு தெரிவிக்கிறது .வலி நிவாரண மாத்திரைகளை எடுத்துக்கொண்டால், அது தாயின் கருவில் இருக்கும் ஆண் குழந்தையின் இனப்பெருக்க உறுப்பை செயல் இழக்கச் செய்துவிடுகிறதாம் . அதாவது அந்த ஆண் குழந்தை வாலிபனாகும்போது, விந்தணு உற்பத்தி குறைந்துவிடுமாம் . அதுபோல டெஸ்டிக்கிள் புற்றுநோய் ஏற்படவும் வலி நிவாரண மாத்திரைகள் காரணமாகிவிடுகின்றன என்றும் அந்த ஆய்வு எச்சரிக்கிறது .
ஒரு கர்ப்பிணி தனது கர்ப்ப காலத்தில் ஒன்றுக்கு மேற்பட்ட வலி நிவாரண மாத்திரைகளை எடுத்துக் கொண்டால் பாதிப்பு 7 மடங்காக அதிகரிக்குமாம் . 4 முதல் 6 மாதம் வரையிலான கர்ப்பக் காலத்தில்தான் மிக மோசமான பாதிப்பை ஏற்படுத்துமாம் . அதாவது இந்த காலக்கட்டத்தில் ஒரு வலி நிவாரண மாத்திரையை சாப்பிட்டால், அது 2 மாத்திரை சாப்பிட்டதற்கான பின்விளைவுகளை ஏற்படுத்துமாம் .
அதிலும் பாரசிட்டமால் மருந்து 2 மடங்கும், புருபென், ஆஸ்பிரின் போன்றவை 4 மடங்கும், பாதிப்பை ஏற்படுத்தும் என்று அந்த ஆய்வுத்தகவல் மேலும் எச்சரிக்கிறது . இதனால்தான் பெரும்பாலான டாக்டர்கள், கர்ப்பிணிகள் யாரும் வலி நிவாரண மாத்திரை சாப்பிடக்கூடாது என்று எச்சரிக்கிறார்கள் .
--- தினமலர் .. நவம்பர் 11 .2010 .

என்ன சத்தம் இந்த நேரம் ?

2011-12-09T02:32:00.000-08:00

இரவுகளில் காடு எப்படி இருக்கும் ?
பூமியின் நிலப்பரப்பில் வெறும் ஆறு சதவிகிதமே காடுகள் இருக்கின்றன . இந்த ஆறு சதவிகித இடத்தில்தான் உலகின் பெரும்பாலான ஜீவராசிகள் உயிர் வாழ்கின்றன . இவை நள்ளிரவில் ' குட் நைட் ' சொல்லிப் படுத்துவிடும் என்று நினைத்தால், அது தவறு . பூச்சிகள், மிருகங்கள், பறவைகள் இரவு நேரத்தில்தான் பெரும்பாலும் பேசிக்கொள்ளும் . பேசுவது என்றால் பக்கத்தில் இருக்கும் விலங்கிடம் ரகசியம் பேசுவது அல்ல . இருட்டில் இணை எங்கே இருக்கிறது என்றே தெரியாது . அதனால், ' செல்லம் எங்கேடா இருக்க ? ' என்ற கேள்வியை இரவு முழுக்க ஒலிபரப்பிக்கொண்டே இருக்கும் .
தென் அமெரிக்காவில் காணப்படும் ஒரு வகை குரங்குகள் எழுப்பும் காதல் ஒலி ஐந்து கி.மீ. தூரத்துக்கு கேட்கும் .
காங்கோ காடுகளில் காணப்படும் ஒரு வகை வௌவால்களின் தொண்டையே பரிணாம வளர்ச்சியால் மார்புவரை நீண்டுவிட்டது . அந்தளவுக்கு அந்த வௌவால்கள் பரம்பரை சவுண்ட் பார்ட்டிகளாக உள்ளன .
சிங்கம், புலி, சிறுத்தை போன்றவற்றின் இணைகள் தொலைதூரத்தில் எங்கேயோ இருக்கும் இணையை அழைக்க அவைகள் காடே அதிர்கிற மாதிரி கர்ஜிக்கும் . சிங்கம் கூப்பிட, பெண் சிங்கம் பதில் சொல்ல... நடுவில் எங்காவது நீங்கள் இருந்தால் குலை நடுங்கிவிடும்.
ஆப்பிரிக்க யானைகள் எழுப்பும் ஒலி, அடர்ந்த காடுகளைக் கிழித்துக்கொண்டு பல கி.மீ. தூரம் தாண்டியும் கேட்கும் . தன் இனை நடந்து வருகிற அதிர்வைவைத்து, எவ்வளவு தூரத்தில் இணை உள்ளது என்பதைக் கண்டுபிடித்துவிடும் அளவுக்கு யானைகள் கில்லாடிகள் .
சிம்பன்சி குரங்குகள் கால்களால் பூமியைத் தட்டி காதலிகளுக்கு மெசேஜ் அனுப்பும் .
ஒரே நேரத்தில் இப்படி ஓராயிரம் ஒலிபரப்புகள் நடக்கும்போது, அமைதியான உயிரினங்கள் எப்படி தகவல் அனுப்பமுடியும் ? ஒரு சில விலங்குகள் தங்கள் உடலின் வாசனையையே தூது அனுப்பும் . புனுகுப் பூனை, கஸ்தூரி மான் துவங்கி பட்டாம்பூச்சிகள் வரை சில உயிரினங்கள் வாசனையை வைத்துத்தான் வம்சத்தை வளர்க்கின்றன . சிப்பாய் எறும்புகள் என்று சொல்லப்படும் கண் பார்வை இல்லாத எறும்புகள் நூல் பிடித்த மாதிரி ஒன்றையொன்று பின்பற்றி, வரிசையாகச் செல்லும் . வழிநடத்துவது வாசனைதான் . இரவுகளை இரைச்சல் ஆக்குவதில் முக்கியப் பங்கு தவளைகளுக்கு உண்டு . தவளைகளின் குரலைவைத்தே அந்தத் தவளையின் வயது, அளவு எல்லாவற்றையும் இணை தவளைகள் கண்டுபிடித்துவிடும் . பிடித்திருந்தால் விரும்பிப்போகும் . இல்லையென்றால் விலகிப்போகும் !
--- பி.ஆரோக்கியவேல் . காடு விகடன் இணைப்பு . 27 . 1 . 10 .

தமாஷ் !

2011-12-08T02:27:00.000-08:00

தமாஷ் !
* ' ரவுடிக்கு வீடு வாடகைக்கு விட்டது ரொம்பத் தப்பாப்போச்சு ! '
' ஏன், என்னாச்சு ? '
' வாடகை கேட்டேன், ' காலி ' பண்ணிடுவேன்னு மிரட்டறான் ! '

சதவீத சவால் !

2011-12-08T02:25:00.000-08:00

' 110 ' - ஐ இரண்டு பகுதியாகப் பிரிக்க வேண்டும் . அதில் ஒரு எண்ணை விட அடுத்த எண் 150 சதவீதம் அதிகமாக இருக்க வேண்டும் ... எப்படி பிரிப்பது ? யோசித்து விடை
கண்டுபிடிங்க .
விடை : 44, 66 என்று பிரிக்க வேண்டும் . 66 என்பது 44 ஐ விட 150 சதவீதம் அதிகமான எண் !
--- தினமலர் . நவம்பர் 12 , 2010 .

இருட்டிலும் பார்க்க முடியும் !

2011-12-07T02:22:00.000-08:00

நமது கருவிழியில் ' ப்யூபில் ' என்ற சிறு துவாரம் உள்ளது . வெளிப்புற வெளிச்சத்துக்கு ஏற்றபடி இந்த துவாரம் பெரிதாகவோ, சிறியதாகவோ மாறும் . அதிக வெளிச்சம் இருந்தால், இந்த துவாரம் மிகமிகச் சிறிய அளவில் சுருங்கிவிடும் . இதனால்தான், அதிக வெளிச்சத்தில் நமக்கு கண் 'கூசும் '.
மங்கல் ஒளி, இருட்டு போன்ற குறைவான வெளிச்சத்தின் போது, இந்த துவாரம் பெரிதாக விரியும் . சாதாரண வேளையில் ப்யூபில் துவாரம் இருக்கும் அளவைவிட, இருட்டு வேளையில் அதன் அளவு 16 மடங்கு பெரிதாக மாறும் . இப்படி விரிவடைந்த துவாரத்தின் வழியாக சில காட்சிகள் கண்ணுக்குள் நுழையும் . இதனால்தான் இருட்டிலும் நம்மால் கொஞ்சம் பார்க்க முடிகிறது .
இருட்டிலும் அதிக வெளிச்சத்திலும் கண்விழித்துப் பார்ப்பது பார்வையைப் பாதிக்கும் . எனவே இந்த இரண்டையும் தவிர்க்க வேண்டும் .
--- தினமலர் . நவம்பர் 12 , 2010 .

தெரியுமா ? தெரியுமே !

2011-12-06T02:19:00.000-08:00

* 50 ஆண்டுகள் வளர்ந்த ஒரு மரம் ஆண்டு ஒன்றுக்கு 5.5 லட்ச ரூபாய் மதிப்புள்ள ஆக்ஸிஜனை வெளியிடுகிறது . 10 லட்ச ரூபாய் மதிப்புக்கூணவைத் தருகிறது . உலகில் மிக அதிகக் காலம் வாழக்கூடிய உயிரினம் மரம்தான் . ஸ்வீடனில் இருக்கும் ஊசியிலை மரத்தின் வயது 9,550 ஆண்டுகளுக்கும் அதிகம் .
* ஜப்பானில் 10 ஆயிரம் வருடங்களுக்கு முன்பு வரை சைபீரிய பனிப் பிரதேசங்களில் வாழ்ந்த கம்பள யானையின் ( Woolly Mammoth ) மரபணுவைச் சேகரித்து, அதை உயிரோடு உள்ள ஆப்பிரிக்க யானைக்குச் செலுத்தி மீண்டும் கம்பள ஆனையை உருவாக்கும் முயற்சிகள் நடக்கின்றன !
* கிரேக்கத்தில் உள்ள லெஸ்வாஸ் தீவில் உள்ள கல் காடு தான் உலகின் மிகப் பெரிய கல் காடு, கிட்டத்தட்ட 150 சதுர கி.மீ. பரப்பளவு உள்ள காட்டுப் பகுதி இங்கு கல் காடாக மாறியிருக்கிறது .
* மின்னல், எரிமலை, பாறைச் சரிவால் ஏற்படும் உராய்வுகள், சிறு தீப்பொறிகள் இவைகள் காட்டுத் தீ உருவாக முக்கிய காரணங்களாம் .
* காட்டுத் தீ அருகில் பரவும் முன்னே அந்தப் பகுதியின் காற்று 800 டிகிரி செல்சியஸ் வரை வெப்பமாகிவிடும் .
* காட்டுத் தீயின் வேகம் மணிக்கு 10 கி.மீ. என்றாலும் புல்வெளிகளில் 22 கி.மீ. வரை சீறும் .
* காட்டுத் தீயைக் கட்டுப்படுத்த, அது பரவும் திசைக்கு எதிர்த் திசையில் தீ வைப்பதுதான் தீர்வு .
* 2030 -ம் ஆண்டுக்குள் அமேசான் காடுகளில் கிட்டத்தட்ட 55 சதவிகிதம் காட்டுத் தீயினால் அழிந்துவிடும் வாய்ப்பு இருக்கிறதாம் .
* ஜப்பானில் குப்பைகளுக்குப் பஞ்சமே இல்லை . மொத்தக் குப்பைகளையும் கடலில் கொட்டி செயற்கைத் தீவு ஒன்றை உருவாக்கி, அதில் மண்னைக்கொட்டி மரம் வளர்ப்பது என்பதுதான் திட்டம் . இதனால், குப்பைகளும் காலியாகும்; சுற்றுச்சூழலும் பாதிக்கபடாது . காடும் வளர்க்கலாம்; கார்பனையும் கட்டுப்படுத்தலாம் .
* காடுகள் நோய் தீர்க்கும் ஓர் அற்புத மருத்துவன் . இப்போது நாம் பயன்படுத்தும் மருந்துகளை அளித்தது எல்லாமே தாவரங்கள்தான்
* காடுகள்தான் நீரின் ஆதாரம் . ஆனால், ஆச்சர்யமாக நீருக்கு அடியிலும் காடுகள் இருக்கின்றன . இரண்டு வகை நீர்க் காடுகள் இருக்கின்றன . முதல் வகை அலையாத்தி காடுகள்
இது பெரும்பாலும் கடல் நீருக்கு அருகில் மட்டுமே வளரும் . இரண்டாவது வகை கெல்ப் காடுகள் . கடலுக்கு அடியில் வளர்ந்திருக்கும் பூஞ்சை வகைச் செடிகள் இவை .
* உலகின் மிகப் பெரிய அலையாத்தி காடுகள் பிரேசிலில் ( 26 ஆயிரம் சதுர கி.மீ. பரப்பளவு ) இருக்கிறது . இரண்டாவது இடம் நமது பிச்சாவரம் காடு ..
--- காடு விகடன் இணைப்பு . 27 . 1 . 10 ..

இசையும் வழிபாடும் !

2011-12-05T03:20:00.000-08:00

உற்சவங்களில் ஒவ்வொரு அம்சத்திற்கும் ஒரு குறிப்பிட்ட இசையைத்தான் வாசிக்க வேண்டும் என்று ஆகமங்கள் கூறுகின்றன ....
* உதய காலம் : பூபாளம், பவுளி, கோபிகா வசந்தம் .
* காலை நேரம் : பிலஹரி, கேதாரம், ஆரபி, தன்யாசி.
* நடுப்பகல் : ஸ்ரீராகம், சாவேரி, மத்யமாவதி, மணிரங்கு, மோஹனம் .
* சந்தியா காலம் : சங்கராபரணம், கல்யாணி, நாட்டைக்குறிஞ்சி, பூர்விக கல்யாணி .
* இரவு : காம்போதி, தோடி, பைரவி, நீலாம்பரி .
* தீபாராதனை வேளை : மிஸ்ர மல்லாரி, தேவாரம், திருப்புகழ், அஷ்டபதி, திருப்பாவை .
* யாகசாலை வரை : மல்லாரி .
* யாகசாலை முதல் கோபுர வாசல் வரை : திரிபுடை மல்லாரி .
* கோவிலுக்குள் : துரிதகால திரிபுடை மல்லாரி .
* நிவேதன வேளை : தாளிகை மல்லாரி .
* கும்பம் எழுந்தருளல் செய்யும் போது : தீர்த்த மல்லாரி .
* ஸ்வாமி வீதியுலா வேளை : ராகம், தானம், பல்லவியுடன் கீர்த்தனைகள் .
* பள்ளியறைக்கு எழுந்தருளும் வேளை : ஆனந்த பைரவி, கேதாரகௌளை .
* பள்ளியறைக்கு சேர்த்தபின் : நீலாம்பரி .
---- தினமலர் . நவம்பர் 11 .2010 .

ஆலய வாத்தியங்கள் ..

2011-12-04T03:17:00.000-08:00

ஆலய வாத்தியங்கள் பஞ்சபூத அடிப்படையில் ஆனவைதான் :
1 . ப்ருதிவி ( நிலம் ) வாத்யம் : மரத்தினால் செய்யப்பட்டவை .
2 . அப்பு ( நீர் ) வாத்யம் : உலோகத்தினால் செய்யப்பட்டவை .
3 . வாயு வாத்யம் : துளை உள்ள வாத்யங்கள் .
4 . ஆகாய வாத்யம் : சங்கநாதம், தாள வாத்யம் .
5 . அக்னி வாத்யம் : நரம்பு வாத்யங்கள் .
--- தினமலர் . நவம்பர் 11 .2010 .

அமேசான் காடுகள் .

2011-12-03T03:15:00.000-08:00

உலகில் உள்ள காடுகளிலேயே மிகப் பெரியது அமேசான் காடுகள்தான் . அடர்த்தியானதும் இவைதான் . அமேசான் என்ற வார்த்தைக்கு, ' திடகாத்திரமான, உயரமான பெண் ' என்று ஓர் அர்த்தம் இருப்பதால், அமேசான் நதியை ' நதிகளின் ராணி ' ( 4,000 மைல்கள் நீளம் ) என்று அழைக்கிறார்கள் . நதியைச் சூழ்ந்திருக்கும் காடு, சந்தேகமே இல்லாமல் ராஜாதானே ?
பிரேசில், கொலம்பியா, வெனிசுலா உள்ளிட்ட எட்டு நாடுகளை எல்லைகளாகக் கொண்ட அமேசான் காடு, 25 லட்சம் சதுர மைல்கள் பரப்பளவுகொண்டது . பூமிப் பந்தின் மொத்த பிராண வாயுவில் 20 சதவிகிதம் இங்குதான் உற்பத்தியாகிறது . உலகப் பறவை இனங்களில் மூன்றில் ஒரு பங்கு இங்குதான் இருக்கின்றன . உலகில் உள்ள ஒரு கோடிக்கும் மேலான உயிரினங்களில் ( தாவரம், விலங்கு, பூச்சி ) அமேசான் காடுகளில் மட்டுமே 50 லட்சத்துக்கும் மேல் உண்டு . 2,500 வகை மீன்கள், 1,500 வகைப் பறவைகள், 1,800 வகை வண்ணத்துப்பூச்சிகள், 200 விதமான கொசுக்கள் இந்த காடுகளில் உள்ளன .
அமேசான் காடுகளை நான்கு தளங்களாகப் பிரிக்கலாம் . மேல் தளத்தில் கழுகு, பருந்து போன்ற பறவைகளும், அடுத்தத்தளத்தில் குரங்கு போன்ற உயிரினங்களும், மூன்றாவது தளத்தில் பூச்சிகள், ஊர்வன போன்ற விலங்குகளும் வாழ்கின்றன . தரைப் பகுதி பயங்கர காட்டு விலங்குகளுக்கானது . ( அனகோண்டா இருப்பது இந்தக் காடுகளில்தான் ).
இந்தக் காடு மற்றும் நதியின் ஆயுள் கிட்டத்தட்ட 5.5 கோடி வருடங்கள் . அமேசான் நதி 1,100 துணை ஆறுகளை தன்னோடு இணைத்துக்கொண்டு, பிறக்கும் இடத்தில் இருந்து சுமார் 6.712 கி.மீ. கடந்து வந்து கடலில் கலக்கிறது . இங்கு இருக்கும் 90 சதவிகிதத்துக்கும் மேற்பட்ட தாவரங்களை இன்னமும் தாவரவியல் வல்லுனர்களே படித்தது இல்லை என்பது ஒன்றே அமேசானின் பிரமாண்டத்தை உணர்த்தும் !
--- பா.முருகானந்தம், தீபக், அ.ஆதித்தியன் . காடு விகடன் இணைப்பு . 27 . 1 . 10 .

மன உளைச்சலா...

2011-12-02T04:40:00.000-08:00

மன உளைச்சலா முக மசாஜ் போதும் !
இங்கிலாந்து நாட்டு மனோதத்துவ நிபுணர்கள், மன உளைச்சல் பற்றி தீவிரமாக ஆராய்ச்சி செய்தனர் . மன உளைச்சலுக்கு மாத்திரை போடாமல் தீர்வு காணும் சிகிச்சை முறையை கண்டுபிடித்துள்ளனர் . இதற்கு " பேசியல் ரெப்ளக்சாலஜி " என்று பெயர் சூட்டி உள்ளனர் . இது வேறு ஒன்றும் இல்லை . முகத்தில் லேசாக மசாஜ் செய்வதுதான் .
மன உளைச்சலுக்கு ஆளானவர்களின் முகத்தில் கன்னம், தாடை, நெற்றியில் பட்டுத்துணியால் ஒற்றி எடுப்பது போல மெதுவாக குத்தியும் அழுத்தி தடவியும் மசாஜ் செய்வதுதான் பேசியல் ரெப்ளக்சாலஜி .
சீனாவின் அக்குபஞ்சர் முறையை பின்பற்றி இந்த சிகிச்சை அளிக்கப்படுகிறது . உடலின் அத்தனை உறுப்புகளின் நரம்புகளும் முகம் வழியாகத்தான் மூளைக்கு செல்கின்றன . எனவே இந்த நரம்புகளை தூண்டும் வகையில் இதமாக மசாஜ் செய்தால், மன உளைச்சல் போயே போய்விடும் . அழுத்தம் குறைந்து மனசு லேசாகிவிடும் . தூக்கம் கெட்டு அவதிப்படுபவர்கள் நன்றாக தூங்கமுடியும் என்று கூறுகின்றனர் ஆராய்ச்சியாளர்கள் .
--- தினமலர் 10 . 11 . 10 .

ஒபாமா .

2011-12-01T04:36:00.000-08:00

' We Can ' என்ற ஒற்றை ஸ்லோகன் மூலம் அமெரிக்க ஜனாதிபதி பதவியை எட்டிப்பிடித்தவர் பராக் உசேன் ஒபாமா ! மிகப் பெரிய பொருளாதாரப் பின்னடைவில் அமெரிக்கா சிக்கித் தவித்த வேளையில் பொறுப்பேற்றுக்கொண்ட முதல் கறுப்பின அதிபர் . பூ மழை தூவி வசந்தங்கள் வாழத்த பதவிக்கு வந்தவர் . அதன் பிறகு எதிர்கொண்டது அனைத்தும் கண்டனங்களும் ஆவேசக் கோபதாபங்களும்தான் !
* அமெரிக்கா ஹவாய் மாகாணத்தின் ஹோனோலுலுவில் 1961 - ம் ஆண்டு ஆகஸ்ட் 4 - ம் தேதி பிறந்தார் . கென்யாவின் ஸ்வாஹிலி மொழியில் ' பராக் ' என்றால் ஆசிர்வதிக்கப்பட்டவன் என்று பொருள் !
* ஒபாமாவின் அப்பா ஒபாமா சீனியர் ஆண்டன் ஹாமை இரண்டாவதாகத் திருமணம் செய்து கொண்டார் . திருமணத்தின்போதே ஒபாமா மூன்று மாதக் குழந்தையாக ஆன் வயிற்றில் இருந்தார் !
* ஒபாமா, அவரது பெற்றோருக்கு ஒரே மகன்தான் . ஆனால், தந்தை மற்றும் தாயின் மறுமணங்களால் இவருக்கு எட்டு சகோதர, சகோதரிகள் உண்டு !
* இடது கைப் பழக்கம்கொண்ட ஒபாமா, தினமும் உடற்பயிற்சி செய்வார் . கிறிஸ்துமஸ் தினத்தன்று மட்டும்தான் உடற்பயிற்சிக்கு ஓய்வு !
* சிகாகோ சட்டப் பல்கலைக்கழகத்தில் தொடர்ந்து 12 ஆண்டுகள் ' சிறந்த பேராசிரியர் ' ஆகத் தேர்ந்தெடுக்கப்பட்ட பெருமைக்கு உரியவர் !
* சிகாகோ சட்டப் பல்கலைக்கழகத்தில் பயிற்சிபெற்றபோது அறிமுகமான மிஷேலைக் காதலித்துத் திருமணம் செய்துகொண்டார் . மலியா, சஷா என்று இரண்டு குழந்தைகள் !
* மகாத்மா காந்தி, மார்ட்டின் லூதர் கிங் ஜூனியர், சீசர் சாவேஸ் ( விவசாயிகளின் நலனுக்காகப் போராடிய மெக்சிக்கோ அமெரிக்கன் ) ஆகிய மூவரும்தான் தன் ரோல்மாடல் ஹீரோக்கள் என்று குறிப்பிடுவார் .
* " இங்கே கறுப்பு அமெரிக்கா, வெள்ளை அமெரிக்கா, ஆசிய அமெரிக்கா, கிறிஸ்துவ அமெரிக்கா என்றெல்லாம் எதுவும் இல்லை . இங்கே இருப்பது எல்லாம் யுனைடெட் ஸ்டேட்ஸ் ஆஃப் அமெரிக்காதான் ! " என்று தாய்நாட்டை உயர்த்திப் பிடிக்கும் பேச்சுக்களால் கைதட்டல்களை அள்ளி வாக்குகளைக் கவர்ந்தவர் ஒபாமா !
* ' அதிபர் தேர்தலில் ஒபாமா வெற்றி ' என்று செய்தி வெளியானவுடன், இன்ப அதிர்ச்சி தாங்க முடியாத லட்சக்கணக்கான ஆஃப்ரோ -- அமெரிக்கர்கள் வீதிகளில் வாய்விட்டு அழுத காட்சிகள் அப்போது டி.ஆர்.பி ஹிட் சென்சேஷன் !
* ஒபாமா அதிபராகப் பதவியேற்றபோது, வாஷிங்டனில் 2.4 டிகிரி செல்சியஸ் குளிரையும் மீறி, 20 லட்சம் பேர் திரண்டார்கள் . கிளிண்டன் இரண்டாவது முறை பதவியேற்றபோது, 50 ஆயிரம் பேர் நேரில் கூடியதே அதுவரையிலான சாதனை !
* 2009 -ம் ஆண்டு அமைதிக்கான நோபல் பரிசு ஒபாமாவுக்கு வழங்கப்பட்டது . " அந்தப் பரிசுக்கு ஒபாமா தகுதியானவரா என்பது ஒருபுறம் இருக்கட்டும் ... இந்தப் பரிசை அளித்ததன் மூலம் அமெரிக்கர்களைத் தர்ம சங்கடத்தில் ஆழ்த்திவிட்டது நோபல் கமிட்டி . பதவி ஏற்ற ஒன்பதே மாதங்களில் அவருக்கு அளிகப்பட்ட இந்த அங்கீகாரம் மிகவும் பிரமாண்டமானது ! " என தலையங்கம் எழுதியது அமெரிக்காவின் மனசாட்சியான ' தி லாஸ் ஏஞ்சல்ஸ் டைம்ஸ் ' பத்திரிகை !
* உலகமே எதிர்பார்த்தபடி அதிபராகப் பதவியேற்றவுடன் ஒபாமாவால் அற்புதங்களை நிகழ்த்த்த முடியவில்லை . ' அமெரிக்காவின் இன்றைய அரசியல் நிலையும், யதார்த்த சூழ் நிலையும் ஒபாமாவின் கனவுகளை இப்போதைக்குச் சாத்தியப்படுத்தாது ! ' என்கிறார்கள் அமெரிக்க அரசியல் விமர்சகர்கள் !
---சார்லஸ் . ஆனந்த விகடன் , 10 . 11 . 10 .

ஓவர் ஈட்டிங்

2011-11-30T00:28:00.000-08:00

சமீபத்தில் உலகம் முழுவதும் நடத்தப்பட்ட கணக்கெடுப்பு ஒன்று, 97 சதவிகித பெண்கள் மற்றும் 68 சதவிகித ஆண்கள் உணவுப் பொருட்களுக்கு அடிமையாகி இருப்பதாகத் தெரிவிக்கிறது . அதில் கூறப்பட்டிருக்கும் ஒரு முக்கியச் செய்தி, உடற்பயிற்சி செய்வது அதீத உணவுப் பழக்கத்துக்கு அடிமையாவதைத் தவிர்க்கும் என்கிறது !
* இனிப்புகளை அதிகம் விரும்புவராக இருந்தால், இனிப்பு சாப்பிட வேண்டும் என்ற எண்ணம் ஏற்படுகிறபோது 15 நிமிடங்கள் வெளியே காலார நடமாடுங்கள், அது உங்கள் எண்ணத்தை மாற்றும் !
* ஐஸ்க்ரீம், ரோட்டோர பானி பூரி வகையறாக்கள் உண்ணும் எண்ணங்களைத் தவிர்க்க ... குறுக்கெழுத்துப் புதிர்கள், சுடோகு ஆகியவற்றை முயற்சித்துப் பார்க்கலாம் !
* படிக்கும்போது ' டிடிங்...டிடிங் ' என்று குறுஞ்செய்திகள் வந்தால், கவனம் சிதறத்தான் செய்யும் . அப்போது மெசேஜ் டோனை சைலன்ட் மோட் - ல் வைக்கவும் !
--- ந. வினோத்குமார் , ஆனந்த விகடன் , 10 . 11 . 10 .

மடியில் கனமிருந்தால்...

2011-11-29T00:26:00.000-08:00

லேப்டாப், கம்ப்யூட்டரால் ஆண்கள் மலடாவதாக தகவல் வந்திருக்கிறது .
மடிக்கணினி என்கிறார்கள் தமிழில் . கால்களை ஒட்டி வைத்து லேப்டாப்பை இயக்கும்போது விரைகள் சூடாகி விந்து உற்பத்தி குறைகிறது என கண்டறிந்துள்ளனர் அவை உடலுக்கு வெளியே அமைந்திருப்பதே கூலாக இருக்க வேண்டும் என்பதற்காகத்தான் . உடல் உஷ்ணத்தின் ஏற்ற இறக்கம் அவற்றை பாதிக்காமல் இருந்தால் உயிரணு உற்பத்தி சீராக நடக்கும் .
ஒரு டிகிரி செல்சியஸ் வெப்பம் வரை ஒன்றும் ஆகாது . அதற்கு மேல் சூடானால் பிரச்னை . 15 நிமிடத்தில் ஒரு டிகிரியை தாண்டிவிடுகிறது . பொதுவாக நமது ஊர் அதிகபட்ச வெப்பம் 30+ செல்சியஸ் . லேப்டாப் இயக்கினால் ஒரு மணி நேரத்தில் விரைப்பகுதியின் வெப்பம் இரண்டரை டிகிரி செல்சியஸ் ஆகிறதாம் . 15 நிமிடத்தில் ஒரு டிகிரியை தாண்டிவிடும் . மடியில் ஒரு பலகை வைத்து இயக்குபவர்கள் உண்டு . சற்று பெரிதாக இருந்தால் கால்களை விரித்து அமரலாம் . ஆனால், இதெல்லாம் பாதிப்பை தடுக்க முடியாது என்று லேட்டஸ்ட் ஆராய்ச்சியில் நிரூபணமாகி உள்ளது . பலகை இருந்தால் தொடையில் சூடு தெரியாது . அவ்வளவுதான் .
'1980களில் ஒரு மில்லி லிட்டர் விந்தில் 7 கோடி உயிரணுக்கள் இருந்தால் அவர் ஆரோக்கியமான ஆண் என்கிறார்கள் . இன்று 2 கோடி இருந்தால் நார்மல் என்கின்றனர் இன்னும் 30 ஆண்டுகள் போனால் ஒரு லிட்டரில் 100 அணுக்கள் இருப்பதே நார்மலாகிவிடும் போலிருக்கிறது ' என்கிறார் ஒரு டாக்டர் .
என்னதான் தீர்வு ? லேப்டாப்பை டெஸ்க்டாப்பாக பயன்படுத்துவதுதான் .
--- தினகரன் தலையங்கம் , நவம்பர் 7 , 2010 . ஞாயிற்றுக்கிழமை

உறுப்பு மாற்று அறுவை சிகிச்சை !

2011-11-28T00:17:00.000-08:00

தெரிந்து கொள்ள வேண்டிய துளிகள் .
* மூளைக்கு ரத்தம் செல்வது 2 நிமிடம் தடைபட்டால் மூளை செயலிழந்துவிடும் . மூளை செயலிழந்து விட்டால் மற்ற உறுப்புகள் நல்ல நிலையில் இருந்தாலும் அந்த நபர் உயிர் பிழைக்க வாய்ப்பில்லை . இது போன்று மூளை செயலிழந்துவிட்ட நோயாளிகளிடம் இருந்து உறுப்புகளை எடுத்து பாதிக்கப்பட்ட நோயாளிக்கு பொருத்துவதே உறுப்பு மாற்று
அறுவை சிகிச்சையாகும் .
* இதயம், இதய வால்வு, கல்லீரல், நுரையீரல், சிறுநீரகம், கண்கள், கருவிழி, தோல், எலும்பு ஆகிய உறுப்புகள் இறந்தவர்களிடம் இருந்து தானமாக பெறப்படுகின்றன .
* குழந்தைகள் முதல் முதியவர்கள் வரை உடல் உறுப்பு தானம் செய்யலாம் . 18 வயதுக்குள் இருப்பவர்கள், பெற்றோர் அல்லது காப்பாளரின் ஒப்புதல் பெறவேண்டும் .
* உடல் உறுப்புகளை விலைக்கு விற்பனை செய்தாலோ, வாங்கினாலோ உடல் உறுப்பு மாற்று சிகிச்சை சட்டத்தின்படி 5 ஆண்டு சிறைத் தண்டனை கிடைக்கும் .
* இந்திய அரசு 1994 ம் ஆண்டு உடல் உறுப்பு மாற்று சிகிச்சை சட்டத்தை கொண்டு வந்தது .
--- தினமலர் , 7 . 11 . 2010

நம்பிக்கைதான் !

2011-11-27T00:13:00.000-08:00

நம்பிக்கைதான் -- மனிதனை நகர்த்துகிறது !
ஒவ்வொரு முறை செஞ்சுரி அடிக்கும்போதும் --
பெவிலியனுக்கு பேட் ; விசும்பிற்கு விழி; என உயர்த்திக் காட்டி நன்றி உரைப்பது, சர்ச்சிலின் சம்பிரதாயம் !
' அ ' னாவில்தான் -- படத்தின் முதல் உரையாடல் தொடங்க வேண்டும் என்பது, அமரர் திரு. ஏவி. எம். அவர்கள் காத்து நின்ற மரபு !
அஞ்சாம் ரீல்தான், ரீ - ரிக்கார்டிங்கை ஆரம்பிக்கவேண்டும் என்பது -- மெல்லிசை மன்னர் திரு. எம்.எஸ்.வி அவர்களின் சென்டிமென்ட் !
பாடல்களின் மேல் -- ஸ்வரங்களைப் பென்சிலால்தான் குறித்துக்கொள்வார் -- வெண்கலக் குரல் வேந்து, திரு. டி.எம்.எஸ் அவர்கள் . பென்சில் சீவ ப்ளேடும் எடுத்து வருவார் !
தன்னுடைய கார்களின் நம்பர்களின் கூட்டுத் தொகை ஏழாக இருக்க வேண்டும் என்பதில், புரட்சித் தலைவர் திரு. எம்.ஜி.ஆர் அவர்கள் உறுதியாக இருப்பார்கள் . படங்களின் பெயர்களும் கூடிய வரையில் ஏழெழுத்தில் வருவதை விரும்புவார் . உதாரணம் -- ' நாடோடி மன்னன் '; ' அரச கட்டளை '; ' உரிமைக் குரல் '; இத்யாதி இத்யாதி !
' ம '; ' மா '; ' மு '; என்று மகர வரிசையில் நான் அவரோடு எழுதும் பாடல்கள் தொடங்கப்பெற்றால், அவை பெரிதும் ஹிட் ஆகின்றன என்பது திரு.ஏ.ஆர். ரஹ்மானின் கணிப்பு ; உதாரணங்கள் :
' மரியா ! மரியா ! '
' மாயா மச்சீந்தரா ! '
' முக்காபுலா ! '
நம்பிக்கைதான் -- மனிதனை
நகர்த்துகிறது !
--- நினைவு நாடாக்கள் ஒரு rewind , தொடரில் வாலி . ஆனந்த விகடன் .10 . 11 . 10 .

நீதி இருக்கிறது !

2011-11-26T23:58:00.000-08:00

" ' தாமதிக்கப்பட்ட நீதி மறுக்கப்பட்ட நீதியா' ? "
" பல சமயங்களில் அது உண்மை . சில சமயங்களில் தாமதிக்கப்பட்டாலும், நீதி நியாயமாகவே அமைவதும் உண்டு . 1970 -ம் ஆண்டு ஆந்திராவில் போலீஸால் கொல்லப்பட்டவர் வர்கீஸ் என்ற நக்சலைட் . வர்கீஸைக் கொல்வது என்று போலீஸ் முடிவெடுத்தது . நடுக்காட்டில் வைத்து, ' யார் வர்கீஸைக் கொல்லப்போகிறீர்கள் ? ' என்று கேட்கப்பட்டது . அப்போது, அங்கே இருந்த ராமச்சந்திரன் நாயர் என்ற கான்ஸ்டபிள் மட்டும் கையை உயர்த்தவில்லை . ' சரி, வர்கீஸைச் சுட்டுக் கொன்றுவிடுங்கள் . நாளை செய்தித்தாளில் இப்படி செய்தி வர வேண்டும் . ' போலீஸ் -- தீவிரவாதி மோதல் . வர்கீஸ் சுட்டுக் கொலை . மோதலில் ஒரு போலீஸும் மரணமடைந்தார் .' இதைக் கேட்டு பதறிப்போன ராமச்சந்திரன் நாயரும் எங்கவுன் டருக்கு உடன்பட்டார் . பிறகு, தனது மனசாட்சி உறுத்த, வேலையில் இருந்து ஓய்வுபெற்ற ராமச்சந்திரன் நாயர் எழுதிப் புகழ்பெற்ற புத்தகம், ' நான் வாழ்ந்தேன் என்பதற்கான சாட்சி '. இப்போது அந்த வழக்கில் 40 ஆண்டுகளுக்குப் பிறகு தீர்ப்பு வெளியாகி இருக்கிறது . நடைபெற்றது போலி மோத்ல் என்றும், வர்கீஸின் மரணம் ஒரு கொலை என்றும் தீர்ப்பு அளித்துள்ள சி. பி. ஐ நீதிமன்றம் . என்கவுன்டருக்கு உததரவிட்ட போலீஸ் அதிகாரி லட்சுமணாவுக்கு ஆயுள் தண்டனை விதித்து உத்தரவிட்டுள்ளது . இப்போது வர்கீஸும் இல்லை . ராமச்சந்திரன் நாயரும் இல்லை . ஆனால், நீதி இருக்கிறது .
வி.கி.சுந்தர், திருப்பூர். நானே கேள்வி... நானே பதில் . ஆனந்த விகடன் , 10 . 11 . 10 .

' டை ' அடிக்கப் போறீங்களா ?

2011-11-25T23:54:00.000-08:00

டை ( dye ) பாக்கெட்டுகளில் மருதாணியும், நெல்லிக்காயும், ஆலோவீரா படமும் போட்டிருந்தாலும், அதில் சேர்த்திருக்கும் ரசாயனத்தின் பெயர்களைமட்டும் பொடி எழுத்தில் போட்டிருப்பார்கள் . அதைப் படித்துப் பார்த்து முடிந்தவரை அதிகம் ரசாயனம் கலக்காத, சிறிது நேச்சுரலான ஹேர் டை மட்டும் வாங்கவும் .
முதன் முதலில் உபடோகிக்கும்பொது அந்தப் பாக்கெட்டில் குறிப்பிட்டபடி உபயோகித்துப் பார்க்கவும் . அலர்ஜி எதுவும் ஆகவில்லை என்று தெரிந்து கொண்டு பூசவும் .
நன்கு ஷாம்பூ போட்டு அலசி, வாரிய முடியில் மற்றொருவரின் உதவியோடு டை போட்டு நன்கு காயவைத்து சீப்பால் வாரி பாக்கெட்டில் குறிப்பிட்டுள்ள நேரம் மட்டும் ஊறிக் குளிக்க வேண்டும் . டை போட்டு இரவு முழுவதும் ஊறி மறுநாள் .குளிக்கக் கூடாது . அந்த ரசாயனம் மண்டையில் இறங்கி இரத்தத்தில் கலந்து ஆபத்தாகி விடக்கூடும் .
அதே போல் குளிக்கும்போது கண்டிப்பாக உச்சந்தலையில் நீர் ஊற்றக் கூடாது . அப்படிச் செய்தால் விரைவிலேயே கண்கள் பாதிப்படையும், தலைமுடியை முன்பக்கமாகப் போட்டு தலைகுனிந்தபடியே தலைமுடியை அலச வேண்டும் .
குளித்தவுடன் இறுதியில் டீ டிக்காஷன், எலுமிச்சைச் சாறு கலந்து டை போட்ட கூந்தலில் ஊற்றி, நன்கு பரவலாகத் தேய்த்து நீ ஊற்றி அலசவும் . கூந்தல் வறண்டு போகாமல் பளபளவென நன்கு சீவ வரும் . டை போடும் நாளில் நிறைய தண்ணீர் குடிக்க வேண்டும் . அப்போதுதான் டையில் இருக்கும் ரசாயனத்தின் வீரியம் குறையும் .
அதே போல அடிக்கடி ' டை ' போடக் கூடாது . ' டை ' போடப் போட கூந்தல் இன்னும் அதிகமாக நரைக்க ஆரம்பித்து விடும் . விதிகளை எச்சரிக்கையுடன் பின்பற்றி, கூந்தலைப் பாராமரிக்கவும் .
--- கலைவாணி, இராசிபுரம் . மங்கையர் மலர் . நவம்பர் 2010 . இதழ் உதவி : N .கிரி , ( நியூஸ் ஏஜெண்ட் , திருநள்ளாறு ) கொல்லுமாங்குடி ..

இதய கோளாறை காணும் கருவி !

2011-11-24T23:50:00.000-08:00

தமிழக விஞ்ஞானி அறிமுகம் .
இதய கோளாறை சில நொடிகளில் துல்லியமாக கண்டுபிடிக்கும் கருவி .
சென்னையைச் சேர்ந்த இளம் விஞ்ஞானி அரவிந்த் தியாகராஜன் கண்டுபிடித்தார் . அது பற்றி அவர் கூறியதாவது :
பண்டைய காலங்களில் ஒலி மூலமாக உடலில் ஏற்படும் கோளாறுகளை கண்டுபிடித்து வந்தனர் . அந்த முறையில்தான் டாக்டர்கள் தற்போது உபயோகிக்கும் ஸ்டெதஸ்கோப் கருவியும் உருவாகியது . இதேபோன்று இதயத்தில் ஏற்படும் ஒலியை டிஜிட்டல் ஒலியாக மாற்றிக் காட்டும் புதிய வகை ஸ்டெதஸ்கோப் கருவியை ( போனோடாக் ) கண்டுபிடித்துள்ளேன் . இந்த கருவி மூலம் ஒருவரது இதயத்தில் இருக்கும் வால்வு கோளாறுகளை ஒரு சில நொடிகளில் கண்டுபிடிக்கமுடியும் . சாதாரணமாக லப்டப் என்று சத்தம் கேட்டால் இதயத்தில் எந்த கோளாறும் இல்லை என்று அர்த்தம் . இதயத்தின் வால்வு பகுதியில் அடைப்பு மற்றும் ஓட்டை இருந்தால், புதிய கருவியில் இருந்து வரும் டிஜிட்டல் ஒலி மூலம் எளிதாக கண்டுபிடித்து, அவருக்கு இதய கோளாறு இருப்பதை 100 சதவிகிதம் உறுதி செய்ய முடியும் .
தற்போது இதயகோளாறுகளை எக்கோ கார்டியோ கிராம் மூலம் கண்டுபிடிக்கமுடியும் . இதற்கு அதிக நேரமும் செலவும் ஆகும் . மேலும், இந்த வசதி நகரத்தில் மட்டுமே உள்ளது .டிஜிட்டல் ஸ்டெதஸ்கோப் கிராமப்புறங்களிலும் பயன்படுத்த முடியும் என்றார் அரவிந்த் தியாகராஜன் .
--- தினகரன் , 3 நவம்பர் .2010 .

டிப்ஸ்...டிப்ஸ்...

2011-11-23T23:46:00.000-08:00

* மாடர்ன் கிச்சன் வைத்திருப்பவர்கள், சிம்னியை ஆறு மாதத்துக்கு ஒருமுறை சுத்தம் செய்ய வேண்டும் . இல்லாவிடில் சிம்னியில் உள்ள எண்ணெய்ப் பிசுக்கு எளிதில் தீப்பற்றிக் கொள்ள வாய்ப்புண்டு .
* தலைவலி அதிகமாக இருக்கும்போது, ஒரு பென்சிலை எடுத்து மேல்வரிசை பற்களுக்கும், கீழ் வரிசை பற்களுக்கும் இடையில் வைத்து பிடித்துக் கொண்டால், தலைவலி குறையும் , பென்சிலை அழுத்த வேண்டாம் .
* பச்சையாக இருக்கும் ஒருவகைப் பூச்சி நம்மீது பட்டாலோ, நம்மையும் அறியாமல் தொட்டாலோ அருவருக்கத்தக்க ஒரு நாற்றம் அடிக்கும் . அதைப் போக்க சிறிது விபூதியை எடுத்து தடவிக் கொண்டால் போதும் . நாற்றம் மறைந்து விடும் .
* மாவடு செய்தால், சில நாட்களிலேயே பூஞ்சை பிடித்து விடுகிறது . வடுமாங்காய் தயாரித்து ஒரு வாரம் கடந்தபின், அந்த நீரை வடிகட்டி கல் சட்டியில் விட்டு, சுண்டக் காய்ச்சி மீண்டும் ஜாடியில் ஊற்றி, வடுமாங்காய்களைப் போட்டு வைத்தால் பூஞ்சை பிடிக்காது .
* சின்ன வெங்காயத்தை பிளாஸ்டிக் கவரில் போட்டு மூன்று மணி நேரம் ஃபிரிட்ஜில் வைத்து, பிறகு நறுக்கினால் கண்ணில் எரிச்சல் வராது .
* குளிர்க்காலத்தில் ஸ்வெட்டர்களைக் கையால் துவைக்கும்போது, ஷாம்பு போட்ட நீரில் ஊறவைத்துத் துவைத்தால் பளிச்சென்று இருப்பதுடன், கரையில்லாமல் வாசனையாகவும் இருக்கும் .
* ஃப்ளாஸ்க் அழுக்கடைந்து காணப்படுகிறதா ? வெந்நீரில் சிறிது உப்பைக் கரைத்து அதை ஃப்ளாஸ்கில் ஊற்றி, அரைமணி நேரம் ஊறவிடவும் . பிறகு வேறு நீரால் கழுவினால் ஃப்ளாஸ்க் சுத்தமாகி பளிச்சென இருக்கும் .
* இடுப்பு வலியால் அவதிப்படுகிறீர்களா ? தலையனை, மெத்தை எதுவும் இல்லாமல் உடம்பைத் தளர்வாக வைத்துக் கொண்டு தரையில் 20 நிமிடம் படுத்திருங்கள் . இதனால் இடுப்பு வலியும் வராது , கூன் முதுகும் விழாது .
* இரவில் தூக்கமில்லையா ? ஒரு வாழைப்பழத்தை உரித்து, ஒரு டீஸ்பூன் வறுத்துப் பொடித்த சீரகத்தை தொட்டுக் கொண்டு இரவு சாப்பிட்டு வர ஆனந்தமான தூக்கம் வரும் .
* மிக்ஸி ஜார்களை அரைத்தவுடன் அதிக நேரம் சிங்கில் போடக் கூடாது . அரைத்ததும் ஜார்களை உடனே அலசி தனித்தனியே கவிழத்து வைத்து உலரவிட வேண்டும் . அப்படிச் செய்தால் நீண்ட நாள் உழைக்கும் .
* தேனை, மண், பீங்கான், கண்ணாடிப் பாத்திரங்களில் வைப்பதே சிறந்தது
* இருமல் பாடாய்படுத்துகிறதா ? இலுப்பக் கரண்டியில் நெய்விட்டு உருகியவுடன் சில மிளகுகளைப் பொடி செய்து அதில் பொரித்துச் சாப்பிட்டால் இருமல் போய்விடும் .
--- மங்கையர் மலர் . நவம்பர் 2010 . இதழ் உதவி : N .கிரி , ( நியூஸ் ஏஜெண்ட் , திருநள்ளாறு ) கொல்லுமாங்குடி ..

கேட்டதில் பிடித்தது !

2011-11-22T00:28:00.000-08:00

இளைஞன் ஒருவன் எண்ணெய் வியாபாரியின் வீட்டிற்குப் போய் எண்ணெய் வாங்கினான் . வியாபாரி, வீட்டின் பின்புறம் ' செக் 'கில் எண்ணெய் ஆட்டிக்கொண்டு இருந்தார் . எண்ணெயை அளந்து விட்டுக்கொண்டே , மாட்டை ஓட்டுவது போல வாயினால் சப்தம் செய்தார் . சுற்றும் முற்றும் பார்த்த இளைஞன், " ஐயா ! மாடு எதுவும் இங்கு வரலையே, ஏன் மாட்டை விரட்டுவது போல ஒலி எழுப்புறீங்க ? " என்று வியந்து கேட்டான் .
அதற்கு அந்த வியாபாரி, " வீட்டின் பின்புறம் 'செக்கு ' ஓடிக் கொண்டிருக்கிறது . அதில் கட்டப்பட்டிருக்கும் மாடுகள் சுற்றி வந்தால்தான் செக்கில் உள்ள பொருள் அரைபட்டு எண்ணெயாக வெளியே வரும் . மாட்டின் கழுத்தில் மணி கட்டப்பட்டிருக்கும் . அதனால், மாடு சுற்றி வந்தால் மணி ஓசை கேட்கும் . மாடு சுற்றாமல் நின்று விட்டதால் ஓசை கேட்கவில்லை . அதான் மாட்டை விரட்ட ஒலி எழுப்பினேன் " என்றார் .
இதைக் கேட்ட இளைஞன், " ஐயா, மாடு ஒருவேளை நின்ற இடத்திலிருந்தே கழுத்தை மட்டும் ஆட்டி ஓசை எழுப்பினால் நீங்கள் மாடு சுற்றுவதாகத்தானே நினைத்துக் கொள்வீர்கள் " என்று ஆச்சர்யத்துடன் கேட்டான் .
அவனைச் சிறிது நேரம் உற்றுப் பார்த்த வியாபாரி, " நீ சொல்வது சரிதான் ... ஆனால், மாடு உங்களைப் போல பி. எ,.. எம்.எ . எல்லாம் படித்ததில்லை . அதற்கு ஏமாற்றத் தெரியாது " என்றார் .
--- சுகிசிவம் உரையிலிருந்து , கேட்டவர் : சங்கரி வெங்கட் , பெருங்களத்தூர் . மங்கையர் மலர் . நவம்பர் 2010 . இதழ் உதவி : N .கிரி , ( நியூஸ் ஏஜெண்ட் , திருநள்ளாறு ) கொல்லுமாங்குடி .

ராஜராஜன் காலத்தில்...

2011-11-21T00:18:00.000-08:00

* ராஜராஜ சோழனின் ராஜகுருவாக விளங்கியவர் ஈசான சிவ பண்டிதர் .
* தஞ்சைப் பெரிய கோயிலின் தலைமை அர்ச்சகராகத் திகழ்ந்தவர் பவணபிடாரன் .
* தஞ்சைக் கோயிலில் இன்றும் நாம் காணும் கல்வெட்டுகளை வெட்டியவர் பாளூர் கிழவன் .
* கோயிலைக் கட்டிய தலைமைச் சிற்பி, வீர சோழன் குஞ்சரமல்லனான ராஜராஜ பெருந்தச்சன் . அவரது உதவியாளர்கள் : மதுராந்தகனான நித்தவிநோதப் பெருந்தச்சன், இலத்திச் சடையனான கண்டராதித்தப் பெருந்தச்சன் .
* ஆலயத்தின் நிர்வாக அதிகாரியாக விளங்கியவர் பொய்கை நாடு கிழவன், ஆதித்தன் சூரியனான தென்னவன் மூவேந்த வேளான் .
* மற்ற மன்னர்கள்போல் தன் பெயரை மட்டும் கல்வெட்டில் பதித்து பெருமை கொண்டாடாமல், தனக்கு உதவிய அத்தனை பேரின் பெயரையும் பொறித்தது தமிழ்மன்னன் ராஜராஜனின் பெருந்தன்மை .
--' மாண்புமிகு மகான்கள் ' தொடரில், ப்ரியா கல்யாணராமன் . குமுதம் 3 . 11 . 10 ..

வெனிஸ் நகரம்.

2011-11-20T00:15:00.000-08:00

வெனிஸ் நகரம் ரொம்ப பழமையான நகரம் . வண்ண வண்னமான வீடுக்ள் . மிக அழகான பாரம்பரியம் மிக்க தேவாலயங்கள் என பிரமாதமான நகரம் .
அங்கே வீட்டு வாசலில் கார்கள் நிற்பதற்குப் பதில் படகுகள் நிற்கின்றன . ஏனென்றால் நகரம் முழுக்க நதியும் நீரோடைகளும் ஓடிக்கொண்டு இருக்கின்றன . பக்கத்துத் தெருவுக்குப் போவதென்றால்கூட ஓடத்தில்தான் போகிறார்கள் . அந்தப் படகை ' கண்டோலா ' என்று அழைக்கிறார்கள் . வீடுகளுக்கெல்லாம் வினோதமாக வித வித வண்னங்களைப் பூசுகிறார்கள் . அதனால், நகரமே வண்ணமயமாக இருக்கிறது . ஆனால், பிரமாண்ட கட்டடங்கள் அந்த நகரில் கிடையாது . நவீனமான கட்டடங்களைக் கட்டினால் அந்த நகரத்தின் பழைமையான தோற்றம் போய்விடும் என்று கட்டுவதில்லையாம் . பழைமையை மிகுந்த சிரத்தையோடு பராமரிக்கிறார்கள் பழைமையான கட்டடங்களை புதுப்பிக்கும் போது அந்த கட்டடத்தின் பழைமை மாறாமல் பார்த்துக் கொள்கிறார்கள் .
முடிவா, வெனிஸ்ல எங்கேயும் பப்ளிக் டாய்லெட் கிடையாது . ஒரு அவசரம்னா பக்கத்துல இருக்குற ஏதாவது ஓட்டல் இல்லைனா கடைக்குத்தான் ஓடனும் . அங்கேயும் சும்மா போக முடியாது . ஏதாவது வாங்கினாதான் அனுமதிப்பாங்க . ஓட்டல்ல சாதாரணமா ஒரு காபி இருநூறு ரூபாய் . ஸோ, ஒரு தடவை பாத்ரூம் போகனும்னா இருநூறு ரூபாய் செலவழிக்கணும் .
இதுக்கெல்லாம் நம்ம ஊருதான் வசதி . ஹிஹி .
--- டால்மென் .' படப்பிடிப்பு பயணம் ' கட்டுரையில் ஒளிப்பதிவாளர் பாலசுப்பிரமணியம் .குமுதம் தீபாவளி மலர் , 3 . 11 . 2010 .

குறைந்த செலவில் காற்றாலை

2011-11-19T00:09:00.000-08:00

அதிக மின் உற்பத்தி செய்ய .குறைந்த செலவில் காற்றாலை
நாகை மாவட்டம் வேதாரண்யத்தை அடுத்த கோடியக்கரையைச் சேர்ந்த காளியாப்பிள்ளை மகன் சத்தியமூர்த்தி ( 42 ) , ஒன்பதாம் வகுப்பு வரை படித்தவர், ஒரு எளிய முறை காற்றாலையை வடிவமைதுள்ளார் .
ஆண்டு முழுவதும் அதிகளவு மின்சாரத்தை உற்பத்தி செய்யும் வகையில், புதிய காற்றாலையை வடிவமைதுள்ளார் . பாய்மரம் போன்ற வடிவமைப்பில் ஆறு இறக்கைகள் இந்த காற்றாலையில் உள்ளது . மரம், கம்பி, காடா துணியைக்கொண்டு உருவாக்கப்பட்டுள்ளது . காற்றுவீசும் திசைக்கேற்ப காற்றாடியை திருப்பி வைத்துக்கொள்ளும் வகையில் சுழலும் அடிப்பகுதியுடன் இந்தக் காற்றாலையை வடிவமைத்துள்ளார் . குறைவான விசிறிகள், லேசான காற்றுக்கே வேகமாக சுழல்வதால் அதிக மின்சாரம் உற்பத்தி செய்வது என்பதே இவரது கண்டுபிடிப்பின் சிறப்பம்சம் .
இதனால் குறைந்த செலவில் அதிக மின்சாரம் பெறமுடியும் என்று கூறும் சத்தியமூர்த்தி, தற்போது டென்மார்க் நாட்டின் கண்டுபிடிப்பான 90 அடி விட்டமுடைய 3 இறக்கைகள் கொண்ட விசிறியே காற்றாலைகளில் பயன்படுத்தப்படுகிறது . இறக்கைகளின் அடிப்பகுதி அகன்றும் நுனிப்பகுதி குறுகியும் உள்ள இந்த அமைப்பினால் மணிக்கு 11 கிலோவாட் மின்சாரம் கிடைக்கிறது . அப்படியில்லாமல் நான் உருவாகியுள்ளபடி அடிப்பகுதி குறுகலான, நுனிப்பகுதி அகன்ற பாய்மரக் கப்பல் போன்று உள்வாங்கிய வகையில் விசிறிகளை அமைக்க வேண்டும் . அப்போதுதான் குறைந்த காற்று வீசும்பொது கூட வேகமாக சுழன்று அதிகளவு மின்சாரத்தை உற்பத்தி செய்ய முடியும் .
டென்மார்க் முறைப்படி தமிழ்நாட்டில் செயல்படும் காற்றாலை அமைக்க குறைந்தது ரூ. 10 கோடி செலவாகும் . ஆனால், எனது கண்டுபிடிப்பைப் போல் காற்றாலை அமைக்க ரூ. 2 முதல் 3 கோடி போதுமானது என்று கூறினார் .
--- தினமலர் . 1 நவம்பர் . 2010 .

' பறை ' -- ' தப்பு ' தமிழனின் பெருமை !

2011-11-18T08:14:00.000-08:00

குறிஞ்சிப் பறை, நெய்தல் பறை, மருதம் பறை என ஐவகைத் திணைகளுக்கும் ஐந்து வகையான பறைகள் இருந்ததாக சங்க இலக்கியம் குறிபிடுகிறது . பக்தி இலக்கியத்திலும் பறை ஒலிக்கிறது . வேறு எந்த இசைக் கருவிக்கும் நேராத அநீதி, பறைக்கு நேர்ந்தது . ' பறை ' என்ற சொல் நேரடியாக சாதியைக் குறிப்பதால், அதற்கு ' தப்பு ' என்ற பெயர் மாற்ற வேண்டி வந்தது . மிக உன்னதமாகப் போற்றப்பட்ட ஒரு கலை காலப்போக்கில் இழிவானதாக மாற்றப்பட்டதுதான் காலப்பிழை .
' தெம்மாங்குக் கொட்டு, கல்யாணக் கொட்டு, கோவில் கொட்டு, சாவுக் கொட்டு, சல்லிமாடுக் கொட்டுன்னு இதில் நிறைய வகைகள் இருக்கு . நாற்பதுக்கும் அதிகமான அடவுகள் இருக்கு . சோழமலை, கண்டம், திசரம்னு தாள முறைகளிலும் பல வகைகள் இருக்கு . தப்புதல்னா அடித்தல்னு அர்த்தம் . அடித்தலும் ஆட்டமும் சேர்ந்து இருகுறதுனாலதான் இதைத் தப்பாட்டம்னு சொல்றோம் . வேற எந்தக் கலைக்கும் இல்லாத சிறப்பு என்னன்னா, இதில் மட்டும்தான் ஒரே நேரத்தில் ஆடிக்கிட்டே இசைக்கணும் . கலைஞனே இசைக் கருவியை உருவாக்குறதும் இதுலதான் .
--- கு. ராமகிருஷ்ணன் , ஆனந்த விகடன் . 3 . 11 . 10 .

எச்சில் துப்பும் பழக்கம் !

2011-11-17T08:11:00.000-08:00

ஒரு மனிதனின் வாயில், அவன் வாழ்நாளில் மொத்தம் 30 ஆயிரம் லிட்டர் எச்சில் உற்பத்தி ஆகிறது . உணவுக்கு குழைவைச் சேர்த்து, அதைச் சுலபமாக வயிற்றுக்குள் அனுப்புவது எச்சில்தான் . அது இல்லையேல், உங்களால் சரளமாகப் பேச முடியாமல், வாய் ஒட்டிக்கொள்ளும் . வாயில்தான் ஜீரணம் ( Digestion ) துவங்குகிறது . அதைச் செயல்படுத்தும் ptyalin என்கிற ' என்ஸைம் ' எச்சிலில்தான் இருக்கிறது . எச்சிலில் உள்ள தற்காப்பு புரோட்டீன்கள் வாயில் ரணங்கள் வராமல் தடுத்துக் காப்பாற்றுகிறது . முத்தங்களை மென்மையாக்குவது எச்சில்தான் !
இருப்பினும், வாய்க்குள் இருக்கும் வரையில்தான் எச்சிலுக்கு இவ்வளவு மதிப்பு . பிரபல மனோதத்துவ ஆய்வாளர் அந்தோணிஸ்ட்டோர் இதைக் கச்சிதமாக ( தர்மசங்கடமாக ! ) விளக்குகிறார் . ' வாய்க்குள் இருக்கும் எச்சிலை விழுங்குங்கள் . இதை எவ்வளவு முறை வேண்டுமானாலும் செய்வீர்கள் . சரி, உங்கள் எச்சிலையே டம்ளர் ஒன்றில் துப்புங்கள் . பிறகு, அதில் எலுமிச்சம் பழச்சாறு கலந்து தண்ணீர், சர்க்கரை எல்லாம் சேர்த்து... இப்போது அதை ஒரே மடக்கில் குடிப்பீர்களா ? மாட்டீர்கள் ! வாயில் இருந்து வெளியே வந்த மறு விநாடி எச்சில் தன் குடியுரிமையை ( Renounced its citizenship ! ) ' இழந்துவிடுகிறது .
இந்தியா மட்டும் இல்லை ; ஆசியா முழுவதும் பொது இடங்களில் எச்சில் துப்பும் பழக்கம் பரவலாக உண்டு . அமெரிக்காவில் 19 -ம் நூற்றாண்டு முடியும் வரை, யாரைப் பார்த்தாலும், எல்லா இடங்களிலும் எச்சில் துப்பிக்கொண்டே இருப்பார்கள் . அப்போது முக்கால்வாசி அமெரிக்கர்களுக்குப் புகையிலை மெல்லும் பழக்கம் இருந்தது . துப்புவதற்கான கிண்ணங்கள் ( Spittoons ) தயாரிக்கும் தொழிற்சாலைகள்கூட அங்கே நிறைய இருந்தன . ' மேஜை, நாற்காலிகள் மீது மட்டும் எச்சில் துப்பாதீர்கள் ! ' என்று எழுதப்பட்ட போர்டுகள் பல கட்டடங்களில் வைக்கப்பட்டன . இப்படி கண்ட இடத்தில் துப்புகிற ' கலாசாரத்தை' ப் பார்த்துவிட்டு ஆஸ்கர் ஒயில்டு, ' அமெரிக்கா என்பது பிரமாண்டமான ஒரு எச்சில் ! ' என்றார் . இப்போது, அங்கே யாரும் பொது இடத்தில் துப்புவது இல்லை .
--- ஹாய் மதன் . ஆனந்த விகடன் . 3 . 11 . 10 .

அதிக சுகத்தைத் தர வல்லவன் !

2011-11-16T08:07:00.000-08:00

நீளமான தந்தத்தைக்கொண்ட ஆண் யானையை மட்டுமே தேர்ந்தெடுத்து பெண் யானைகள் கூடும் . இதனாலேயே ஆண் யானைகளுக்குள் தந்தத்தின் அளவைவைத்து ஒரு போட்டி நடைபெறுகிறது . அதேபோலத்தான் மயில் . மிக நீளமான தோகை கொண்ட ஆண் மயிலோடுதான் பெண் மயில் சேர விரும்பும் . இதனால் ஆண் மயில்களுக்குள் ' யாருக்கு நீண்ட தோகை ' என்பதில் போட்டி . இப்படி உலகின் எல்லா ஜீவராசிகளிலும் பெண்ணைக் கவர ஆண் சில பாகங்களையோ, திறமைகளையோ விளம்பரமாக வெளிப்படுத்துவதைப் போலவே, மனித ஆண்களும் தங்கள் இனப்பெருக்க உறுப்பை ஒரு வீரிய விளம்பரமாக வெளிப்படுத்த ஆரம்பித்தார்கள் .
இதனால், மனித ஆண் உறுப்பின் நீளம் அதிகரிக்க ஆரம்பித்தது . இன்றுள்ள வானர இனங்ககளிலேயே மனித ஆணின் உறுப்புதான் மிகவும் நீளமாக இருப்பதாகக் கணக்கிடப்பட்டு உள்ளது . இத்தனைக்கும் மனிதப் பெண்ணின் ஜனனக் குழாய் நீளம் என்னவோ எல்லோருக்கும் 10 செ.மீதான் . இதனுள் சென்றடைய அதே 10 செ.மீ நீளம் உள்ள கருவி இருந்தாலே போதும் . ஆனால், போட்டி என்று வந்துவிட்டால், வளர்ச்சி விகிதம் மாறித்தானே போகும் !
--- உயிர்மொழி தொடரில் டாக்டர் ஷாலினி , ஆனந்த விகடன் . 3 . 11 . 10 .

இனிக்கும் கணக்கு .

2011-11-15T07:57:00.000-08:00

ஒரு காகிதத்தில் ' 9 ' என்று எழுதி மடித்து உங்கள் நண்பரிடம் கொடுங்கள் . " நான் ஒரு சின்னக் கணக்கு சொல்வேன், நீ என்னிடம் எதுவுமே கூறவேண்டாம் . அந்தக் கணக்கின் விடையை இதில் எழுதியிருக்கிறேன் . கணக்கு செய்து முடித்தபின் திறந்துபார் ! " என்று ' பில்டெப் ' கொடுத்துவிட்டு இப்படி சொல்லுங்கள் :
1 . எத்தனை இலக்க எண் வேண்டுமானாலும் எழுதிக்கொள் .
2 . அந்த எண்ணில் உள்ள இலக்கங்களைக் கூட்டு .
3 . இந்தக் கூட்டுத்தொகையை முதலில் எழுதிய எண்ணில் இருந்து கழித்துக் கொள் .
4 . வரும் விடையில் உள்ள இலக்கங்களைக் கூட்டு . விடை இரண்டு இலக்க எண்ணாக வந்தால், அந்த இரு எண்களையும் கூட்டி ஒற்றை இலக்கமாக மாற்று... இனி நான் தந்த
காகிதத்தைப் பிரித்துப் பார் ! அதே விடை இருக்கும் !
காகிதத்தைப் பிரித்துப் பார்க்கும் நண்பர், ' அடடே ! ' என்று அசந்துபோவார் !
ஒரு உதாரணம் :
நண்பர் எழுதிய எண் 123456 . இதன் இலக்கங்களின் கூட்டுத் தொகை 21 .( 1 + 2 + 3 + 4 + 5 + 6 ). இதை 123456 -ல் இருந்து கழித்தால் 123435 . இதன் கூட்டுத்தொகை ( 1 + 2 + 3 + 4 + 3 + 5 )
18 ; இதில் 1 மற்றும் 8 ஐக் கூட்டினால் 9 . எத்தனை இலக்க எண் என்றாலும், எப்போதுமே இதில் 9 -தான் விடையாக வரும் !
-- தினமலர் ,அக்டோபர் 29 , 2010 .

தானே இயங்கும் கார் !

2011-11-14T07:52:00.000-08:00

டிரைவர் இன்றி செல், கம்ப்யூட்டரால் இயக்கலாம். நாகை வாலிபர் கண்டுபிடித்து அசத்தினார் .
நாகப்பட்டினம் அருகே விழுந்தமாவடியைச் சேர்ந்த கார்த்திக் ( 20 ) என்பவர் உலகில் எந்த மூலையில் இருந்தாலும் செயற்கைக்கோள் மூலம் வீட்டில் இருந்தபடியே இயக்கக்கூடிய குட்டிக் காரை உருவாக்கியுள்ளார் .
கம்ப்யூட்டர், செல்போன் உதவியுடன் இயங்கும் இந்த கார், பேட்டரி மூலம் ஓடக்கூடியது . இரவு நேரங்களில் இந்த காரை ரோட்டில் விட்டுவிட்டு அதில் ஒரு கேமராவை பொருத்திவிட்டால் போலீசார் கண்காணிப்புப் பணிகளை தங்கள் அலுவலகத்தில் இருந்தபடியே கம்ப்யூட்டரில் நேரடியாக பார்த்துக் கொள்ளலாம் .
இந்த தொழில்நுட்பத்தை பயன்படுத்தி தொழிற்சாலைகளில் ஒரு இடத்தில் இருந்து இன்னொரு இடத்துக்கு டிரைவர் இல்லாமலேயே சரக்குகளை வாகனத்தில் ஏற்றி அனுப்பிவைக்க முடியும் . வீட்டில் கம்ப்யூட்டர் முன்பு உட்கார்ந்தபடியே அந்த வாகனத்தை இயக்கி எந்த இடத்துக்கும் சென்று, திரும்பி வர வைக்க முடியும் . தனியாக டிரைவர் தேவையில்லை .
மேலும், இந்த வாகனத்தை ராணுவத்திலும் பயன்படுத்த முடியும் . குறிப்பாக தீவிரவாதிகள் நடமாட்டத்தை எளிதில் கண்காணிக்கலாம் . அதேபோல காடுகளில் அபாயகரமான விலங்குகளை அருகில் சென்று படமெடுக்கவும் பயன்படுத்த முடியும் என்கிறார் கார்த்திக் .
---- தினமலர் ,அக்டோபர் 30 , 2010 .

கறுப்பு மனிதர் !

2011-11-13T07:48:00.000-08:00

அவர் பிறந்தது மிக சாதாரணமான குடும்பத்தில் . திருமணமான சில மாதங்களீலேயே பணம் சம்பாதிப்பதற்காக வெளிநாடு போகிறார் . அங்கே விடா முயற்சி , கடின உழைப்பு . கொஞ்சம் பணம் சேர்கிறது . அவர்கள் குடும்பத்தில் யாரும் கார் வாங்கியதில்லை . ' அங்கே அவர் வாங்குகிறார் . தன்னுடன் வசிக்க மனைவியை அந்த நாட்டுக்கு அழைக்கிறார் . அந்த அழைப்புக் கடிதத்தில் இப்படி எழுதியிருக்கிறார் . ' உன்னை அழைத்துப் போக ஒரு கார் வாங்கியிருக்கிறேன் . காரின் நிறம் என்ன தெரியுமா ? கறுப்பு, என்னைப் போல '. இந்த கறுப்பு மனிதர் இந்தியாவின் மிகப் பெரிய கோடீஸ்வரராக உயர்ந்த திருபாய் அம்பானி !
--- அரசு பதில்கள் , குமுதம் தீபாவளி மலர் . 3 . 11 . 2010 .

வெப்பம் அளவு . .

2011-11-12T07:44:00.000-08:00

20 டிகிரி செல்சியஸ் வெப்ப அளவும் 68 டிகிரி பாரன்ஹீட் வெப்ப அளவும் சரிசமம் ; மைனஸ் 20 டிகிரி செல்சியஸ் வெப்பத்திற்கு சமமான பாரன்ஹீட் வெப்ப அளவு எவ்வளவு ?
விடை : மைனஸ் 68 டிகிரி பாரன்ஹீட் என்பது ' அவசர 'த்தில் வரும் தவறு ! மைனஸ் 4 டிகிரி பாரன்ஹீட் என்பதே சரி ! செல்சியஸ் அளவை பாரன்ஹீட்டாக மாற்ற 1.8 -ஆல் பெருக்கி 32ஐக் கூட்ட வேண்டும் !
3 -- டி படம் !
சாதாரணமான படங்களுக்கும், 3 -டி படங்களுக்கும் உள்ள வித்தியாசம், சாதாரண படங்களை கண்ணாடி போடாமல் பார்க்கலாம் , ஆனால், 3 -டி படங்களை ஸ்பெஷல் கண்னாடி போட்டுகிட்டு பார்க்கவேண்டும் . 3 -டி படத்தைப் பார்க்கறப்போ, காட்சிகள்லாம் நேரில் பார்க்கற மாதிரி இருக்கும் .
அப்படி நேரடியாகப் பார்க்கற காட்சிகளை முப்பரிமாணக் காட்சின்னு சொல்வார்கள் . ஆங்கிலத்தில் ' த்ரீ டைமன்ஷன் ', அதோட சுருக்கம்தான் ' 3 -டி '. இதோட இன்னொரு பெயர் ஸ்டீரியோகிராபி ! முதல் 3 - டி படம் லாஸ் ஏஞ்சலில் உள்ள அம்பாசடர் ஓட்டல் தியேட்டரில் 1922 ம் ஆண்டு செப்டம்பர் 22 ல் திரையிடப்பட்டது .
-- தினமலர் ,அக்டோபர் 29 , 2010 .