' ரிப்பீட் ' எண் !

1 . ஒரு தாளில் 12345679 என்ற எண்ணை எழுதிக் கொள்ளுங்கள் .
2 . இதில் ஏதாவது ஒரு இலக்கத்தை வட்டமிடுமாறு உங்கள் நண்பர்களிடம் சொல்லுங்கள் .
3 . அவர் வட்டமிட்ட எண்ணைக் கவனியுங்கள் . மனதுக்குள் அதை 9 -ஆல் பெருக்குங்கள் . இதை நீங்கள் உங்கள் நண்பருக்குத் தெரியாமல் சட்டென செய்துமுடிக்க வேண்டும் .
இதன்பிறகு, அவர் வட்டமிட்ட எண்ணை ஒன்பது முறை தொடர்ந்து எழுதுங்கள் . பின்னர் அவரிடம், " நான் இப்போது ஒரு எண்ணைச் சொல்லி 12345679 என்ற எண்ணைப் பெருக்கச் சொல்வேன் . வரும் விடை, நான் எழுதிய எண்ணாகத்தான் இருக்கும் ! பார் இந்த மேஜிக்கை ! " என்று ' பில்டெப் ' கொடுங்கள் .
பிறகு, நீங்கள் பெருக்கி வைத்த எண்ணை ( வட்டமிட்ட எண்ணை 9 -ஆல் பெருக்கி வரும் விடை ) சொல்லிப் பெருக்கச் சொல்லுங்கள் . வரும் விடையின் எல்லா இலக்கங்களும், நண்பர் வட்டமிட்ட எண்ணாகத்தான் இருக்கும் ! அவர் அசந்து போவார் !
ஒரு உதாரணம் :
நண்பர் வட்டமிட்ட எண் ' 6 ' என்று வைத்துக் கொள்வோம் . இதை 9 -ஆல் பெருக்கினால் 54 . எனவே, 12345679 என்ற எண்னை 54 ஆல் பெருக்கச் சொல்ல வேண்டும் .
வரும் விடை : 666666666 !
--- தினமலர் , ஆகஸ்ட் 13 . 2010.