கராத்தே வீரர் !

கராத்தே வீரர்கள் செங்கற்களை அடுக்கிவைத்துக் கையால் உடைக்கிறார்களே, கைகளுக்கு இவ்வளவு சக்தியை ஏற்படுத்த முடியுமா ?
அப்படி ஒரு சக்தியைக் கைக்கு ஏற்படுத்திக்கொள்ள முடியும் . பிராக்டிஸ் ! வேகத்தில் ஏற்படும் சக்தி அது ( Kineitic energy ) . ஒரு தேர்ந்த வீரர் செங்கற்களை உடைக்கும்போது, அரை டன் எடைக்குச் சமமான சக்தி அவருடைய கையில் உற்பத்தி ஆகிறது என்று ஆராய்ச்சியில் கண்டுபிடித்து இருக்கிறார்கள் . கையின் வேகம் -- விநாடிக்கு 20 அடிக்கு மேல் ! இந்த ' உடைக்கிற சாதனை 'க்கு கராத்தேயில் ' டமாஷிவாரா ' என்று பெயர் .
மிகப் பெரிய ஆண் உறுப்பு ( Penis ) உள்ள பறவை எது ?
பறவைகளுக்கு Penis கிடையாது என்பது உங்களுக்குத் தெரியும் ! பொதுவாக, பறவைகளூக்கு ( ஆணுக்கும் சரி, பெண்ணுக்கும் சரி ) பார்க்க ஒரேமாதிரி இருக்கும் ' க்ளோயேகா ( Cloaca ) ' என்பதுதான் உண்டு .
( ஜப்பானில் Chick Fixer என்கிற பணியில் தேர்ச்சி பெறுவதற்கான பட்டப் படிப்புகூட உண்டு . அதாவது, டார்ச் அடித்துப் பார்த்து, பறவைகளில் ஆண் -- பெண் இனம் பிரிக்கிற பணி ! ) . ஆனால், அன்னம், வாத்து போன்ற சில வகைப் பறவைகளுக்கு ஆண் உறுப்பு உண்டு . ( மூன்று சதவிகித பறவை இனங்களுக்கு Penis உண்டு ) ! அர்ஜன்டைன் நீலவாத்து என்கிற இனத்தின் ஆண் உறுப்பு... வாத்தைவிட நீளமானது . உலக ரெக்கார்ட் !
--- ஹாய் மதன் , ஆனந்தவிகடன் , 18. 8. 2010 .