ஆபத்து ?

" நான்ஸ்டிக் " குக்கரால் ஆபத்து ?
நான்ஸ்டிக் குக்கர் தயாரிப்பில் பயன்படுத்தப்படும் ஒரு விதமான ரசாயனப் பொருள் தைராய்டு நோய் வருவதற்கான ஆபத்தை அதிகரிக்கிறது என்று சமீபத்திய ஆய்வு ஒன்று தெரிவிக்கிறது . 20 வயதுக்கு மேற்பட்ட 3,966 பேரிடம் எடுக்கப்பட்ட ரத்த மாதிரிகளில் இருந்து சோதிக்கப்பட்டதில் அவர்களின் ஒரு மைக்ரோ லிட்டர் இரத்தத்தில் 5.7 நானோகிராம் அளவில் பெர்புனோரோஆக்டானிக் என்ற அமிலம் இருப்பதாகத் தெரிய வந்துள்ளது . இதன் மூலம் அவர்களுக்கு தைராய்டு வருவதற்கு இருமடங்கு சாத்தியகூறுகள் உள்ளன என்று தெரிய வந்துள்ளது . இரத்த மாதிரிகள் ஆய்வுக்கு எடுத்துக் கொள்ளப்பட்ட போது 163 பெண்கள் மற்றும் 46 ஆண்களுக்கு தைராய்டு இருப்பது உறுதி செய்யப்பட்டது . உடலில் உள்ள திசுக்களை பாழ் படுத்துவதில் நான்ஸ்டிக் குக்கர் தயாரிக்கும் ரசாயனப் பொருளுக்கு முக்கிய பங்கு உண்டு என்பது அதிர்ச்சி தரும் விஷயமாகும் . இந்த வேதிப்பொருள் எளிதாக உடைந்து விடாமல் உடலில் தங்கிவிடுகிறது என்பதுதான் இந்த பிரச்சனைக்கு முதன்மைக் காரணமாகும் .
( ஆதாரம் : Environmental Health Perspectives . Jan ).
--- பாடம் , மே 2010 . இதழ் உதவி : செல்லூர் கண்ணன் .