நிறம் !

பச்சை நிறம் !
சினிமாவில் ஸ்பெஷல் எஃபெக்ட் காட்சிகளை எடுப்பதற்கு பேக்ரவுண்டாக பச்சை அல்லது நீலகலர்களையே பயன்படுத்துகிறார்கள் . அது ஏன் ?
கலர்களில் அடிப்படை கலர்கள் சிவப்பு , பச்சை , நீலம் ( R G B ) . இதில் , நம் தோலின் பொதுவான நிறம் சிவப்பு . இந்த சிவப்பு நிறத்திற்கு நேர் எதிர்மாறான நிறங்கள் பச்சை , நீலம் .
ஸ்பெஷல் எஃபெக்ட்ஸ் காட்சிகளுக்கு பின்புலம் எனப்படும் பேக்கிரவுண்ட் , முன்புலம் என்று சொல்லக்கூடிய ஃபோர்கிரவுண்டுக்கு எதிரான வண்ணத்தில் அதாவது கான்ட்ராஸ்டாக இருக்க வேண்டும் என்பதற்காக பச்சை அல்லது நீலம் பின்புல கலராகப் பயன்படுத்தப்படுகிறது . அதிலும் குறிப்பாக பச்சை பிரைட்டான கலர் என்பதால் அதை அதிகம் பயன்படுத்துகிறார்கள் . அது பின்புலத்தை எளிதில் பிரித்தெடுத்து வேறு பின்புலத்தை காட்சியில் இணைப்பதற்கு வசதியாக இருக்கும் .உலகில் ஜப்பானியர்கள் , சீனர்கள் , மங்கோலிய இனத்தவர்களின் சருமத்தில் மட்டும் கொஞ்சம் மஞ்சள் நிறம் மிகுந்து காணப்படும் . அவர்களுக்குப் பச்சைநிற பின்புலத்தை பயன் படுத்த முடியாது . அவர்களுக்கு மட்டும் ஸ்பெஷல் எஃபெக்ட்டுக்கு நீலநிற பேக்கிரவுண்ட்களையே பயன்படுத்துகின்றனர் .
திரையில் ஆட்கள் இல்லாமல் பொருட்களை வைத்து ஸ்பெஷல் எஃபெக்ட் செய்யும் பொழுது சிவப்பு நிறத்தைக்கூட பேக்கிரவுண்ட் கலராக பயன்படுத்த முடியும் . பேக்கிரவுண்டுக்கு நாம் எந்த அடிப்படை கலரைப் பயன்படுத்தினாலும் அதன் சாயல் கொண்ட நிறங்கள் ஃபோர்கிரவுண்டில் இல்லாமல் பார்த்துக் கொள்வது ஒன்றுதான் முக்கியமாகக் கவனிக்க வேண்டியது . ----- குமுதம் .28 - 01 - 2009 .