உயரத்துக்கேற்ற உடல் எடை !

இந்தியர்களின் சராசரி உயரம் 150 செ.மீ. என்பது பாரம்பரியத்தின் வழியில் அமைவது . உடல் எடையைப் பொறுத்தமட்டில் , பெரும்பாலும் அதுவும் வழித் தோன்றலாக அமைவதுதான் .
20 - 25 வயதில் , ஒரு ஆண் அல்லது பெண் எந்த்ளவு உடல் எடையுடன் இருக்க வேண்டும் என்பதில் பலருக்கும் குழப்பம்தான் . இந்த வயதில் ஒரு பெண் அல்லது ஆண் 150 செ. மீ. உயரம் இருந்தால் , சராசரியாக அவர் 50 கிலோ உடல் எடையுடன் இருக்க வேண்டும் . அத்துடன் , இந்த உடல் எடையுடன் 1 - 2 கிலோ அதிகமாகக் கூட இருக்கலாம் .
அதாவது , மொத்த உயரத்தில் 100 செ. மீ. உயரத்தைக் கழித்த பின்னர் உள்ள 50 செ. மீ. அளவைத்தான் உங்கள் உடல் எடையாக ( 50 கிலோவாக ) கணக்கிட வேண்டும் . 160 செ. மீ. உயரம் இருந்தால் 60 கிலோ எடையாக மாற்றிக் கொள்ளவும் . இந்த அளவீடு சர்வதேச அளவில் ஒப்புக் கொள்ளப்பட்டதோடு , ஆரோக்கியமான மனிதரின் உடல் எடையும் இதுதான் .
--- தினமலர் , ஜூன் , 13 . 2009 .