நிலாவின் வயதென்ன?

    நிலா பூமியின் துணை கிரகம் என்பது உங்களுக்குத் தெரிந்திருக்கும்.  ஆனால், இந்த நிலா எப்போது தோன்றியது தெரியுமா?  447 கோடி ஆண்டுகள்.  இதைக் குறித்து பிரான்ஸ், ஜெர்மனி, அமெரிக்கா உள்ளிட்ட நாடுகளை சேர்ந்த விஞ்ஞானிகள் குழு ஒரு ஆய்வு மேற்கொண்டது.  முடிவில், சந்திரன் 447 கோடி ஆண்டுகளுக்கு முன்பு தோன்றியுள்ளது என்பதைத் துல்லியமாகக் கண்டறிந்துள்ளனர்.  செவ்வாய் கிரக அளவிலான ஒரு பொருள் பூமியின் மீது பயங்கரமாக மோதியுள்ளது.  பூமியில் இருந்து உடைந்த சிதறல் தான் நிலா ஆக உருமாறியுள்ளது என விஞ்ஞானிகள் சொல்கிறார்கள்.  அதே நேரத்தில், பூமியின் சிதறலில் இருந்து நிலா தோன்றி 10 கோடி ஆண்டுகள் ஆகியுள்ளன என்ற கருத்தும் எழுந்துள்ளது.
-- ஆர்.ஜெய்குமார்.  விந்தை உலகம். வாழ்வு இனிது.
-- 'தி இந்து' நாளிதழ்.  சனி, ஏப்ரல் 12, 2014.